..كيكة التمر الرهيييييييييبة من مطبخي.. دلع وسنع

مساكم صباحكم ورد
هذي اول مشاركة لي مع دلع وسنع
والكيكة لها قصة :
انا مغتربة في بريطانيا و احد البنات الغاليات اللي هي saroona مغتربة في امريكا فاحنا ساحة المغتربات تجمعنا وفي يوم نزلت لنا قهوتها وكانت هذي الكيكة و طلبتها الطريقة وما قصرت وتم التنفيذ فأليكم التفاصيل من مطبخي في المملكة المتحدة UK
اولا المقادير موضحة بالصورة وهي
كاسة دقيق
بيضتين
نص كاسة زيت
ثلاث ارباع كاسة موية
15 تمرة
ملعقة قرفة مطحونة
ملعقة بيكنج بودر
رشة فانيلا
سكر مقدار فنجانين سكر

نخلط الما والزيت والبيض والتمر والفانيلا والسكر في الخلاط وبعدين نصبهم فوق الدقيق والبيكنج بودر والقرفة وهذا شكل الخلطة

و هنا حطيتها في الصينة
وبعدين ندخل الصيني بفرن نكون حمينا من قبل ونتركها مدة نصف ساعة

للتزيين ممكن تحطي توفي جاهز
انا ما كان عندي فاخترعت خلطة اللي هي نوتيلا وزبدة وحليب مركز خلطتهم سوا

و هنا قطعتها وحطيتها بطيق التقديم و تركتها تبرد

وهذي لكم مع الورد و كل الحب واتمنا تعجبكم