عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم فراشات
,,,,,,,,,,,,,
ارتحت لكم كثير وياما ازعجتكم في مشاكلي اللي ماتخلص وانتم ما تقصروا جزاكم الله خير
وأسأل الله الفرج القريب لي ولكل مهموم ..
,,,,,,,,,,,,
بنات ,.,,,,
انا تزوجت مرتين ,,, وهذا يمكن عارفينه لكن المشكلة تكمن في زواجي الاول
تزوجت زوجي الاول حبينا بعض كثير لدرجة ما تتصوروها … استمر حبنا سنتين تقريبا
وبعدها طلبت الطلاق راح تسألوا ليه ,, انا طلبت الطلاق لصحبته رفاق السوء وضياع الدين ثم الوظيفة
وتصبرت عليه عشان قلت مصيره يتغير وربي يهديه ان شاء الله ,,,
بس ما قدرت اغير فيه شيء وصدق الله القائل (إنك لا تهدي من أحببت ولكن الله يهدي من يشاء)
وبرضو لسوء العلاقة اللي صارت بين اهلي واهله زادت الطين بله بعلاقاتنا او بالاصح بتشجيعي ع طلب الطلاق منه .. يارب سامحني
حاولت انساه بعد الطلاق لدرجة اني ما اذكره ابدا إلا بالسوء استغفر الله ,,, ربي يسامحني
جلست عند اهلي سنوات تقريبا ثمان سنوات وبعدها انخطبت وتزوجت للمرة الثانية مكثت اشهر وطلقني والله ظلم
اسأل الله ان ينصرني عليه وعلى من اراد لي الآذى ,,,,
المهم والله يافراشات
إن طليقي الاول لم يفارقني حتى اسمه دايم ع طرف لساني ,,
حتى والله في ليلة دخلتي مع زوجي الثاني كنت ابناديه باسمه ناديته باسم طليقي الاول
..
وذاحين رغم ان طلاقي الثاني له اشهر ما كملت سنة لسى
إلا اني ما اذكر طليقي الثاني إلأ بالدعاء بالنصر عليه بس ونادرا ما اذكره إلا في اول طلاقي بسبب النفسية
أما طليقي الاول دايم في بالي واذا صادف شيء معين ذكرني فيه اقوله لأهلي بكل صراحة
ودايم اذكره ودايم صورته في بالي
ودي انساهـ ودي انسى اسمه ,, ودي انسى شكله ,,
يمكن انا ظلمته بطلب الطلاق او ظلمت نفسي بس والله غصبا عني
تخيلي نفسك تعيشي مع واحد بعيد عن ربي بعيد عن الصلاة … حشيش حبوب في بيتك ويبيع في بيتك
ويحشش قدامك ,,,
وفوق كل هذا اخواته يسبوا في ابوك ,,, وابوك يسب فيهم باعتباره قريبهم
كيف استحمل طنشت مشاكل الاهل وفهمته وصارحته بالاعتدال والبعد عن طريق الحرام بس
ما رضح وقال احبك بس ما اقدر ,, قلت خلاص طلقني والله بكى وانا قلبي جامد ,, ماقدرت بكيت لما رحت لأهلي بس ما ابغى اوضح ندمي ,,,
صدقوني مرة اخذت رقمه بطريقتي بس عشان اسمع صوته رغم انه متزوج
بس بعدها بطلت وغيرت رقمي ومسحت رقمه
ادري غلطانه بس ماني قادرة انساه حتى صوره اللي كانت عندي حرقتها عشان انساه
والمشكلة انه حاليا كثير في بالي واكثر اكثر من اول بمليون مرة
كيف انساه وانسى شكله واسمه
اتمنى نصحكم / دعواتكم / لي
وفقني الله وهداني وإياكنّ
……….
