كيف استقبلتي فرحتك بحملك<<الكل يدخل>>

أنا راح أقولكم موقفي في حملتي الاولى والثانيه وكل وحده كانت نقيض الأخرى ههههههههههه

حملتي الأولى
الدوره طافتني 14 يوم وماكنت حاطه في بالي أني أكون حامل المهم كنت أنتظرها وقلت أكييد تخربط هرمون
وكنت سهرانه الفجر أذاكر كان عندي أختبار نهاية السنه وكنت أحس بحموضه ونمت الساعه 7 الصبح وقمت الساعه 9 يعني بس نمت ساعتيين والله لايوريكم من قمت وكبدي لايعه وأحس أني باستفرغ وحسيت بدوخه كانه بيغمى علي زوجي لاحظ وقالي أول ماتطلعيين من الاختبار على طول اوديك للمختبر
>>>>>>>>>>> في قاعة الاختبار يؤؤؤؤؤؤؤؤؤؤؤؤؤؤ صارت هوايل
كان الي يراقب علينا واحد من الاساتذه الرجال
وطبعا انا منقبه وكنت احل الماده كنت مذاكرتها عدل بس بنص الحل نزلت القلم وسكرت عيوني
واحس الدنيا تدور واللوعه تروح وتجي وانا على عصابي افكر اذا بطرش الله يعزكم شلون افسخ نقابي ولا
اصد عن الاستاذ وافسخ وكان هاذا الي هامني وكنت احس بلوعة الدنيا وتنمييل بجسمي ودوخه
هههههعاد الاستاذ لما شافني قال يابنات اذكروا الله وترى الاختبار سهل بس ركزوا ولحد يياس

<<<<<عباله اني مسكره عيوني وابكي من الاختبار

ولما وصلنا للمختبر وسويت تحلييل قالوا ربع ساعه وتطلع النتيجه
كنت على عصابي وفيني بكيه مدري ليهوحاسه بخوف
وزوجي يضحك علي يقول واذا مو حامل بتطير الدنيا عادي انا عندي
وادري هو بس يقول كذا عشان اهدى والا هو ميت اكون حامل
ولما طلعت النتيجه حطوها بظرف قلت له والله ماتفتحها اليين نركب السياره
ولما ركبنا انا غمضت عيوني وهو قعد يفتح الظرف
ولاااااااااااااااااااااااااااااااااااااااااااااااا ااااااااااااااااااااااااااااااا
اسمع ضحكه مدويه فجرت اذني يقول مبروك علينا انتي حامل
انا وقسم بالله ماضحكت ولا فرحت مدري ليه ماني مصدقه احس كذب
وماخلينا احد من الاهل مابشرناه
ولما رجعت للبيت ونمت بعد ماصحييت استوعبت الفرحه واني حامل
وقالي زوجي امشي انا عازمك على مطعم انتعشى نحتفل بولي العهد القادم
ههههههههههههههههه وبس