كيف اخلي الكلام الحلو على لساني .. ساعدوني

السلام عليكم ورحمة الله وبركاته
كيف حالكم يا فراشات المنتدى ؟؟ ان شاء الله بخير ؟؟
عندي مشكلة واريدكم تساعدوني فيها… صارلي متزوجة سنة والله رزقني بولد الله يخليه لي
المشكلة فيني انا .. الكلام الحلوو ما يطلع مني لزوجي مثل
حبيبي .. روحي .. عمري .. قلبي .. فديتك .. حيااااااتي
كلمة احبك يالله يالله تطلع وماتكون دايما … هو يعرف اني احبه واموت فيه بس انا اعرف انه الكلام
الحلوو غير يحلي الحياة بين الزوجين ويخلي رابطتهم احلى واقوى …
بس ماادري كيف ابتدي وكيف اقول هالكلام … في مرة من المرات قالي زوجي وهو طالع من البيت
كلمة الله يحفظك ماتقولينها لي .. عورني قلبي ❗
يعني اذا بمسجات عادي اقووول اللي فخاطري كله
بس ويه بويه استحييييييييييي وااااااااااااااااايد
سااااااااااااعدوني الله يجزيكم كل خير .. ويوفقكم دنيا واخره
خبروني كيف ابتدي وكيف اخلي هالكلام دايما على لساني ومب بس في مناسبات !!!!!!!
اختكم
روحي