كيف أثر الحمل على نفسيتك؟؟؟

صباحو للكل, حكيتلكم انه انا اليوم رايقة 😥 وراح احكي كتيير فاتحملوني ما الي غيركو احكي معو ➡ اليوم حبيت اطرح موضوع نفسية الحامل كيف بتكون وكيف تغيرت مع الحمل وكيف أثر على حياتها وحياة زوجها والعيلة بشكل عام حتى نستفيد من بعض 😆 🙂
واسمحولي ابدأ بحالي, انا اساسا طبعي حساسة(زيادة عن اللزوم) وعاطفية كتيييييييييييييييييييير ودمعتي سريعة 😉 والحمل زاد هاد الشي عندي يعني صرت بتأثر بكل كلمة أو اغنية أو حتى مسلسل 😳
بس الحلو انه قربني انا وزوجي اكتر لبعض واحنا الحمدالله اصلا متفاهمين بس بعد الحمل زاد, وصار زوجي يعبر عن مشاعو تجاهي وحتى تجاه البيبي بصورة حلوة سواء من ناحية خوفو علي ورعايتو أو حتى الحكي عن الولادة وشو بدو يعمل ؟ وشو يجيب للبيبي ؟ وكيف نرتب غرفتو؟ووووووو…..
بس المشكلة عندي انه صرت دايما خايفة على البيبي وكيف راح تكون الولادة؟ واذا راح يصير مضاعفات لا سمح الله؟ ومتى راح اولد؟ واذا راح اكون أم منيحة ولا شو؟؟ يعني اسئلة ما بتخلص………
بس زوجي بحاول دائما يطمني وبسئل الدكتورة عن كل شي حتى اظل مطمنه(الله لا يحرمني منه)
و يا ريت اسمع منكم اذا الموضوع بهمكم 😆 🙂
وسلامي للجميع.