عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم بنات
وودي تساعدوني في هالمشكله الي حيرتني فيها زوجة أخوي المنافقه والي ماعرفت لها
بالبدايه هي بنت عمي متزوجه اخوي وهي الزوجه الثانيه له مشكلتها تتضايق لاشفتني أسولف مع ضرتها رغم ان ضرتها هي الي تناديني وتسولف معي
ولا ازيدكم من الشعر بيت تحبب لي بشكل لدرجه كل مره تسير علينا في بيت الوالد تجيب معها ورق عنب لاني احبه يعني طيبه معي طبيعي انجبر اسولف معها
خاصه انها تسكن الزوجه الاولى في بيت لحالها والثانيه الي هي بنت عمي تسكن معنا في بيت الوالد يعني اذا فيه احد جايكم اكيد بتسولف معه أكثر وهي تشبعت من السوالف معي بحكم اني معها في نفس البيت يعني وش رايها اهجرها عشان ترضى رغم اني احاول اتوسط بينهم بس المشكله ان الزوجة الاولى الي هي ضرتها هي الي تبادر لي وتسولف وهذيك تشوف نفسها وتسوي نفسها انه عادي وهي في قرارة نفسها متضايقه بدليل تصرفاتها الخبيثه معي
بنات اقسم بالله شي يقهر تعاملها معي عند امي واخوي مبالغ فيها تفز لي وترحب بي اذا جيت لهم زياره وتسوي معي شي ماتسوي زوجة اخو مع اخت زوجها مو حبا فيني بس عشان تثبت لاخوي شوفني انا طيبه وشوفني ياخاله ولاتصدقين كلام بنتك فيني وعلى فكره حتى امي لمن اتكلم فيها عندها لان امي داايم تقول وش فيك تصدين منها عشان كذا هي تعرف اني اقول لامي والسبب اني امي احيانا تجف منها بسبب اني اقول لها عن تصرفاتها معي بس شوي وترجع امي زي اول معها بطبيتها مايهمني تعامل أمي معها بطيبه لانها تخدم لامي فطبيعي امي تحبب لها
رغم اني احيانا اتضايق لمن اشوف امي تسولف معها بزياده وبطيبه وهي تعامل بنتها بطريقة وصخ يعني عكس اهلها لو امها مكان امي ماعطتني وجهه زياده تكلمت معي بوسطيه
وهي من الاساس محرضه اختها الي بعمري لانها اكبر منا بخمس سنوات واختها كانت رفيقتي الروح بالروح لانها بنت عمي وبعمري وتعزني واعزها
بنات لمن قلت لزوجة اخوي الي هي بنت عمي عطي اختك الي هي رفيقتي وبنت عمي بنفس الوقت ايميلي قالت طيب ياليت تشوفون وش سوت فيني اختها لمن اضافتني في ايميلها هزتني بشكل مفاجى وان لي منها ثلاث سنوات عنها لانها بديره وانا بديره تدرون ليش لانها معبيه راسها ولمن سئلت زوجة اخوي عن سبب تهجم اختها علي عشان بس مااظلمها قلت ليش تحرضين اختك لي ووو
بنات مااهان عليها تحلف لي ردت علي بكل برود وقالت لا يجي في بالك اني اتكلم فيك وانا مالي دخل وباسلووووب بااااااااااااااااارد وقالت انا ماادري عن شي وهي كانت عند اهلها بالوقت الي تكلمت اختها معي بالماسنجر وسوت ان اختها تقول هي الي غلطت علي تقصد انا !!!!
حسبي الله عليها
ولمن يصير بيني وبين احد موقف تحب تجيب طاريهم عندي كثيرررر مثل بنت اختي وتحاول تثير غيرتي وتتكلم فيها عندي وتناظرني بنظرات تبين تشوف ردة فعلي صوبها زرعت في قلبي الغيره من صوب بنت اختي من كثر ماتحسسني
انسانه منافقه بشكل ماعمري شفت مثلها المصيبه تقول لي تعرفين فلانه قلت ايه قالت ماتخلي احد يمسك عليها شي بس تغلط من تحت لتحت وهي نفس الشي ماتغلط علي بشكل مباشر بس بطريقه عجيب اعجز اشرحها لكم لدرجه ان امي تقول سولفي معها اقول يمه مااقدر هذي انسانه الجلسه معها كلها تدقيق ونظرات وتلميحواحيانا اتلمس فيها طيبه واحيانا حركات تستفزني وتحاول تغير اخوي علي رغم ان اخوي عارفه انه يحب خواتها ولايسمح بطاريهم فتجيبها بطريقه عجيبه حسبي الله عليها
انا مايهمني هي بقدر مايهمني امي واخوي واختي تحاول توضح لهم اني طيبه وحبوبه معها وهي العكس بنظراتها وتصرفاتها معي
محتااااااااااااااااااااااره في تعاملها معي المبالغ في التحبب وبنفس الوقت احسها ماتطقيني من خلال تصرفاتها المتناقضه شلون تعامليني كويس وانتي تتكلمين فيني من وراى وتعبين راس اختك علي وتخلينها تدعي علي ليه وش الي سويته لك عشان بس اسولف مع ضرتك هي من النوع الي حربها حرب تبي الي تحاربه حاربو معي ليه وش دخلني في مشاكلك مع العالم
شلون أتعامل معها لاني صرت مااطيق اجلس معها خاصه ان امي تقول اجلسي معنا في الجلسه تستفزني بشكل ..وصخه نفسيتها بصراحه
حتى اخوي صار يلمح لي باهتمامها له مايخالف اهتم فيها ماتفرق معي هي لانها انسانه ماتهمني لان شخصيتها ماتعجبني ابداا لكن زي الي يقول اعملي لها حساب واخوي هذا عمرها ماسوى معي كذا مع زوجته االاولى بس هذي كيف وصلت لها معلومه عني ماادري كيف
الحين اطنشها بيستغرب اخوي وانا ماابي اخسر اخوي واسوي حساسيات وبنفس الوقت ماااقدر اتحمل الجلوس معها ابداا حتى بالاكل والله لو انتم مكاني ماتلوموني حتى لمن تسولف معها امي تناظرني وترد علي امي وهي تبي تغيظني شوفي امك تسولف معي عادي رغم اني سويت فيك كذا مع اختي
اكرهها بصراحه لاني حاولت اتقرب لها بس بدون اي فايده تبي اهجر ضرتها اعتقد او تفسر كلامي معها بالغلط تفكر اني اكرهه رغم اني وضحت لها اكثر من مره انها هي وضرتها عندي نفس الشي
بنات كرهت اسوي زياره لاهلي خاصه ان زوجي يقول انتي غريبه البنات يحبون يروح لاهلهم (انا في ديره بعيده عن ديرة أهلي ) بس بين فتره وفتره انزل لهم ويستغرب من عدم رغبتي في زيارة اهلي لاني ماارتاح طوول الوقت في وجهي والي يقهرني مااقدر بصراحه اسولف معها واضحك وهي قهرتني انا لي وجه واحد مااقدر اسوي مثلها ويكون لي كم وجهه يعني تعرف اني متضايقه منها ورغم هذا تجاملني بشكل مبالغ لدرجه انها تبيني استحي منها التعامل الطيبه يجذب مو بالطريقه الوصخ هذي
أتمني فهمتو علي الي ابي منكم
شلووووووووووون اتعامل معها ؟؟
واخوي كيف اوضح له بدون مااتناقش معه لاني خجووووله وانحرج لمن اتكلم معها ؟
انا ماابي احرضه عليها بس ابي اوضح اني مااغلطت عليها عشان مايفهمني غلط وبدليل كلامي يابنات اني الا الان ماقلت لاخوي عن تصرفها معي هي واختها منعا للمشاكل وعشان لاخر لحظه اكسبها بس هذا الي خلاها تتمرد
وزوجي يابنات كيف اوضح له عن سبب عدم رغبتي في زيارة اهلي ؟
اسفه طولت عليكم بس حبيت تكون في الصوره أكثر
