كنت معيدة متعاونة ؟ والان فقط محطمة ؟ قولوي ايش اسوي ؟

السلام عليكم ورحمة الله وبركاته … انا خريجة قسم دراسات اسلامية … بمعدل ممتاز … ودرست متعاونة في الجامعة وعندي شهادة خبرة وقدمت على وظيفة معيدة وللاسف ما تثبت في مكاني … انهو عقدي وعينو غيري .. الله يبارك لهم …وييسر لي ..

ودحين جالسة في البيت وماني عارفة ايش اسوي ؟ محبطة مرة لاني كنت متوقعة اني اتثبت … يعني لما قربت من طريق تحقيق حلمي وفرحت وما بقي شي ء غير التثبيت ….. رجعت من جديد حسبي الله ونعم والوكيل والحمد على كل حال …

دحين ماني عارفة ابدأ من فين ؟ وبدي اكمل ماجستير وما ادري هل اكمل في احد تخصصات الدراسات الاسلامية على امل اني احصل وظيفة معيدة .. في المستقبل يمكن مع الماجستير يسير في فرق ؟ يمكن يفتحوا كلية شريعة ؟؟بعد كدة

او اشوف ايش احتياج السوق السعودي واغير التخصص في الماجستير لاني ما ابغى اكرر اللي صار لي مع البكالوريوس .. تخرجت وفي زي الف وحدة ؟؟؟
وغير ان الواسطة بتعلب دور كبير في حكاية الاعادة … فهل اغير حلمي من ان اصير معيدة الى ابحث عن الشيء اللي عليه طلب ؟

لما عملت بحث عن احتياج السوق السعودي لقيت انه تخصص ادارة الاعمال والتسويق هذا اهم شيء …
بعدي فكرت حقون البعثة لما يرجعوا بشهاداتهم وهتكون اعلى من شهادتي بجامعة طيبة … !!!