كم صاررلك مده متزوجه ؟

حبيباتي
السؤال واضح كم صارلك متزوجه؟ وكم عمرك ؟
وماااااااا حصل حمل
انا شفت برنامج عن تاخر الحمل بالتلفزيون
والدكتور قال النسبه في العالم ان نسبة 75% من البنات يحملون اول 6 اشهر من الزواج
و في السنه الاولى تحمل 85% من البنات المتزوجات
وفي السنه ونص الاولى تحمل 95% من البنات المتزوجات
المهم يقول يبدا القلق وانه لازم الوحده تسوي تحاليل وتاخذ ادويه
اذا كملت سنه ما حملت للنساء الي فوق الثلاثين من العمر
واذا كملت سنتين ماحملت للنساء الي تحت الثلاثين من العمر

الا اذا عرفت الوحده ان عندها لخبطه بالهرمونات او تكيس تتجه للعلاج اذا حابه تحمل قبل السنه وعلاجها بسيط وما فيه جراحه بس حبوب وادويه
وقال الدكتور ان فيه فوائد كثير لتاخر الحمل منها الاستعداد لتربية الطفل واسلوب التربيه من اتفاق مسبق للزوجين وانتظارهم للطفل يكسبهم فرحه اكبر بلحمل والولاده وتعلقهم بصحت بعض واغلب الرجال الي زوجاتهم ما يحملون بدري يكون تعلقه بصحت الام كبير
غير زيادة الحب ومعرفت كل واحد للثاني ولشخصيته اكثر من خلال العشره مهما كانت فترت الملكه او الخطوبه طويله مو زي العشره
غير وهذا الاهم تعلق الزوجين بالله تعالى وعودتهم له في طلب الذريه
حب الزوجين لبعض
الحين هاذا تجمع لنا
واسئله لنا كلنا عشان نتعرف على حالات بعض وندعي لبعض ونكون كلنا اخوات ونعرف اخبار بعض
لان الاحساس جدا رائع لمن تحسين وحده معاك بالمنتدى تسأل عنك وفاكره قصت علاجك وتدعي لك

السؤال الاول
كم عمرك؟
كم سارلك متزوجه وما فيه حمل ؟
هل حدث حمل قبل كذه؟
هل راجعتي الطبيب و ايش كان تشخيص حالتك؟
ايش الادويه الي اخذتيها؟
كم سارلك تتعالجين ؟ متى بداتي علاج؟

وانا اول وحده تجاوب على الاسئله

كم عمرك؟ 23 سنه
كم سارلك متزوجه وما فيه حمل ؟ سنه وثلاث شهور
هل حدث حمل قبل كذه؟ لا
هل راجعتي الطبيب و ايش كان تشخيص حالتك؟
راجعت لاني عارفه من قبل الزواج ان عندي ارتفاع بهرمون الحليب والدوره مو منتظمه رحت للدكتوره بعد تقريبا ست شهور من الزواج عطتني حبوب استخدمها ثلاث شهور
تنزل هرمون الحليب بعدها رحت للدكتوره ثانيه قاسته لي نزل عن اول لاكن باقي مرتفع
استخدمت حبوب تنزله ثلاث شهور
علما بانها قالت لي ممكن اعطيك حبوب كلوميد مع هرمون الحليب بس انا ما رضي زوجي قال لا
بعد سنه من الزواج رحت اتعالج والحين انا ثاني شهر بكلوميد ودفستون وما حملت وداخله بالشهر الثالث
وبس
ايش الادويه الي اخذتيها؟ كلوميد ودفيستون وحبوب عطتني اياها لتنظيم السكر تقول تزيد الخصوبه اسمها متفور
كم سارلك تتعالجين ؟ متى بداتي علاج؟ علاج للحمل شهرين