كل فراشات منتدى النيل ممكن ثوانى هنا؟؟؟

انا جمعتكم انهرده عشان اقولكم انى مسافرة خلاص راجعه مصر رحله صغيرة عقبال ما اولد واجى يعنى 3شهور لمعاد الولاده و3بعدهم عما اعرف اتعامل ازاى ما الكائن الجديد بتاعى ربنا يجبهالى بالسلامه وارجع لكم بيها
رحله صغيرة صح؟
عموما انا مسافرة الاربع بعد بكرة ويمكن تكون دى اخر مرة ادخل قبل ما اسافر وهحاول ادخل وانا فى مصر على حسب ظروفى اصل الكمبيوتر مش فى بيت اهلى
(امى شايلاها عشان اخويا يذاكر ويفلح ثانويه عامه تبقى تقابلنى فى المشمش)
عموما مش ده موضوعنا خالص

موضوعنا هو انى مش عارفه هنتقابل تانى ولا لأ وهنتقابل امتى عشان كده مش عايزة اى حد يكون زعلان منى
اى فراشه انا غلط فى حقها او رديت عليها رد غير لائق او مقدرتش ارد عليها مش تزعل منى
والله انا بحبكم كلكم فى الله انتم فعلا كنتم نعمه الاخوات بالنسبه لى ونعم المعين فى غربتى ونعم الانيس فى وحدتى كنت بفضفض لكم بدل ما اكلم نفسى

احب اشكر كل البنات بدون ذكر اسماء عشان ذاكرتى مش تخونى
بدايه بالمشرفات المحترمات
رانيه :Pوام فوشكا ➡ وفيرونا 😐 وقبلها زهرة اوركيديا 😆 hy:

مرورا بالاخوات الغاليات على قلبى
سوسو دودى زهرة متالقه محبوبه ملوكه ندى نانى ضحى بوسى كات رحوبه شوشو رونه ام البتول جورى ميس

اتمنى مكونش نسيت حد ولو نسيت اعذرونى زهايمر الحمل

للاخوات الجدد اللى كان نفسى اتعرف عليهم اكتر
فوزيه وفيروز وبنوته فرفوش