عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بنات قررت اليوم افتح قلبي و انا مشكلتي غريبة
تتكرر معاي بشكل يومي وماقد قلتها لأحد عشان ابي الكل يوثق فيني
للاسف يابنات انا من ادخل المطبخ لازم اكسر شي او اطيح شي بالغلط
مثلا جوالى دائما يطيح مني يدي ويتكسر
مثلا الكاسات لما اغسلها تطيح من يدي وتتكسر
مثلا الاكل لما اكل ينكب على ملابسي
مثلا العصير اكبه بالغلط على السفرة
مثلا اكون ماسكه صحن واكب اللي فيه بالغلط واعفس الدنيــا
للاسف هالحالــة معاي مستمرة
اختى تقول احس انك معوقه
ومحد يوثق فيني اشيل له غرض
خايفين اطيحه من يدي
للمعلوميه يابنات
انا مافيني شي وطبيعية بس لما اجي استرخي
احس بتشنج خفيف بيدي
يعني تتحرك من حالها بس على خفيف جدآ
دعيت الله بمكه ان الله يثبتني وان الله يشفيني من هالحاله لانها سببتلي احراج مع اهلي ومع الناس
الحمدلله خفت بس ماراحت
صار الكـــل يسميني ((حفلـــة))
ياناس غصب عني مدري كيف يصير والله الحمدلله واثقه بنفسي بس احس ان فيني شي
هل في احــد مثلي ؟؟ وكيف اقدر اعالج نفسي ؟؟
اتمنى رفع الموضوع بدعوة
