عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا يناااااااااات اليوم بكتب لكم كل شي عن تجهيزياتي لزواجي
طبعا انا زواجي بربيع بس المفروض بالحج وتأجل والحمد لله على كل حال
فلذالك شريت كل شي قلت بكتب لكم شنو شريت وبعدها بايااام بنزل بعض من الصوور
اولاً : الذهب شريت بـ 30 الف ريال مشكل مابين دهب نانسي وذهب اليسا لازوردي واحجار كريمه والماااص
طبعا بقى لولو خلصت الفلوس وقلت خلاص ماراح اشتري زود لاني بحصل هدايا بالزواج
ثانياً: الملابس
كلفتني تقريباً 5الف ريال
فستان طويل نعومي حق سهره لونه بيج مشبوك مع عقد لولو شكله حلووو جدا
6فساتين قصيره الوانهم اصفر واحمر وازرق واسود وابيض مشكلين مابين النعومه والسهره
2 افلوون ابيض وجينز
6 بدي شياكه حق طلعات ومناسبات الوانهم مووف بني بيج احمر اززرق مع فووشي
2 بنطلون فقط واحد جينز وواحد احمر
4 شورتات جينز واحمر ابيض اسود
5 تنوره قصيره ملونين طبعاً
12 روب نوم منهم 3 من النت شريتهم وواحد فيه ريش كأني مصريه هههه واحد حق ليلة الزواج طبعا ابيض فيه شك بسييييط جداً
ملابس داخليه 13 طقم كل الالوان تقريبا و4 عاديين للبيت وكلوتات خيووط لاني ماحب البس الا خيووط حتى الحين
بيجامات طبعا كات وشورتات 5 فقط
قمصان بيت خفيفه 3 تقريبا
طقم لونه احمر للحمام عباره عن فوطه لف للجسم ومنشفه للشعر وشبشب
وطقم للبيت لخطيبي حبيبي عباره عن بدله حرير معاه بنطلون وشورت وروب وشبشب
ثالثاً: الميك اب
كلفني تقريبا 3 الف ريال
اخذته ماركة فور ايفر ومكياجي
2 علبه اساس .. 3 بودرة وجه.. مثبت ميك اب.. 13 لون ارواج متنوعه مابين الفرشه والاصبع
طقم الوان تدرجات الاحمر كحل اسود ازرق اخضر.. ماسكار.. لمعه للوجه.. لماع للظل..
ظلال الوان طقم كبيررر وطقم صغير للشنطه فيه الوان اساسيه وعلبتين مفصولين احمر واسوود
قلوسااات.. مزبل ميك اب نوعين .. طقم بروشات للميك اب.. شنظة ميك اب كبيره..
رابعاً: شنط وجزم الله يعزكم
كلفتني امم يمكن 1000 ريال
شنط الوانها اسود احمر مووف ذهبي فضي وازرق وكذالك الجزززم وجزمه رمادي تهبببل
طبعا منوعين منها ماركه ومنها من محلات عاديه
خامساً: العطور
كلفتني 3 الف ريال تقريباً
3 شريتهم من الوزير وحده ب 450 وَ 300 و 250
والباقي من سيد جنيد تقريبا مجموعهم 12 علبة عطر منوعه بين المخلطات والفرنسيه والعربيه وحق الصباح
طبعا كلهم جدد مو مستخدمتهم قبل ومو حافظه اسمائهم بعدين بنزل صورهم
سادسا:منظفات الجسم والبودرات
كلفتني يمكن الف وثمانميه ..
طقم للحمام من الى من زهور الريف برائحة الورد
طقم من بدي شوب بنكهة الفراوله
وبودره من اجمل وبودرة دهن عود وبودة الورررد مقشر بالخوخ والمشمش
مسك معطر
الاشياء الاخرى
عبايتين مع طرحاتهم وحده كتف وراس بألف ريال
حلاقة شعر براون لونها وردي
شبشب للبيت
مجموعه من مشووط للشعر
سبري للشعررر
اكسسوارات كلفتني 400 ريال منها ملووون ومنها فضي ومنها لولو واشياء خفيفه
مناكيررر
وتقريبا بسس
الله يسعدكم ويهنيكم وعقبال كل العذارى
ياليت من تقرأ موضوعي تدعي لي بتسهيل الامور
ادري بتقولون واجد بسسس وربي تعبت لان زوجي من النوع اللي يدقق ويحب الكشخااات
الله يخليه لي
شرايكم الحين وشنو ناقصني….؟؟
طبعا حقين الصيدليه هو بيشتري كل شي وبيحطهم بجورة المياه الله يعزكم
