عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلاااااااااااام
كيف الحاااال وش أخبااااركم؟؟
أبدخل بالموضوع سيدا لأني ماأحب المقدمات أنا الله يسلمكم قبل تقريباً إسبوعين صحيت الظهر من النوم إلا وجسمي متنفخ بشكل يخوووووووف ويديني مقدر أسكرها من قو الورم وأنا عندي إرتفاع بالضغط وزلال المهم ورحت سيدا للمستشفى وأنا خاااايفة (ملاحضه: المستشفى أخطائه الطبيه كثيرة وخدماتهم سيئه جداً أجل تنويم عشان ضغط وزلال!!!) المهم دخلت على الدكتورة حقت الطوارئ وشافت يديني كيف تخوف ورجولي صرت كني فيل انفجعت المسكينه 💡
قلت لها انا معايه زلال وضغط وقاست لي الضغط وقامت زي المقروصه وقالت ضغطك مرتفع لازم يشوفك دكتور النساء والولادة وأروح لم الدكتور وقال لي لازم تنويم وإذا مانزل ضغطك راح نولدك وأنا تجيني أم الركب(راح تمر عليكم كثير بقصتي)وأقعد أتراجف وياحليلي جايه للمستشفى وواثقه أن السالفه بسيطه وأني بطلع ولاجهزت شنطة الولادة ولا شي المهم واطلع للتنويم وأجلس 6 أيام كل يوم تحاليل وأبروعطوني حبوب ضغط 6حبات في اليوم تخيلوا حسبي الله عليهم الله لايسامحهم لين جاتني نوبه قلبيه ودخلت العنايه المركزة يومين 😈 وعطوني إبر الهيبارين الحارة حقت سيولة الدم وعطوني أشياء كثيرة سببت لي النوبه وصارت تجيني كل شوي على خفيف وتحاليلي تدهورت مررررره والضغط صار يطلع وينزل بشكل يخوف 😥 لين جاء يوم الإثنين مو الي فات الي قبله الصباح جاني الدكتور بعد ماقاست لي السستر الضغط وقالي بالحرف الواحد اسمعي يابت إنتي ضغطك جداً مرتفع (كان ضغطي 100160) وتحاليلك كل مالها تتدهور لازم توقعي على العمليه ونسويها بكرة الصباح عاد أنا رفضت وقمت أبكي ودقيت على اهلي وصارت حوووسه وخرابيط لأن أهلي بجدة مو عندي المهم الخلاصة إني طلعت على مسئوليتي بعد طلوع الروح كل هذا عشان أسوي العمليه وأدفع لهم 10 آلاف ريال 😛 وأخذت تقرير طبي بحالتي الي كان مختصر بشكل كبير ونص الي سووه ليه ماذكروه بالتقرير الله لايسامحهم ما جاء المغرب إلا وأنا في بيت اهل زوجي ومن البكره الي هو يوم الثلاثاء العصر غامرت بنفسي وسافرت لجدة بالسياره لني خايفة من الطياره تضرني لني معي ضغط ماوصلنا إلا الفجر من اليوم الثاني الي هو يوم الأربعاء طبعاً مواصلين ماوقفنا وكنت مقرره أروح مستشفى العسكري مباشره بس نمت عند اهلي من التعب وماصحيت إلا الظهر الساعه 2 مشينا للمستشفى أنا وزوجي وأمي الله يخليهم يارب تعبوا معي حيل ودخلت للدكتورة حقت الطوارئ بعد صلاة العصر من الزحام وقعدت عندهم تخطيط وحوسه وتفاجأت بكلام الدكتورة الي قالت لي أنا بصراحه مستغربه كيف يعطونك حبوب ضغط وأنتي ضغطك مو مرتفع لدرجه الي يعطونك حبوب ضغط لا وسته كمان كانت مره مستغربه وأستغربت اكثر يوم قلت لها انهم كانوا بيسوون لي عمليه بس أنا رفضت المهم كتبولي تنويم وطلعت للتنويم المغرب وقرووا يبدوا يعطوني محفزات للولادة (طلق صناعي) ودخلوني كشك الولادة ماودوني للتنويم وتحاليل وبلاوي وعلى الساعه 11 ونص الليل عطوني التحميله الأولى والأخيرة وكان الرحم مقفل خالص على قولة الدكتوره وقعدت فترة طويله ماحس بشي بس جالسه أقلب خشتي في الحريم الي يتوجعون وفرحانه بعد وجه إني ماراح أولد 😆 🙄 بس من بعد الساعه أربعه الفجر من يوم الخميس بدى الألم كان خفيف ومتباعد والساعه تسعه الصباح شد الألم وصاااار قووووي والساعة عشره جت الدكتورة فحصتني وقالت الرحم مقفل 😆 انا خلاص تحطمت وراح من مني كل الألم ومعد أحس بشي بس وأنا أتحرك على السرير أحس بشي دافي ينزل مني على خفيف ماأهتميت ونمت لين الساعه 2 الضهر قمت أبغى الحمام الله يعزكم حسيت شي طق جوا بطني ويوم قمت الله لايوريكم سيول من المويات تنزل مني وأنا على طول اجلس وأسكر رجولي وأجلس أطالع حولي أحد شافني وإلا لاء أثاري كل الناس تدري عني ➡ قالوا لي الحريم عادي لاتستحين كلنا كذا 😥 وأنا أجلس أسب في نفسي ليه ماسكرت الستاره يوم قمت طالعت على الأرض يقالي أستحيت إلا المويه كلها على الأرض غمضت عيوني من الفشله ❗ وقمت اخذت لي فوطه من عندهم ولبس جديد ورجعت مكاني قالت لي وحدة من الحريم خلاص راح يبدأ الطلق يزيد معاك وأجلس أستغفر وأخذت لي علبة مويه وقريت فيها الرقيه الشرعيه وشربتها ومسحت منها على بطني وبفضل الله كانت سبب في بداية الطلق وشدته وقرب الفرج إنتضروني بعد شوي أكمل اللحين تعبت برتاح ثم أرضع ولدي ثم أرجع لكم(يؤ يؤ خربت شي كثير من القصة معليش إن شاء الله ماأكررها يالله لاتطلعون إستنوني)
بااااااااااااي ولي عوده لتكملة قصة ولادتي
