كفايه ضعف وتعالوا نتعاون عشان نتوظف (((حمله كبيره ناجحه بإذن الله ))

اخواتي بنات وطني …….احب ابشركم اني قررت اتولى التنسيق للحمله ضد البطاله

كفايه اللي صار لنا طول هالسنين ولان المؤمن القوي خير من المؤمن الضعيف لازم نتحرك ولاتستنون احد يعطف عليكم او يفكر فيكم

الحمد لله احنا بلد خير وقائدنا ملك عادل ومايرضى بالظلم ….لذلك اتمنى من اللي تكون مأيدتني انها

تتواصل معاي وتتعاون اهم شي التعاون ولا تحسبون اني بانجح بفكرتي لوحدي ابدااااا ما حيصير ………. لانه لو ماتعاونا ابدا ماحننجح ……… ولازم كل وحده تفكر انها قضية حياتها ولازم تكسبها احنا مادرسنا وتعبنا وسهرنا عشان
نستني رحمة الخدمه المدنيه المهم في الموضوع:-

1- نحتاج مصممة فوتوشوب محترفه وموهوبه لعمل تصميم راقي للحمله اللي بنسويها

2- نحتاج دعم من الاخوات بنشر الفكره لكسب اكبر عدد من العاطلات

3- لازم نجمع اسماء العاطلات ونضعها في عريضه تصل مباشرة لخادم الحرمين الشريفين

4- هذا المهم نحتاج محامي كفؤ يكون حاسس بحجم القضيه وقادر يوضح حجم المعاناه اللي يعانونها بنات الوطن

5-يجب ان يكون على مستوى عالي وصاحب خبره في مثل هذه القضايا

صدقوني يابنات انه هذا مجرد طرحي أنا ولس لما نتعاون كل وحده تطلع خبرتها وافكارها اللي باذن الله حترفع من الحمله فوق وتخلي كل وحده تاخذ حقها وزياده

انا في انتظاركم

و إلى الان مااخترت اسم او عنوان للحمله منتظرة ردودكم الطيبه:D

(الحمله الان في كم منتدى وان شاء الله انتشارها قريب)

واحب اقولكم انه اللي جاده في الموضوع وتبغى انه يكون لها من الطيب نصيب تراسلني على الخاص عشان اعطيها ايميلي ونتفاهم على الموضوع