كريم كارميل سهل و رائع ومن تحضيري

ازيك يا فراشات

انا كنت نزلت الوصفة بموضوع بس اليوم حنشوف الكريم كارميل من ايديا وبطريقة كثير سهل ويطلع معاكي روعة

المقادير :

1- لتر حليب

2- اربع معالق سكر ولو تحبيه حلو زيدي

3- فانيليا

4 – معلقتين نشا

5- 6بيضات

6- الكاراميل

الطريقة :

اولا تكوني مجهزة الكراميل او تشتريه جاهز و تسكبيه في القوالب او قالب كبير و تسبيه يبرد و يمسك

في اناء على النار نضع الحليب و السكر و النشا مدوبة في شوية ميه عشان متعملش كور و مع التحريك الجيد لحد ما يغلي الحليب هو مش حايمسك معاكي لانو كمية النشا اقل من كمية الحليب و تسبيه يبرد شوية

في اناء تاني نخلط البيض و الفانليا جيدا و شوية شوية نصب الحليب على البيض و نحرك لحد منخلص انا هنا بصفيه عشان يجي الكريم كارميل من جوا متجانس و مفيهش اي حاجة

و نصب الخليط على الكراميل البارد في القوالب و نحطو بحمام مائي و نضعو بالفرن الي احنا مسخنينو

ودا شكلو قبل ما يدخل الفرن

ونسيبو لحد ماينضج هو زي الكيكة نحط السكينة جوا لو طلعت نضيفة يبقى استوى و دا شكلو لما يطلع من الفرن

نسيبو يبرد بالثلاجة ولما تيجي تقدميه تسخني القوالب من تحت على النار شوية عشان ينقلب معاكي و دا شكلو