عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بالطش والرش والبيض المفقش
وكل من دش وخش ولطش الطريقه لطش
ياحبييييييييييييييييييلكم وياحليييلكم حلييلاه
صدقتوا انه في كريمه فرنيه بدون فرن >>>>وشلون تجي طيب
وصدقتوا انها بدون بيض >>>>اجل وشلون تصير
اليوم رايقه ام الوقان كله >>>>قولوا ما شاء الله تبارك الله
الطريقه ياحبيباتي هي كريمه سهله مرررررررررره وبسيطه ما تستصعبهاش
والمقادير هي>>> كاس حليب بودره+ وحده علبه قشطه +بيضه وحده
+ كاس ونص ماء + واحد ظرف كريمه +فانيليا سائله
الطريقه بكل بساطه>>> نحط جميع المقادير في الخلاط
ونصبها في القدر ونحطها على النار 
ونقلبها باستمرار على نـــــــــــــــــــــار هــــــادئه جـــــــدا
شوفوا حطيتها بالاحمر عشان تركزون على الكلمه
حتى لايتكتل البيض ويصير عقد اذا كانت النار عاليه>>>موذنبي اذا رفعتي النار 😆 🙂
وتستمرين في التحريك حتى يثقل المزيج ويبدأ في الفوران بكذا نكون انتهينا من الكريمه
طبعا راح تصلحين سكر محروق عادي وتصبينه في قالب الكريمه المعروف
وانت حره تحطينه في قالب كبير او صغار على راحتك
انا حطيته في قالبين وسط وحطيت بجابنهم كاس حتى تعرفين حجمه تقريبا
خليه يبرد شوي وبعدين دخليه الثلاجه حتى يبرد تمام
هذا شكلها بعد ما قلبتها وترى طعمها نفس طعم الكريمه الفرنيه 
وهذه صوره ثانيه للحلوين الي تاخروا وما لحقوا على الصحن الاول 
غاد هالحين يوم قضينا قومن الله يصلحكن
وكل وحده تزينه تقولنا وش تعليقها عليه
