عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
بدخل في الموضوع بدون مقدمات مافيني حيييييل 
انا اللحين في بداية الشهر الثالث واسأل الله انه تعدي شهور الوحام على خير قبل لا اتهور واسوي شيء بعمري…۔
وحامي جاء على اربعة اشياء…نفسي وزوجي وبيتي ودولة الامارات العربيه المتحده!!!!
تخيلوا قويه صح؟؟!! 
السالفه ومافيها اني بالشهر الاول ونص من الشهر الثاني كنت بالامارات اجازه وسياحه ومااقدر اوصفلكم قد ايش كانت النفسيه زفت هناك لوعه وغثيان وتعب فضييييييع …والله يهديه زوجي قلت له ماابغى اروح وانا حامل وبالشهور الاولى ولسه اول حمل لي يعني مااعرف كيف الوحام وقرفه بس ماطاوعني….اللحين من رجعت وانا ماودي شيء يفكرني بهاالرحله مسحت كل الصور اللي صورناها ووزعت كل اللي شريته من هناك على اهلي ماابغى شيء منها…..حتى قنواتهم محيتها من الرسيفر عشان لا اشوفها واتدكر….الله المستعان.۔
بيتي من ادخله احس اني مخنووووقه واشم فيه ريحه تضيق الصدر ولا اقدر اعطره او ابخره لان الروائح العطريه كمان كرهتها..
زوجي كرهته بقوووووه ولا ودي يقربني ولا اشوف وجهه حتى النور في غرفة النوم على طول قافلته عشان مااشوف وجهه وهو متحمل مسكين بس مدري الى متى ….الله يستر
كرهت نفسي حييييييييييل وشعري خصوصا والله يابنات مااكدب عليكم نويت اجيب موس واحلقه ع الصفر وهو يقول لي العني ابليس وسمي بالرحمن …فتره وراح تعدي وانا صابره وادعي الله انه يعدي هالايام على خير..۔ وبس بردانه بتجمد 
والله يابنات ان اللي صاير غصب عني وزوجي احيان يقدر واحيان يقول دلع .۔ ويقول وين زوجتي الي تضحك واللي تسولف بس مكشره وتعبانه؟؟
اخاف الرجال يطفش مني وياخد في خاطره.. وانا مو عارفه هل هدي فعلا فتره وتعدي والا كمان راح تستمر لباقي شهور الحمل قدااام؟؟
وهل راح تنتهي بانتهاء الحمل والا راح تستمر لما بعد الحمل؟؟
وهل كل حمل كدا راح يصير؟؟
ادعوا لي يافراشات والله تعبت خلااااص والله يكتب لي اللي فيه الخير يارب..۔ 
