كرهت نفسي بسبب شيئين :(

السلام عليكم ورحمة الله

مساءكم صباحكم
ورد احمر

يابنات احس بضيقه والتهب علي القولون من كثر الضيقه 😀

بحكي لكم اللي بخاطري وافضفض لكم

يا بنات انا جتني وظيفه وكتبت سالفتها بقسم الموارد البشريه واستشرت البنات هناك
وهذا الرابط
http://satfrequencies.com/girls/alfrasha60/thread1593865/

وانا استخرت ورفضتها وقلت أول مايردون لي خبر هم قبلوني او لا …بقولهم اسفه ماراح اتوظف عندكم
وهذا اللي صار
ارسلولي رساله ( تم توظيفك ) >>> اااه ياقلبي بس
اتصلت عليهم وحطيتها براس اهلي ههههه وقلت لهم طبيعة العمل ماتعجب اهلي
وقفلت

المشكله وين؟؟

انا اقولكم

عندي مشكلتين:

كنت ادعي ربي ليل نهار ان ربي يرزقني وظيفه وزوج صالح

وسبحان الله ربي جابلي هالوظيفه

والله الحين يابنات اني استحي ادعي ربي انه يرزقني بوظيفه ثانيه
اخاف ان ربي يسر رزقي بهالوظيفه ورديتها
مدري انا استخرت وبعد الاستخخاره ارتحت اني اتركها
لكن اليوم يوم افكر في الوضع
اقول بنفسي انا دعيت ربي يرزقني الوظيفه ويوم جات عندي رديتها شلون ادعي ربي مره ثانيه بنفس الطلب والله اني مستحيه منه سبحانه

هذا شي

الشي الثاني اللي مضايقني يابنات

اني يوم رحت للمقابله للوظيفه شفت العالم وشفت الناس كيف
انا محبوسه بالبيت وما اطلع مناسبات الا مرتين او ثلاث بالسنه ( غير جمعات بنات االقرايب الاسبوعيه هذا وضعهم عادي حتى بقمصان النوم والشعر ملفوف ومزيت عادي نمون على بعض )
لكن المقصد اني ما احضر مناسبات
وايام كنت اطلع كنت اروح للكليه والناس هناك اكيد لبسهم رسمي محترم يعني مو مبين اللي مهتمه بنفسها من غيره >> بس بتسريحات الشعر هههه

المهم
انا يوم رحت المقابله انصدمت من العالم اللي هناك
نااااس مره مره مره انااااااااااقه مره مره مره نعووومه مررررررره برستيج

قابلتني موظفه بالمشغل يابنات كرهت نفسي يوم شفتها
لابسه قصير طبعا
والركبه ماشاء الله تبارك الرحمن ماكانها ركبه
وجسمها كله لمعه طبيعيه انا متأكده انها مو حاطه شي يلمعها والله طبيعيه
وكانها مدهونه بزبدة لورباك قطعه وحده ماشاء الله تبارك الرحمن
واللبس عالم ثاااني
والجسم المتناسق رغم انها قصيره
وربي ماحسيت انها سعوديه الا لما تكلمت
كأنها فنانه قدامي
( يمكن انتوا تشوفون هالشي عادي ويمكن انتوا تمرون بناس كذا ويمكن انتوا انفسكم كذا واناقتكم كذا وماتستغربون هالشي )
لكن انا
اااااااهـ يا انا

انا يابنات اهتم بنفسي وعندي نظام وخلطات يوميا اسويها
والمشد مايفارق جسمي الا عند النوم
وماشيه على رجيم لان وزني مره زااااااايد ( شوفوا وزني بالتوقيع ) لا الله الا الله
لكني احس انه مو مبين علي اهتمامي ابد ابد ابد

والله اهلك عمري من كثر ما اجبر نفسي على النظام
ومو فتره بسيطه
لااا
لي شهور امشي على نظام معين اذا مالقيت فايده خلال 3 شهور اغيره
اهتم بشعري ببشرتي بشد الترهلات بجسمي
العب رياضه
وتمارين

واحس مافيه نتيجه
ويوم انزل السوق اكره سوووق الملابس
اكره سوووق الجزم وانتوا بكرامه
احس بالفعل انا انسانه عملاقه
جزمي وانتو بكرامه مقاس 41 او 42
وين احصل لي جزمه كيوت ونعمومه بهالمقاس
دورت كثير ما الاقي الا موديلات عاديه
الملابس اااااااه يالملابس

مافيه غير تنانير مافيها حركات دلع ونعومه هذي اللي على قدي
وكل الدلع والنعومه للي مقاساتهم اصغر
البلايز ماعندي مافيها مشاكل لكن بالبيت عندنا ممنوع البنطلون الا على بلوزه طويله للركبه
واذا لبست بلوزه للركبه تطلع علي فضفاضه كني خيمه حتى لو هي تفصيلها ماسك بالنهايه هي اكيد مقاس xxxL

صفطات جسمي خخربت علي كل شي
حتى اني اذا رحت افصل موديل بنفس مقاساتي يطلع علي واسع من ورا وضيق من قدام
عشان عندي باسفل ظهري مثل الحفره والظهر من فوق كله شحوم
وبالمقابل قدام كرشه مترهله

كرهت نفسي كره توني امس سويت ملابسي بمشغل نسائي وكمان بعض ملابسي عند خياط رجال كلها نفس المشكله فضفاض من ورا رغم انها نفس المقاسات بالتمام
بس انا جسمي تركيبته غريبه

وربي يابنات متحطمة مرره
خصوصا بعد ماشفت البنات هناك بالمشغل شلون نعوماات وانا كاني رجال بينهم ماكاني بنت

يوم قلت لأمي عن الوظيفه قالت لي كلام كثير من ضمنه: تراك بموتين قهر لأنك مو مثلهم >>> امي تعرفني زين وهي صادقه
لأني من جد احس هالعالم دلع ونعومه وانا بينهم غلط
ودي اصير مثلهم بس مشواري طويل ويحتاج فلوووس وعمليات والخ
جلست افكر ياااربي وش ميزتهم عني؟
انا اهتم بنفسي حتى ولا بان فيني؟
وهم وش يسوون؟
عمليات؟
يعني الوحده تمشي كأنها بترينه من نعومتها وتناسقها
وانا كاني فيل يمشي

وهذا كمان ترا من اسباب رفضي للوظيفه لكن ماقلت لأحد عنه
اخاف اتعقد
واحس بالفروق بيني وبينهم
حتى لو قلت راح اتعلم منهم عشان اصير مثلهم
احس مافيه وقت وكل شي بفلوسه وقيمته
وماكنت احب اشوفني غير عنهم
بالاضافه الى سلبيات الوظيفه ياكثرها

بناااات ادري كثرت عليكم الكلام
بس من جد ضايقه

قولوا لي وش المشكله فيني؟؟
صرت استحي اطلب ربي وظيفه وربي لبى طلبي ورديتها
ومشكلتي مع نفسي كيف اصير مثل الناس يابنات ابي اصير مثلكم بنوته نعومه والله اني احيان اشك اني رجال من كبر جسمي مو بس سمنه لااا
طول وعرض واذا مشيت اهز الارضيه اللي امشي عليها والله العظيم
والله يوم اشوف يوسف الجراح احس جسمي مثله طول وعرض
انتوا تشوفون هيا الشعيبي؟ بالله مو اسمن منه؟ بس انوثتها باينه لكن انا مثل يوسف الجراح طول وعرض مثل الرجال 🙁
اعرف بنات سمينات مرره لكن اجسامهم متناسقه لكن انا بكل مكان طبقه وشحمه مترهله وطويله وعريضه من الاساس

وربي يابنات ماعاد ادري وش اقول

وش اسوي قولوللي وش اسوي كرهت نفسي مرررررررره احس وجودي زي عدمي خصوصا انه في مسألة الزواج مستحيل احد يناظر فيني وانا كذا
وانا ادري ان هذا سبب انه محد جا وخطبني وانا الحين عمري 26

والله اني مهتمه بنفسي لكن ابد مو باين علي

➡ ❗ 😆 🙂 ➡

انتهت الفضفضه