كرسى بنوتى من ايديا

الادوات زجاجات بلاستيك فارغة
كارتون
ماده لاصقه
اسفنج خفيف او قطن او كارينا او فايبر
قماش
خيط وابرة

الطريقة
هنجيب الكارتون ونقصه دايرتين طبها دى هتكون قاعده الكرسى يعن تراعى مقاس طفلك لا يكون صغير ولا كبير
ونقص شريط كارتون ارتفاعه هو ارتفاع الكرسى راعي الابعاد

هاتى ديرة وثبتى عليها الزجاجات بالشكل ده طبعا باى مادة لاصقه عندك

بعدين حطى ماده لاصقه على الزجاجات من فوق عشان نحط الدايرة التانيه وتثبت
لازم تخلى الزجاجات تقريبا مليه الدايرة ما عدا 2سم من الخارج عشان نلزق الكرتون اللى هنقفل بيه
طبعا نضغط عشان يلزق
حطى اللزق على الدواير اللي فوق واللي تحت عشان تلزقى الجوانب وحطى الكرتونه الطويله قفلي بيها والزقى طرفين الكرتونه كويس وهتكون بالشكل ده

ممكن بقى لو حابه تعملى له ظهر زي بتاعى بتقطعي حته بالشكل ده من تحت صغيرة وتطلع على كبير

وطبعا هتتلزق من تحت الكرسي يعنى من تحت الدايرة اللى تحت وتطلع تتلزق بالجوانب لو متلزقتش حلو مش مشكله هتتشد بالقماش

ودة شكلها

بعد كده حطى سفنج او اى حاجه عندك تبطنى الكرسي عشان يبقي طري عليهم وطبعا تلزقيه فى الكرتون
معلش مصورتش كل الخطوات
لان فرح كانت بتساعدنى وبتكتب على الكرتون وتشخبط على الدنيا هنا
بعد كده هاتى اي قماش عند مش مهم شكله حلو ده بطانه وبطنى الكرسى كله بيه وشديه كويس عشان يمسكه وطبعا فى قطعه منه هتتلف على الظهر والقاعدة سوا عشان يمسكوا فى بعض
مش مهم هتخيطيه ازا دى مش هتبان المهم تتمسك صح

بعد كده هاتى القماش اللى انتى عاوزاة وقصقصيه وخيطيه
انا استخدمت اسفنج وقماش مريلة مطبخ عندى مش بستخدمها
ولا القماش مش مكفي عملت القاعده لون تانى
برضه قماش عندى
انا مش بحب ارمى حاجه
ده وشه

وده ظهره

وطبعا اتمنى يكون عجبكم الفكرة دى انا شفتها على النت بس الكرسى من غير ضهر بس انا وانا بنفذها لقيته بظهر احلى
مش مهم الحاجه حلوة ومتينه ولا لا المهم انه من عمايل ايدى لبنوتى وكمان شغل وقتى وخلانى ابدع