عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
في البداية احب اشكر كل فراشات المنتدى من عضوات ومشرفات على هذا القسم المتميز,,
اخواتي حبيبات قلبي انا ما كنت حابة اكتب مشكلتي هنا لكن لمن شفت انه حالتي سائت وماني عارفة اش اتصرف وكيف اعمل قررت واخيرا بطرح مشكلتي,,
يمكن البعض يشوفها مشكلة بسيطة لكن انا عاملة لي ازمة,,حابدا خلاص احكي..
انا عندي صديقةبالجامعة كانت تمثل بالنسبة لي صديقتي الروح بالروح,,استمرت صداقتنا 4 سنوات وفي السنة دي صارت تصير مشاكل كثير بيني وبينها ,,السبب انه بدات اكتشف كثير خصال سيئة فيها ماكنت اشوفها مدري ليش او لأني كنت احبها وكنت اعدي وامشي ,,المهم اني مالاحظت دي الصفات الا في بداية الترم الثاني,,مثلا من انانية ونفاق وكذب ومصلحة وحسد وحقد ,, اذا جيت اسالها سؤال عن المحاضرة تعمل نفسها ماهي فاهمة كلامي,,واذا مثلا مدحتني الدكتورة او الاستاذة احسها ماهي مبسوطة ,,والشي اللي مضايقني انها يوم ماتشوف زميلاتها تنساني ولاكاني موجودة وتحاول تتهرب مني كاني انا باجري وراها,,ومع انه في بداية الصداقة هي اللي كانت تسحبني معاها..سبحان الله الدنيا تتغير ..المهم الحين انا اكتب ودمعتي على خدي ماادري اش عملت شي غلط ,,وخسرت كثير صحبات اعرفهم عشانها هي لأنها كانت تكذب وتنافق,,ودحين ماتتصل او تكلم الا اذا تبغى حاجة,,وقت لمن تكون لحالها مافي صحباتها تجلس معايا,,لكن يوم ماتشوف صحباتها تسحب نفسها ولاكاني موجودة,,وصحباتها هم صحباتي لكن هي تحسسني انه صحباتها هي لوحدها وانا مااحب كدا,, بجد اتعلمت درس انه مااختار اي صحبة بعد اليوم الا لمن اتاكد من اخلاقها ,,هي دي مشكلتي باختصار شديد فياليت تقدموا لي النصيحة ,,,وجزاكم الله خيرا
