قولولي ايش رأيكم؟

مرحباااااااا يااحلى فراشات
كيفكم ان شالله منيحااااااات
بصراحه عندي موضوع صغير وابي اخذ رأيكم فيه
انا عندي بنت خالتي دايما تصير بينا مشاكل
بس الله العالم ايش كثر اعزها
بس هي الله يهديها دايما تدور على المشاكل
واحيانا اسمع واشوف اهانات واسكت واقول الدنيا ماتسوى
وسامحتها كثير لدرجة ماتتصورنها
ولواحكي لكم عن مشاكلي انا وياها ماراح اخلص
بس راح اختصر واقول المهم
قبل فتره صارلي انا واهلي حادث سياره
انا انكسر الحوض عندي وجلست ثلاثة اسابيع عالفراش
المهم بنت خالتي هذي بصراحه ماقصرت جات ووقفت معاي
وجلست معانا بالمستشفى كم يوم
وبعد شهرين من الحادث انخطبت وتملكت طبعا هي ماقالت لي عن ملكتها الا قبل بيومين
انا بصراحه خذيت على خاطري وزعلت
وربي يشهد انا مازعلت الا لانها غاليه علي
وكنت ابي اكون اول وحده تباركلها وتوقف معاها
المهم امها دقت على امي وقالتلها حتى هي ماهانت عليها وقالتلي بنفسها
انا زعلت شوي من حركتها وجلست يومين ماكلمتها بس انا ناويه اني اكلمها واباركلها والله فرحتلها من كل قلبي بس الي زعلني انها ماقالت لي شي عن الموضوع
المهم انا ارسلتلها مسج وكنت اعاتبها فيه وبنفس الوقت باركت لها
هي رجعت دقت علي وجلست تهاوش
وتقولي انا وقفت معاك وقت ماكنتي بالمستشفى وانتي ماوقفتي معاي بهالوقت
يعني بالمختصر (تمن علي)
المهم انا قلتلها اشلون اوقف معاك وانتي ماقلتيلي شي
بالعكس انا ابس اكون اول وحده تروح وتجي معاك بس انتي ماعلمتيني !!
قالت لي خلاص اذا انتي شايله بقلبك علي لاتجين
طبعا قويه الكلمه
المهم جلست يوم وقلت يابنت خلاص اتصلي عليها وكلميها عادي هذي بنت خالتك رراح تتزوج
وبتروح
وفعلا اتصلت واعتذرت منها مع اني ماغلطت بحقها
بس من عفى واصفح فأجره على الله
المهم بعد فتره رجعت علاقتنا مثل اول بس كان كلامها كله تلميحات
يعني مثلا تقول صديقاتي ساعدوني وجابوا ومن هالكلام
طبعا هي قايله لصديقاتها قبلي
وانا ساكته ماكنت اقول شي
يوم قلت لامي قالت اشلون تساعدينها وهي ماقالت لك الا قبل الملكه بيومين
حتى فستاني واغراضي ياله شريتهم لان ما كان فيه وقت
بعد كذا صار بيني وبينها مشكله طبعا هي الي تدور على المشاكل الله يهديها وانا طبعي
هاديه مااحب المشاكل ولا الكلام الي ماله داعي
وهي بعد كل سالفة تصير تمن علي بوقفتها معاي بالمستشفى
اخر مره تناقشنا فيها كان كلامها قوي
تصوروا تقولي انا وقفت معاك بالمستشفى من دون اي تفكير
بس انا ماراح اتوقع احتاجك بيوم من الايام!!!
انا بصراحه الكلمه هذي جرحتني كثير
لان الفتره الي فيها كنت بين الحياة والموت
وبعد امي كانت تعبانه وبالسرير الي يمي
وانا واهلي بحالة نفسيه سيئه يعني الموقف كان صعب
الي قاهرني كل ماصار شي قالت انا وقفت معاك
تمن علي بوقفتها
طبعا مو هي بس فيه خالاتي وبنات عمي الله يجزاهم خير
وقفوا معانا وبالعكس ماتمننوا ولا شي وماشفنا منهم الا كل خير
بس هي بعد كلمتها هذي مو قادره اسامحها
حاولت بس كرامتي ماتسمحلي
سامحتها كثير بس بعد كلمتها هذي مو قادره
وانا بنفس الوقت مااحب قطيعة الرحم ومااحب اقاطع احد من قرايبي
بس هالمره غصب عني
انتوا ايش رايكم
هل انا معايه حق اولا
وهل تصرفي صح؟؟؟؟
محتاجه ارائكم ياحلوااااااااااااااات