عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كل عام وانتم بخير
بدخل على طوووووووووووول في السالفه
ياناس قد شفتوا احد بالخباثه هذي والله مستحييييييييييييييييييييييييييييييييل
انا مصدووووووووووووووووووووومه من زوجة خالي ❗
عساها الموت يارب
دايم تتبلى علينا واحنا ماسوينا لها شي مع اننا كنا نحبها ونموت فيها كلنا
بس مدري ليش هي كذا معنا وقسم ودي اذبحها
خلتني اكرهها وانا بحياتي ماكرهت احد حسبي الله عليها دنيا واخره
تبون تعرفون ليش هي تسوي كذا
لانها تبي اخوي يتزوج اختها بالغصب تتصل على اخوي تقول خذ كلم اختي
عشان يتعلق فيها وبعدين خطبها
واختها انا اعرفها داشره حقت شباب
مو بس كذا يوم اخوي باقي خاطبها تجي عندي
تفتخر في اختها تقولي اختي خرابت بيوت هي وصديقاتها وتضحك
قلت ليش تقول دايما اذا وحده من المدرسات ماعطتهم وجه
ولا في بينهم مشاكل يروحون يخربون بينها وبين زوجها عشان يطلقها
وفيه وحده كانت متملكه اخذو جوالها قالوا بنكلم اهلنا
وطلعوا رقم خطيبها وكلموه مدري ارسلوا شباب عليه
على انهم يعرفون زوجته وطلقها قسم بالله
وانا علمت اخوي على كل شي وبعدين قال خلاص مايبيها وفصخ الخطوبه
ومن بعدها هي تسوي لنا مشاكل مع اهلي تجي تقول لا امي بناتك بس يتهاوشون مع بناتي حرام عليهم ولا تتهمنا بكلام احنا ماقلناه
طبعن خالي ساحرته صار يكرهنا ولا يسلم علينا حتى لو احنا قدامه مايسلم علينا
وهي ماتسلم علينا
هذا الكلام كله قبل سنه واختها خلاص تزوجة في الاجازه هذي سامحناها على الي سوته فينا ورجعنا عادي احنا الي نسلم عليهم عشان امي تقول حرام نقطع الرحم ومدري وش وقالت اذا تبوني ارضى عليكم روحوا سلموا على خالكم وقالنا طيب هذا الكلام قبل امس هالكلام
وسلمنا عليهم ويالت ماسلمنا اووف رفعوا ضغطي خالي يسلم بدون نفس وهي بعد 😆
المهم ماعلينا من هالكلام كله المصيبه الكبيره ان اليوم جت لا ابوي رساله
من وحده تقول انا اقرب لكم بحذركم من فلانه
انا سمعتها هي واختها يتفقون عليكم يتكلمون بصوت واطي بس انا كنت جنب فلانه وسمعتها وش تقول لا اختها
هم بيرسلون على رقم بيتكم شباب وبيقولون انهم يعرفوني انا واختي حتى انهم بيوصفون اشكالنا عشان ابوي يصدقهم 🙁
وخالتي الثانيه بيسحرونها ويطلقوونها من زوجها
بس ياااااااااااااااااارب لك الحمد انها سمعتهم ولا كان امي وخالتي الحين مطلقات
وانا واختي ابوي بيذبحنا 👿
اهلي ماكانوا يصدقونا اذا قلنا لهم تتبلى علينا تكذب عليكم
بالعكس يهاوشوننا احنا ويصدقونها الله لا يوفقها لا هي ولا اختها
عساني اشوفهم مطلقات يارب
يعني تخيلوا احنا على نياتنا نسينا الي صار وهذولا قاعدين يتفقون علينا
ليت مشكله بسيطه لاااااا مصيبه وفضيحه لنا الله لا يفوفقهم
يوووووووه قلبي يعورني ماعمري تخيلت ان في ناس بالقحاره هذي
الحمد الله ان ربي كشفهم قبل لا يسوون شي
تكفووووووووووووون طالبتكم
اي وحده تدخل تدعي عليها هي واختها
حتى لو مابتردون علي
اعذروني اذا ضيقت صدوركم 😳
