قلت ادب بشكـل مو طبيعــي

خواتي راح ادخل في الموضوع مباشره

عندي بنت خاله قليلة ادب جدا لدرجه ماتتخيلونها ووقاحه ماتتخيلونها
ياربي والله مدري وش اقول ماقد شفت مخلوقه مثلها

نبذه موجزه عنها عشان اقولكم بعدين السالفه:
تحب الرجاااال بشكل مو طبيعي بشكل جنوني تحب تسأل عن عيال عائلتنا من خواتهم والخدامات وش يسون وش ياكلون متى ينامون وكل تفاصيل حياتهم مررره
وتحب تسولف بس عن الي يغازلون وعن العيال وحركاتهم مع البنات وسوالفها بس تميل للجنس غير انها ذكيه لدرجه تورطك في شي وتطلع مثل الشعره من العجينه والكل يحبها عشان لسانها والنيه غيير محد يصدقنا عشان لسانه وانا عكسها عاديات ومشاعرنا بداخلنا

أنا وأختي الي اصغر مني تطاقينا معها وقاطعناها على هالمواضيع مانحب هالسوالف لإن مالها اي فايده تقربيا كان عمري تقريبا 19 و بنت خالتي كان عمرها 13 سنه تخيلو بنت 13 سنه وتموت بالرجال اجل اذا كبرت وش بتسوي أختي كانت هي اكثر من يجلس معها وكان عمرها 12 سنه واختي كانت افهم منها تقول لا تتكلمين كذا عيب بس مانفع لين صارت مشكله كبيره ومشكلة تجر مشكله وقاطعنها
صار بيننا بس سلام اذا اجتمعنا مانسولف بس سلام وكل واحد لحاله
بعدها ارتحنا كثيييير بشكل مو طبيعي ولا نخاف اذا سولفنا ان احد يسمع سوالفنا مثل اول لإنها تسولف عن الجنس والعيال نخاف احد يسمع يفكرنا كذا

ألحين انا عندي اخوين كبار واحد عمره 22 أسمه عمر والثاني 19 أسمه ابراهيم من ضمن الشباب الي تسئل عنهم
هي الان بنت خالتي عمرها 18 سنه
ودايم تسئل عن ابراهيم أكثر من عمر لإن عمر مو يم البنات وطيب مررره بس ابراهيم عادي ويحب الفلوس حب مو طبيعي
خالتي الي نتكلم عن بنتها زوجها متوفي ودايم تطلب من اخوي ابراهيم وهو يسمع كلامها عشان هي تعطيه على كل مشوار مئه مئتين وهو يطير لإن ابوي مايعطيه عنده مكافاه وخايف يصرفها على شي فاضي

جاتنا امس في بيتنا وراحت للخدامه كالعاده يبداء التحقيق وش سوو متى نامو وش معه جوال متى رجعوا البيت المهم انا شفتها ورحت ولا عاد ادري وش يقولون
اليوم جاتني الخدامه وتقول انها تقول انها انخطبت من صديق عمها وتبي رائي الخدامه

طبعا شي يضحك بس الي يعرفها ويعرف تفكيرها هي ماتقصد كذا السالفه كذب وباقي كلامها للخدامه يثبت صحة توقعي

قالت الخدامه مدري انتي كيفك

قالت انا ابي اعرف ابراهيم يحبني ولا لا عشان كذا انتي عطيه رقمي وتعطيها ورقه مكتوب فيها رقمها تقول خل يتصل علي ابي اكلمه
والخدامه خذتها ويوم راحت شقتها ورمتها لإنها ماتحب بنت خالتي وودها تذبحها

وش رايكم بالسالفه
أنا ودي اذبحها ماخلت احد من عيال العائله بحاله واخوي ابراهيم مخفه بقوه واخاف تلعب عليه لإنها لعبت على الي اكبر منه

وانا واخواني مانحبها ولا نحب امها لإنهم ينكرون المعروف تخيلو ابوي هو الي يسوي اشغالهم بالمحاكم وبكل مكان كارفين ابوي كرف مو طبيعي وهي عندها 3 اولاد بس ماتحب تكلف عليهم لا والامر من كذا ويتكلمون في عرضنا هي وخالتي ويسون فتن بيني وبين خالي عشان يكرهنا انا واختي كله عشانا مانجلس مع بنتها بالغصب هو يعني

مايعرفون يردون معروف ابوي الي يقوم من الصبح ويسوي اشغالهم ويوديهم ويجيبهم
والحين هي قاهرتني اخاف تلعب على اخوي
لإن البنت طالعه على امها حيه من تحت تبن