قلبي بفتحه لكم واقولكم عقدتي

السلام عليكم
عزيزاتي الفراشات حبيت افتح لكم قلبي واحكي لكم عن عقدتي الي ملازمتني من كنت صغيره الى الحين وعمري 22 سنه و6 شهور لما كنت في رابع ابتدائي لبست النظاره لأن عندي ضعف نظر بس كنت البسها لما اشوف التلفاز وفي الفصل كنت اكره النظاره والسبب يمكن لأني حسيته شئ يشوه وعيب بسبب نظرة اهلي للي يلبسون نظاره والتحطيم الي جاني لما عرفوا ان عندي ضعف نظر وخاصه لما مرت سنتين من لبسي للنظاره ورحت افحص نظري نقص نظري زياده اكثر من اول بسبب اني ماكنت البسها دايم وماانسى اختي لما حطمتني لما نقص كنت اروح للمدرسه واقع في مو اقف محرجه لأني ماكنت البس النظاره الا بالفصل كان نظري نافص في ذاك الوقت استمريت على هذا الوضع حتى الثانوي عاد خلاص صرت البس النظاره دايم لأن نظري ناقص 6 بس وش كثر عانيت من مواقف محرجه بسبب اني مابي البس النظاره وانا في المدرسه احس كنت غبيه ويمكن مالقيت احد ينصحني من اهلي بطريقه مناسبه بس لما كبرت ندمت على الي سويته في نفسي احس ضريت نفسي ونظري نقص زياده اكثر من اول واجهدت عيوني بس الحين صار عندي عقده اخاف اضر عيوني لما البس العدسات في المناسبات وكثير من المناسبات مااروح لها بس عشان ماالبس العدسات مااروح الا للمناسبات الظروريه ودي اطلع واشوف صديقاتي واحظر زواجات بس اقول ماله داعي مو ظروري انا عندي عدسات البسها بس للمناسبات الظروريه بس اتنازل عن اي مناسبه عشان ماالبس العدسات لأني اخاف يصير شئ واندم قلت في نفسي راح اسوي ليزر واريح نفسي بس نفس الشئ خفت على عيوني من اليزر انا عارفه ان كثير سووه وماجاهم شئ واريح من اول بس انا خايفه اقول اصبري على النظارات كثير من المناسبات اكنسلها والسبب عشان ماالبس العدسات واقول مو مهم وش الفايده واليزر مابي اسويه اخاف انا راضيه اني البس نظاره صرت البسها دايم عشان نظري مره ضعيف عين ناقص 6 والعين الثانيه 7 بس المناسبات مالبس نظاره البس عدسات اذا كان المناسبه ظروري احظرها حبيت افتح لكم قلبي واقولكم عن عقدتي الي منقصه من ثقتي بنفسي وخلتني استغني عن اشياء كثيره ممتعه في الحياة ..