عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم ..
انا من كم يوم حلمت اني ببيت وكأنه هذا البيت لي وكأني رايحه لغرفتي ابي انام
بعد ماصليت لكن شفت البيت مليان قطط اشكال والوان واحجام مختلفه
وكأني خفت منها مرررره كانت في كل مكان حتى بدولاب حق السجادات والاجله ومطلعتها شفتها وانا اقول
وش ذا لازم اغسل كل الاجله وسجادات الصلاه
حتى المطبخ مليان وبالثلاجه فيران صغار
انا يوم شفتها تقرفت وكأني افكر كيف بأنظفها مستحيييييل وشفت قط كبييييييير مره وكأنه
بالسيب ومتكهرب يعني (ماسكه كهرب ) وقلت الحين بيموت القط لازم اصحي زوجي يطلعه
اذا مات برا البيت عشان ماتطلع ريحته ورحت اصحي زوجي وجيت لقيت القط لسى يتمشى مامات
ومافيه شي ..وبس
ترددت كثير في اني افسر هالمنام لكن منظر القطط افزعني مره
مع العلم انه الليل الي قبله تحلمت بنفس الشي قط لكن كان واحد وصغير وابيض حلو وكنت امسح عليه يعني اليف بس كنت متقرفه منه شوي ..
الله يعطيكم العافيه بأنتظار التفسير ..
ماهو وقت حدوث الحلم بالساعه ؟
الساعه السادسه صباحا بعد صلاة الفجر ..
ماهي صلتك مع ربك : عادية / تحت المستوى العادي / ملتزمة / شديدة الالتزام ؟
عاديه
ماحالتك الاجتماعية : عزباء / مخطوبة / متزوجة / مطلقة / ارملة و عند وجود اولاد يفضل ذكر عدد الاناث والذكور؟
متزوجه وعندي ولد واحد فقط ..
ماهي مهنتك: طالبة / موظفة / متقاعده / ربة منزل؟
ربة منزل..
ماحالتك قبل النوم : هل كنت منزعجة ؟ هل تفكرين بأمر ما له ارتباط بالحلم ؟
عاديه ماكنت افكر بشي ..
