قصيدتي في امي الله يرحمها

هذه القصيده كتبتها في امي الله يسكنها فسيح جناته ….اتمنى منكم اخواتي الغاليات الدعاء لها وللوالد رحمة الله عليهم كل مادخلتوا وربي يجعلها في ميزات حسناتكم
المسافر حان وقته وإنتهت فسحة زماني …………..وعاد لنفس المكان ورد بيته بعد غيبه
كل هالشارع حزين وموحشه كل المباني………….. كانت أجمل من سكنها وكانت أرحب من رحيبه
ياهنا ياهناك ياناس ياكل المكاني …………………..كيف مو مثلي رحلتوا عن مكان أغلى حبيبه
والله إن الكون كله مايساوي في عياني……………… من بعد فرقاا لحبيبه مافيه أي فرقا صعيبه
مابقى في البيت ركن هزه إحساسي وبكاني………… قمت أكلم هالزوايا وصمتها يشجي نحيبه
تذكرين اللي غمر هالبيت إحساس وحناني…………… قلبها منبع حنان وتضحيه وطهر وطيبه
كل ركن فيه ذكرى قد كتبته أو قراني………………. ولاشعر بي كود شخص قد فقد أغلى حبيبه
تذكرين اللي عطاها ماله حدود ومواني……………….. تكسر حدود المحال لأجلنا تمضي وتجيبه
لاصحيت الصبح دعوه منها تجبر هواني ………………أنتشي مثل العليل اللي عرف طبه طبيبه
كان ياماكان في قدم الزماني ………………………كان كل العمر عيد في كنفها أحتفي به
في هذاك البيت عشت وبيديها الله هداني …………….علمتني كيف اصبر لأشتعل جوفي لهيبه
صوتها يملا الزوايا حطم الصمت ولواني……………… وصحت بأعلى الصوت انادي يمه وينك ياحبيبه
والثواني من بعدها آآآآه ياطول الثواني ………………لاونيس ولاقريب يقترب لي وأهتني به
راحت وخلت جروحي تشتعل وسط المحاني…………. تركتني وسط دنيا غابة مدري كتيبه
إفتقدتك ياحبيبه كنتي لي درع وظماني ……………..هزني يتم المشاعر مابقى بي أي هيبه
ياجدار البيت قلي من سلب فرح الأواني……………. كانت أزهى في يديها آآآآآآآآه ياعظم المصيبه
والدفاتر معلنتها حداد من فقد المعاني ……………..قد خلا الإحساس من صوت دفي به
غير صوره صامته كل ماأحضنها حواني………………. شي يخليني أشعر وأتخيلها قريبه
آآآه ياحلو الحياه اللي بكنفها شي ثاني……………… شي ماكنت أتوقع إن هالفرقا نصيبه
جيت أجددها جروحي وأنفض غبار الزماني………….. جيت في صدري جروح منغريب ومن قريبه
لو أعيش العمر كله أكتب بيوت ومعاني……………….. ماكتبت اللي أحسه من غلاها أغلى حبيبه
يالله اللي خالق السبع المثاني …………………………تجعل الفردوس لأمي منزله وجنه رحيبه
ياحروفي وقفي نزف المشاعر والأماني …………………وبس ياسطوري كفايه شكلها الليله كئيبه[/