عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذه القصيدة من أقرب القصائد إلى قلبي بل هي والله من قلبي.. ورغم مرور ثلاث سنوات إلا وأنها مازالت تبكيني… وحسبي الله ونعم الوكيل…
وشلون أنام الليل وشلون أنامه= وشلون أنام وخاطري بات مكسور
أسهر طوال الليل أشكي بظلامه=وامسح دموع جرها الهم والجور
أدس بين أضلاع صدري آلامه = وابدي لهم من ضحكة السن مسرور
ماهمني كثر الحكي والملامة= ياناس من خلي أنا ياناس مقهور
موت عميق الحب وأشهر حسامة = وذبح بقايا الود بالظلم والزور
وأقفى وخلى للهم اشارة وعلامة = على غرير السن كما الدر منثور {{ اقصد بناتي }}
لابي فعاله شين ولابي كلامه = ولابي هله يوم انكروا مالهم دور
أعيش أنا الحرات حسرة وندامة = لكن عزاي إللي جرى أمر مقدور
يالله تحفظ لي أمي بسلامة= وأخواني اللي مابدر منهم قصور
يقول اخوي دام ذا القلب دامه = لصير في ظلم الليالي لها نور
وأبوك ياساره عزه وكرامه = أبعطيها عيوني وأعيش بلا منظور
ويقول اخوي وحق كلامه = مايكفي لو روحي لها بساط منشور
ويحلفون بالله مانرضى الملامه = تبشر نبني لها من العز أقصور
نهاري بذكر الله وليلي بقيامه = يالله تجعل صالح السعي مبرور
يالله تجعل مسك عمري ختامه = ومافات من زلات والذنب مغفور
وسلامتكم….. أم مي…
