قصه و لادتي و الله انها معجزه

السلام عليكم ..
الحمدلله انا ربيييييييييييييييييييييييييييييييييييييييييييت….
بس و الله يا فراشات كانت ولادتي معجزه…الحمدلله..من يوم الخميس بدا عندي الطلق..و رحت علمستشفى و هناك نزلت علي نقطه ماي..و يوم خبرتهم رقدوني بالمستشفى…و الأمر انه الماي هاذي مب ماي راس..المهم..هالكلام كان عال 12 ..عالفجر بدا ينزل علي دم..و قالولي عادي هذا من الفحص الداخلي..طبعا كان عندي التوسع 2 سم..بدا يزيد الدم و صار مثل الدوره تكرمون..و هني بدا الخوف..و التوسع صار عندي 3 سم..يوم السبت التوسع 4 سم..الدم ما توقف..الطلق عندي كل 5 دقايق طلقه..وما كانت ذيك القوه..المهم بدا الالم يزيد و الدموع تنزل و التوسع مثل ما هو..ودوني عنبر الولاده..الطلق اقوى والتوسع ما زاد الحل؟بطلولي ماي الراس…ومن الساعه 9.30 لين 5.30 و انا اتريا الفرج..و تخيلو التوسع مثل ما هو و الطلق اقوى و الحل..؟؟؟الطلق الصناعي و اذا ما فتح الرحم..الحل..قيصريه..و انا اسمع قيصريه و ابدا بالدموووووووووووووووووووووووووووووع…المهم الطلق الصناعي شي ما ينوصف..الالم كان يبكي..كان يخليني امسك الفراش و اظرب فيه من الالم و قوته..الممرظه تعبت نفسيا يوم شافتني..و وقفت الطلق من الدريب..و عطتني ابره مسكنه خلتني اخرفففففففففففففففففففففففففففففففففففففففف ..ساعه اقولهم ابي مولتين كيك ودوني شيليز,,, و ساعه اقول شيلو القرآن من الارظ…و ساعه اقول وين ساعتي اللي ب 15 الف؟؟؟خرفتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتت و هذا و امي و ام ريلي و اختي و ريلي عندي..المهم راح تأثير الابره و رد الالم ..مرو الدكاتره و الحمدلله بشروني انه الرحم فتح 8 سم..لكن النونو راسه لفوق و ظهره على ظهري و احتماليه العمليه وارده…و قالولي عقب ساعتين بنمرك..و بعد ساعه من الدموع و الالم من الصناعي ..ربي الرحيم خلى النونو يدفع نفسه و يوم قلت للممرظه قالتلي سوي الي جسمج يقولج عليه..و هني بدينا بالدفع و البش..و هذا اخذ مني 2 ساعه..انا مب راقده و يوعانه و الدكتوره تحاول و انا ما فيني شده مووووووووووووول و مب عارفه اظغظ من تحت قاعده اظغط بويهي خخخخخخخخخخ…المهم كل ما يطلع الراس اتعب و ما ادفع فيرد مره ثانيه لداخل ..سويت هالحركه 4 مرات..و آخر شي الله اكرمني و طلع الراس و بعدين الجسم..و يوم شفت ولدي زايد و الله نسيت العالم كله..و الله الحمدلله الكلمه اللي نطقتها يوم شفته..و الحمدلله هااااااااااااااااااااااااااااااااي قصه و لادتي و الله انها معجزه كل ما كانت تظيق الله من عنده يفرجها الحمدلله و عقبالكم يا فراشات