عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم فراشات
رجعتلكم بعد ما تركتكم اخر مره وكنت مثل البالونه والان الحمدلله ربي قومني بالسلامه وذقت طعم الولاده :0149: الي كنت مستسهلتها اكثر من الازم بس صراحه شي ما يتوصف اااااااااااااااااه الموت بعينه الحمدلله على سلامتي بس توبه معد اعيدها:059:
اقصلكم قصة ولادتي
في الاول كنت محتاره فين اولد عند اهل زوجي ولا عند امي وكنت انا من دلاختي كنت ابغي اولد عند اهل زوجي على اساس خجلانه من اخواني يشوفوني وانا حامل دلاخه هههه:044:
وكنت مستسهله الولاده بشكل خيالي كنت احسبها الم سن ويروح بحبة بندول لا وكنت متحمسه اجربها ههههه اللهم لك الحمد
في النهايه اصر زوجي على اني اروح اولد عند امي سافرت من بداية الشهر التاسع ورحت لاهلي وكان موعد الولاده بعد ثلاثة اسابيع
جلست اسبوعين وفي بداية الاسبوع الثالث وكان يوم السبت حسيت ببلل بسيط وانا نايمه طنشت وما قلت لاحد على اساس قالولي بداية الولاده الم في الضهر بعدين في البطنوانا ما حسيت بها الشي بس طلع مني بلل بسيط
في ليلة يوم الاحد برضو حسيت ببلل بسيط وفي الصبح طلع علي دم قليل والى الان مافي الم
رحت الامي وخبرتها بالي صارلي امي خافت وقالتلي البسي وخليني اوديك المستشفى انا قلت مافيني شي والله ما احس بالام اصرت امي توديني رحنا المستشفى وانا وما اعرف شي عن الولاده فرحانه وكاني بروح استلم الشهاده خخخخخخخ
اخذت اوراقي وفتحت ملف وجلسنا انا وامي ساعتين عبال ما فتحولي ملف وانا مبسووطه ما فيني الا العافيه
اخذوني ودخلوني غرفه الى الان كل شي تمام فحصو نبض الجنين الحمد الله طبيعي
وبعدين بدا الجد وحصل الي ما كان على البال ولا على الخاطر :059:
طلبت الممرضه فحصي قلتلها طيب وانا مبسوطه وما اعرف من فين راح تكشف علي وفي هذي صراحه فجعتني بعد ما حصل الي حصلي وكانت هذي اول فجعه فاجئتني في الولاده (الي ما تعرف من الحوامل البكريات تراسلني على الخاص اخبرها عشان ما يحصلها الي حصلي )
بعد ما كشفت علي وانا كنت ابكي من الفجعه قالتلي بداية ولادة وراح انومكي ما كلمتها وجلست ابكي خرجت لامي وقلتلها راح ينوموني
رحت لغرفتي وكانت الساعه 12 ضهراوجلست على سريري انتضر البيبي هههههههههههه غبيه :061:كنت احسب اني راح اولد على طول . المهم جلست الى اليل ما حصل شي كلموني اهلي وزوجي وانا اسولف وما فيني الا العافيه الى الان ما حسيت بالم انتهى اليوم الاول مليت وما حسيت بالم انخمدت ونمت .
في اليوم الثاني يوم الاثنين قمت من النوم وماني حاسه بس نزلت علي افرازات لونها وردي مع شويه الم
لمن قمت من النوم وشفت ها الافرازات والالم البسيط خفت شوي ورحت انادي الممرضه عشان تناديلي الدكتوره قالتلي الممرضه الدكاتره راح يمروا على المرضى بعد ساعتين قلتلها خلاص انتضرلان الالم ما كان ذاك الشي يجي ويروح بعد كل عشرين دقيقه تقريبا.
بعد الساعتين مروا الدكاتره على المرضى وكل الي كانوا بالغرفه معاي الي كانوا يتابعون حالاتهم دكتورات الا انا تفاجات باالدكتور قدامي لا وابشركم سعودي بعد
جلس يسالني عن حالتي ومتى دخلت وش صارلي خبرته عن كل الي احس فيه وطلب انه يكشف علي
بس هذي المره صرت ذكيه مو مثل اول على نياتي ؟ رفضت وقلت لا ما راح اخليك تكشف علي عصب
وقال: انتي المسؤله ان صارلك شي!
قلت جيبلي دكتوره تكشف ان كان ضروري
قالي انتي بكريه وماتعرفين الاعراض قلت خلاص جيبلي دكتوره خلاني اوقع على اني رفضت الكشف وقالي اذا حسيتي بالم بعد كل خمس دقايق خبريني قلت طيب
جلست على حالي الين العصر والالم ما شتد يجيني بعد كل عشرين دقيقه وخفيف مو ذاك الشي مليت رحت امشي في الاسياب جا وقت الزياره وجوني اهلي اختي وامي واخوي جلس يضحك علي يقول (بالله هذا وجه وحده بتولد مافيها الا العافيه يلله قومي نرجع البيت) عصبت :043:من كلامه لاني انا بنفسي مليت لي يوم ونص وما صار شي ولا حسيت بالم الي يقولوه جا العشاء وانا متسمره في مكاني فوق السرير اتحسس الالم الي صار يجيني بعد كل عشر دقايق بس خفيف مو ذاك الالم الي يقولولي عنه جلست اسولف مع جارتي بالغرفه وهي كانت حالتها تقريبا مثلي لها يوم ما ولدت بس هي كان عندها ثلاثه اولاد قالتلي القرفه تحمي الطلق وعلى طول جت الفكره براسي دقيت على اختي وقلتلها سويلي قرفه وارسليها لي سوتها لي وارسلتها مع زوج اختي واول ما وصلتني القرفه جلسنا عليها انا وجارتي نشرب فيها الين ما خلصنا الترمس
الساعه 12 باليل وصلت الدكتوره الي طلبتها من الضهر وقالت بافحصكي ومن شدة مللي وافقت قالتلي الرحم مفتوح اثنين سانتي وانا كنت فرحانه احسب اثنين سانتي كثير وهو اصلن ولا شي لانه المفروض يكون مفتوح سبعه سانتي
نمت وانا متامله خير الساعه ثلاثه الصبح صحاني الم قوي يجيني بعد كل عشر دقايق تقريبا ما خلاني انام جلست الى الفجر وان على ها الالم رحت الحمام ونزل علي دم انفجعت لما شفته بس كنت تعبانه رحت تسدحت ابغى ارتاح بس الألم ما يخليني ارتاح وكنت انام ونا جالسه ويقومني الألم وما اقدر انام على جنبي الألم يزيد كان هذا يوم الثلاثاء جلست الين الساعه عشره الصبح وانا اصارع الألم ولا وحده من السسترات مرت تشوفني او تشوف اي وحده من المنومات معاي وشكل المستشفى كله على ها الحاله رحت طلبت الدكتوره وكنت يالله اقدر امشي وقالولي انتضري لمن تجي رجعت لغرفتي وكنت تعبانه ماني عارفه كيف ارتاح بس كنت انتضر الألم الاقوى لاني كنت اقدر اتحمل ها الالم مع انه كان قوي شوي بس ما كنت اعرف ان الالم القوي جدا يجي عند نزول الجنين كنت احسبه قبل
الساعه 12 الضهر طلبوني ادخل غرفة الكشف وكانو يبغو يكشفوا علي على اساس المويه الي تنزل اخذت حديده ياويلي منها شفتوا القاطه الحديدالي الي نلقط فيها السمبوسه مثلها الحمد لله ما شفتها الا بعد ما كشفت على وعذبتني لاني كنت مغطيه وجهي باالشرشف من الفشله ما ابغى اشوف شي بس عذبتني وجلست ابكي من المها ومن الالم الي فيني طالعت فيني وشافتني ابغى اتجنن من الالم قالت فيه الم؟
كشفت علي وقالت الرحم مفتوح سته ونص خلاص ولاده ابغيت اطير من الفرحه وقلت بس خلاص الحين بيجي النونو الحمد لله وصرت ابكي من الفرحه وجلست اتحمل الألم شالوني على سرير ونزلوني بسرعه لغرفه صغيره فيها سرير غريب عنده رجلين واقفه ومقسوم بالنص بسرعه نطيت فوقه وما ني عارفه ايش ينتضرني الى الان تمام
طلبو مني لبس ملابس مفتوحه من الخلف وقالولي جيبي كل شي معاكي يحطوها في الامانات
.ركبولي المغذيه ولان بداء الجد اخذوا ابره وفضوها في المغذيه الي بيدي وثاريه الطلق الي يقولوا عنه وااااااااااااااااه من الطلق الحين بداء الألم الي يموت بغيت اتجنن صحيح ما قلتلكم بيحطوا شي على بطونكم يقيس نبض الجنين باااااارد ويوجع من اللألم كل شوي ارميه وكانت فيه وحده الله يسامحها اخلاقها شينه اعوذ بالله من ذيك الاخلاق كانت تقولي ليش ترميه هذا يقيس نبض الجنين وانا ما ارد عليها من التعب الي فيني لوكنت بصحتي كان وريتها ان الله حق المهم الله يسامحها ما ابغى اخذ ذنبها. قالتلي بيجي الدكتور جلست اصيح لاااااااااااااااااااااا تخيلوا الم وتعب وفشله وفوق هاذا كله رجال يولدك دخل الدكتور وكشف علي وما ادري وش سوى وطلعت مويه كثييييييره
كنت اصيح من الام وقول ساعدوني وكنت ابغى ابطل:042: خلاص ما ابغي اولد من شدة الالم وكنت افكر اني اهرب بس ويييييييييين:061: السرير مرتفع عن الارض وكنت افكر اذا هربت كيف يطلع النونو وبصير في بطني الى متى ؟.
وكل ما شافوني ارتحت زادوني ابره طلق تهيجني من الألم وما تخليني ارتاح يقولولي دفي بس انا ما اقدر من التعب جسمي مرهق ومانمت من اليل وفوق هذا كله الالم الي ما يتحمل استسلمت وجلست اناضر السقف انتضر الملائكه ينزلون ياخذون روحي وكنت اقول على الاقل اذا مت بموت شهيده صحت فيهم اتركوني تعبانه ابغى ارتاح قال الدكتور خلوها ترتاح شوي
خلوني الممرضات وراحو وانا ارتحت من ازعاجهم قلت بجرب وادف دفيت وجت ممرضه سعوديه الله يسعدها وقالتلي ايوه ايوه دفي راح يجي البيبي الان انا ما صدقتها بس كنت احس بالراحه مع الدف
ومع ثالث دفه سحبت النونو بسرعه واسمعت صوت النونو واطالع في بطني اختفى واختفى اللألم فجأه ما صدقت وقلت الحمد لله صرت اسمع صوت النونووانا مبسوووطه ومرتاحه بس باقي انا فوق السريروجسمي يرجف من الالم والتعب رجعت الممرضه وخاطت الجرح لانهم سوولي توسعه بس انا ما حسيت فيها لانهم خدروني بعد ما خلصت من الخيطه قالتلي راح يقعد معاكي شهر حطولي ابره مخدره وكنت مرتاحه بس كنت احس بدوخه غطتني الممرضه بشرشف وجابتلي جوالي وكلمت اهلي و زوجي وبشرتهم بالنونو. الي سميته الان ياسر.
وانا كتبت كل شي بالتفصيل عشان البكريات يعرفوا وش راح يصير معاهم وما يتفاجئوا مثلي وان شاء الله ربي يقوم كل حامل بالسلامه
وبكذا انتهت قصة ولادتي :090:
