قصه ولادتي في سليمان فقيه ..

السلام عليكم ورحمه الله وبركاتهحابه احكي لكم قصه ولادتي طبعا انا من الشهر الثامن اوجاع واللام لدرجه رايحه جايه على قسم الولاده لان الراس كان تحت على قولتهم مع انه مو حملي الاول عندي الحمدلله اثنين المهم لمن دخلت الشهر التاسع رحت مراجعه لمستشفى الدكتور سليمان فقيه وكان وقتها سادس يوم في العيد يوم الاربعاء وماكان فيه غير دكتوره سحر ملودي ودكتور ثاني اسمه اسماعيل قلت لا ابغى سحر لانه كنت ابغاه تكشف عليه من تحت اخس اني عندي ولاده وانا اصلا مااراجع عندها لانها تاخذ كاش في الولاده وانا تامين فقلت ليش فكنت اراجع من اول عند شيرين وهي سوريه مره طيبه المهم دخلت على سحر بعد انتظار طويل وكشفت وقالت عندك الرحم متوسع ماشاء الله 2 سم بس لازم تصبري على نفسك يعني لاتستعجلي رحت البيت وانا فرحانه على بالي اليوم الثاني بولد جهزت شنطتي وشنطت البيبي وشنطت عيالي عشان لو عندي ولاده يروحون عند اهلي مر اسبوع وانا صابره وتجيني الالم بس مو منتظمه يو م الاربعاء 13/10 في العصر جاتني مغصه بس مو قويه وكنت طول اليوم تعبانه ومعايا مغص شربت قرفه مع عسل وقمت امشي شوي في الحوش الساعه 11 اتصلت بزوجي وقلت له بروح المستشفى اذا جيت من الدوام لاني حاسه اني بولد جاء زوجي الساعه 12 باليل وتعشى ونومت عيالي واستودعتهم الله ورحت على المستشفى سليمان فقيه وطول الطريق اقول لزوجي اذا عندي ولاده اتصل بامي تجي ضروري بكل ولادتي هيا جنبي الله يحفظها لي يارب وصلت وحطوا لي التخطيط وجات سالت الممرضه مين دكتولاه قلت لها شيرين وجات دكتوره مناوبه في القسم اسمه سعاد اردنيه وكشفت عليه قالت مفتوح من 4 الى 5 خلاص راح ادخلك ولاده وانا بطير من الفرح وسبحان الله مافي ذاك الوجع طول الوقت اقول هذا الدعاء اللهم يامخرج النفس من النفس ويا مخلص النفس من النفس خلصني يارب وادعي واستغفر دخلت الدكتوره علي زوجي وقلت له كلمت امي قال ايوه خلاص في الطريق شوي جات الدكتوره بعد ماحطت الابره الشرجيه وقالت يالله غرفه الولاده وزوجي معايا حاط يده على راسي ويقرا عليه فديته وطبعا الدكتوره شيرين ماجات مقفله جوالها قلت يالله اي دكتوره تولدني المساعده من عند ربي الله يسهلها بس وجات امي وكشفت الدكتوره وكانت الساعه 3 ونص وقالت 6 بس وهيا تكشف الدكتوره وجهها انقلب وانا خفت قالت انتي رحمك سميك وراس الجنين مرتفع ممكن نحتاج عمليه اذا اضطر الوضع طبعا انا جربت العمليه في ولادتي الاولى والطبيعي في ولادتي الثانيه والله فرق مررره وجلست ابكي اقول ماابغى عمليه قالت احنا بس ناخذ احتياطاتنا لانك سبق وولدي بعمليه وكمان بنشوفوزن الجنين بسونار لان اذا كان فوق ال3 لازم عمليه لانها سمعت اني اقول سبب عمليتي الاولى وزن الجنين 4 كيلو وراحت الدكتوره والممرضه حطت ليه ابره مخدره عشان انام وكل ذا انا مااحس بذاك الوجع وحتى الطلق مو حامي وامي تقول طلقك بارد شكله فيك بنت وانا اقول لا ولد قالوا لي المهم وجات دكتوره اسمها خديجه مرره حبوبه قالت احنا راح نساعدك ونعطيط فرصه للطبيعي اهم شي ماتوجعك العمليه قلت لا وجات ذيك الدكتوره الاردنيه سعاد وسوت لي قسطرررررره واااااااااااه يابنات وربي المها الم جلست اصيح واصرخ باعلى صوتي واقول لامي الله يخليك قولي لهم لايحطونها فيني وربي الم الولاده كوم وهيا كوم اول مره اجربها وكشفت وقالت 9 بس الراس لسه تحت وانا بديت اصيح من الالم وجات الدكتوره خديجه واعطتني الكمامه وقالت لي راح نعطيط ابره تطري الرحم وتنزل الراس قلت طيب وحطتها في المغذي والله ماادري ايش هيا شكلها طلق صناعي وزاد الالم وتقول الدكتور الاردنيه خلاص كلمي زوجها يوقع على العمليه وكشفت الدكتوره الثانيه وقالت لالالا خلاص نزل الراس يالله ادفعي وانا مافيه جهد وكانت الساعه 6 ونص الصباح ويصيحون دفي الراس بان وانا مااقدر ادفع واخذ نفس وهيا تصرخ فيه الدكتوره لا تاخذين نفس ادفعي الولاده دفع وامي تبكي يالله ادفعي اخر شي والله شعره بان وانا سكرت عليه ويقولون حرررام عليك بيموت وانا ادفع بكل قوتي وسحبوه مني بالقوه الحمدلله وحطوه على بطني وانا ابكي لانه ماصاح وشالوه على طول وكان ازرق ربي ستر وجلسوا يخبطون فيه الين بكى وانا اقول لدكتوره ابغى بنج ماابغى احس بالخياطه الله يخليك قالت طيب ونمت وصحيت وانا لسه بنفس الغرفه ودخلوا ابوي وزوجي وامي وانا نص مبنجه وخلوني نص ساعه وطلعت غرفتي فوق وكان زوجي مزينها بالوان اخضر وابيض لاني ولدت باليوم الوطني هههههه والحمدلله والله من الفرحه مانمت ذاك اليوم بس بعدين جاني النوم ومافي نوم مع صياح البيبي الله يحفظه ويكبره من جد كل اللالم يروح لمن الام تشوف ضناها ……وسامحوني على الاطاله بس من كثر مااقرا في قصص الولاده حبيت انقل تجربتي [واي سوال انا حاضره بس ماادخل كل يوم بسبب انشغالي بالنونو الجديد ./INDENT]