قصه ولادتي عقبال كل الحوامل

كيفكم كروشات وكيف البيبيات ياربي يهوون عليكم <<تذكرت الحمل مع انه تعب لاكن ذكريات حلوه 😀

انا راح اكتب حتوته ولادتي اللي كانت في يوم الثلاثاء 4_11_1431 هـ

طبعا انا الكل عارف اني دخلت العاشر ولاولدت مع انه مابقى شى ماسويته بديت مشي من الثامن وشربت قرفه وكف مريم وخلصت كل التمر ولا في اي بوادر وتعبت حيل

والكل يتصل ويسألون ماولدتي واخواتي يسالون وتازمت نفسيتي زياده وطول وقتي بس ابكي وزوجي متوهق فيني 😆 hy:

بدات احداث القصه << لامثقفه بسم الله عليك ههههه

السبت اللي قبل ولادي الصباح حسيت بألم غريب قلت ان شاء الله الفرج قرب
وصرت اراقب الطلق ولا انتظم وتحطمت ورحت نمت واختفى الالم تمام

المهم يوم الاحد صحيت من النوم الا واشوف في الاندروير افرازات بنيه (وانتم بكرامه)
فرحت كثير <<ماتدري وش قدامها ههههههه 😥 :D:D

ورحت المستوصف لانه كان فيه طلق خفيف كشفت وقالت فاتح واحد ونص اشربي زيت خروع و على بكرا ان شاء الله تكوني والده

رجعت البيت والالم مستمر ومحتمل لاكنه مو منتظم ويوم الاثنين اشتد الالم علي لدرجه صار يجي كل خمس دقايق رحت للمستوصف اللي جنبنا قالت 3 وسويت لك توسيع العصر روحي للمستشفى عشان الولاده

ومن جاء زوجي من الدوام وانا رحت لمستشفى دله استقبلوني طوارى لاني ماكنت اراجع عندهم ومن دخلت اختفى الالم تماما من الخوف وكشفت علي قالت
واحد ونص انا هنا <<

قالت انتي معديه التاسع بأسبوع بتجلسين والا بتطلعين وقلت بجلس <<مليت ابي اولد وافتك من الرعب

وجلست عندهم ومافيني الم المهم لما جات الساعه 12 بدى الالم وكل ماله يشتد حتى صار كل دقيقتين <<
احس كانه احد يشد بطني وظهري مع بعض بقووووه لتحت واحس بنغزات بالمنطقه الحساسه <<
عمري ماتخيلت الطلق كذا الله يحلل الدوره 😥

وكل مارحت للمناوبه عشان تكشف قالت امشي بعد زياده لاتقعدي وانا مافيني امشي كل ماجت الطلقه جلست واذا راحت مشيت

وكل الممرضات رحموني ويبتسمون في وجهي يخففون عني

لما جات الساعه 4 الفجر ماقدرت اتحمل رحت للدكتوره المناوبه وكشفت قالت 3 انا
كل هالالم وثلاثه اجل كيف لاوصل خمسه وسبعه وعشره لاياشيخه يبيلها ابره ظهر <<<:)

ورحت طلبت منها قالت خلاص ع الساعه 9 بكشف واشوف اذا فتح زياده والا عطيتك ابره ظهر وطلق
وجلست للساعه تسع وانا اتلوى من الالم وابكي وجت كشفت قالت باقي ثلاثه <<د

قلت خلاص مااقدر ابي ابره ونزلوني غرفه الولاده ودفع لهم زوجي السعر 1733 ووقع عليها
وعطتني اياها الدكتوره جيهان كانت يدها خفيفه بعدها اختفى الالم تمام احس كانها رجولي متورمه
وعطوني طلق صناعي معاه وماحسيت فيه
وجلست للساعه 12 الظهر وجت تكشف قالت باقي 3 <<بكيت مره هنا خفت انه لازم قيصري وجالسه
ادعي ربي ييسر لي
لما جات الساعه 3 جات تكشف علي دكتوره ومعاها ممرضتين وقالت 9 ونص فرحتت كثيير 😆 🙄

بس بعدها جات هي ودكتورتين وممرضتين ويتكلمون ومدري ايش يقولون حسيت في شئ
قالت انه فاتح تسعه لاكن البيبي نبضه ضعف وهو مرتفع لازم قيصري قلت لاماابي
قالو بنصبر عليك لان النبض رجع لو ضعه الطبيعي
بس راح نخفف الابره عشان تحسي بالالم وتدفعي كل ماجا دفع وافقت
وخففوها وبديت احس بالدفع والالم وادفع لحد الساعه 4 ونص العصر جت الدكتوره قالت ان البيبي قريب
يالله ادفعي بيطلع راسه قريب وانا مو عارفه ادفع وهي مره عصبت علي تقول بعدين راس
البيبي يصير مو كويس <<تدفع دفع متقطع ماتدري وش السالفه 🙁

دفعت دفعتين كامله وبعدها طلع حبيب ماما دودي 😀 لما شفته جلست ابكي

بعدها اتصلو على زوجي وكان في الغرفه حقتي وخبروه جاء طيران يشوف البيبي ➡

نصايح لكم
1_ لاتتعبي نفسك بالمشي والاشياء الثانيه الولاده ساعه ربي كاتبها

2_حبيت اقولكم مسشتفى دله مرره روعه تعامل ومصداقيه ومتابعه مايتركونك ابدا

3_ بنات من اول ماتولدي البسي بنطلون طويل انا جاني براد من حمام المستشفى
وانتم بكرامه وتعبت اشد من الطلق شدت خيوطي ولا خفت الا بالكبو

4_ لاتخلي زوجك مرافق خوذي امك والا امه انا خليته وتوهقت لايعرف يشيل ولايسوي شئ