عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله
اولا احمد الله حمد كثيرا على ما اتم علي من نعمه وتيسر
وراح ابداء بالقصه مالي بالمقدمااات
هذا الله يسلمكم انا من دخلت التاسع وانا اسوي تمارين القرفصاء سويتها اول اسبوع وصار لي شد عضلي برجلي وتركتها يومين
ونصحوني البنات في القروب انو استمر عليها لانها تسهل الولاده
والحمد لله من خف الشد رجعت اسويها
كنت اكثر شي اسويها بعد كل صلاه لاني اكون جالسه ومتذكرتها
وادعي ان الله يسر لي ويسخر لي عباده اللي يرحموني في هذيك الساعه
وطبعا طول التاسع كنت اول ما اصحى من النوم اكل ملعقه عسل على الريق
ومن بدايه الاسبوع الثاني من التاسع بديت استخدم خلطه تسهيل الولاده واحليها بعسل
وبرضو كنت تقريبا شبه يومي اخذ شور دااافي تقريبا اكثر من ربع ساعه <<تحب تتليف 😡
ويوم السبت الظهر كان متمم لي الاسبوعين واول يوم لي بالاسبوع الثالث
الساعه 8 الصباح نزلت علي قطعه كبيييييره مخاطيه غريبه خوفتني بصراحه
قلت ممكن السداده
بس مافيها اي خط احمر لونها عادي مثل الافرازات الثقيله بالايام العاديه <<مرات تجي معي متعوده عليها يعني
بس اللي خوفني انها كبيره مرره
وطمنت نفسي انها مستحيل تكون سداده 
لانها مثل ماقلت مافيها لا خط احمر ولا شي
المهم واناااااام ذيك النومه
الا على الساعه 11 حسيت اني متضايقه ودي اروح الحمام بس عجزانه اقوم الا شي ينزل
على بالي تبولت على نفسي وقمت من الخوف الا نزل اكثر
واروح للحمام بسرعه <الله يكرمكم
وفجاه الا مويه كثيره تصب انا 😛
خلاص خفت قلت جات ساعه الولاده
طبعا اللي حيرني ما احس باي الم
وبنهبل قلت مستحيل اكيد باخذ طلق صناعي على هالحال
وعلى طوول رحت المستشفى //العسكري بالرياض،،
بعد ماجاء زوجي من الدوام
وصلت 2 تقريبا
ودخلت الطواري
اعطتني ذاك اللبس الاخضر قد ماكنت خايفه قد ماكنت مستانسه
شعور ملخبط وغريب
دخلت على الكشف الساعه 3
ولما كشفت قالت مفتوح 2سم
انا 😳
2 سم ولا احس بطلق
ولما جات الدكتوره قالت لي انتي تنويم وبكرى الساعه 8 راح نعطيك ظلق 😉
بس وين المشكله قالو لي خليك بالطواري حتى نلقى لك سرير 😐
بالبدايه كان الوضع عادي لاني مو حاسه بشي
بس الوقت كااان جدا طويل
جلست مع زوجي برى وجاب لي قهووه وهو يضحك علي يقول معقوله بتولدين والله وجهك مو وجه ولاده <<قمه التحطيم
الى المغرب كل شوي ادخل اسال فيه سرير ويقولون لا بصراحه خفت قلت اذا هذي بدايتها اكيد الباقي فيه العيد
بس برضو كان فيني مغامره
على العشاء قلت لزوجي خلاص روح انا بقعد حتى يطلعوني واكلمك
وطبعا كان ناقصني اغراض راح يكملها
ومن بعد العشاء بديت احس بمغص محتمل وكل ماله يزيد وبرضو محتمل
حتى الساعه 12 بالليل بداء يشد
على 1 و2 خلاص مافيني اتحمل وهذا كله كنت بالطواري تحت 😎
ولما شافوني اصيح وابكي كشفو علي طلع 3 ونص
وطلعوني فوق على التنويم تخيلووو يعني موجود سرير بس مدري ليه الكذب
وقعدت فوق بالتنويم احاول امشي لانهم قالو امشي
امشي خطوتين و اجلس من قو الطلق
طلبت مسكن ما اعطتني //الله يسامحها 👿
تقول انتي بكر باااقي وقت طويل 😛
كرهت اني بكر
ما قدرت اتحمل المشي
قلت بقعد بالسرير خلاص مافيني حتى اوقف على طولي
ولما شافتني اصيح ومسويه رجه حطت جهاز التخطيط
وفجاه تجمعوو علي وانا من التعب مو قادره اركز بس اللي فهمته ان مع كل طلقه يضعف النبض
ولما كشفت علي الفجر //الاحد// صار مفتوح 4 سم
وعلى طول قالت ولاده
لما قالت ولاده حسيت بنشاط حسيت انها بتنفرج
ودخلت الولاده وقلت لهم اعطوني ابره الظهر
قالت لي القابله وكانت سعوديه خذي الكمامه على بالي مايجي الدكتور
صدقتها
::كانت تكذب ➡ ::
واخذت يدي وركبت المغذي
عرفت انه طلق لاني بعدها حسيت بالالم مستمر ما ينفصل
واصيح عليها وهي تقول خذي نفس خذي نفس
وكل طلقه اخذ نفس وبس تروح الطلقه اعصب عليها اقول لها ليش تكذبين وين الدكتور 🙁
وطلقه ورى طلقه ومهدي وكمااام وصياح وكل الاكشنات
طلعت الحلوووه الساعه 6 
بس من جد كانت القااابله السعوديه جدا متعااونه معي وادعي لها من كل قلبي الله يفتح لها ابواب رزقه
صح كذبت علي بس مساامحتها 😳
وبصراحه غيرت نظرتي بالسعوديات 😈
وانا مستخيره ربي بالابره اذا فيها خير تيسرها لي واذا فيها شر تصرفها عني والحمد لله راضيه باللي كتبه ربي
وتوته توته انتهت الحتوته
ادري طولت بس حبيت اعطيكم التفصيل
تقيمي للعسكري
يرفع الضغط الطواري والتويم برضو مع انها ساعتين بس لو جلست اكثر اتوقع مت عندهم وهم ما يرحمون
لكن بالولاده كانو متعاونين
وهذا اهم شي وقت الجد
وسلامتكم
دعواتكم لي ولبنوتي وللقابله 
