عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
شخباركم حبايب قلبى والله اشتقت لكم
جتيكم بقصه ولادتى الي ماكانت على البال ولا الخاطر
هههههههههههه
بدا الطلق اول يوم العيد فى الليل من اكل التمر والمشى والحوسه من بيت الى بيت
مارجعت بيتى الا الطلق واصل حده بس كان طلق كاذب لانى دخلت اخذت دوش دافى واختفى الطلق ونمت وانتهى اليم الاول
اليوم الثانى كان ثانى يوم العيد رحت بيت خاله زوجى ومسويه كيكه الكذابه هى مثل السترول
وكلت منها بعدين رحت لام زوجى حاطه تمر وقهوه وقالت لى اكلى تمر قلت مابغى قالت والله يفوتك اكليه وروحى امشى شرط تولدين وفعلا كلت التمر ورحت هاف مون بس كنت تعبانه مره بس مابغيت اقول لزوجى حرام عيالي فرحانين ههههههههههههههه
ورجعت البيت الا ينزل منى مويه قلت يابرى حالي جات الولاده وجلس ادعى يارب اولد والقى دكتوره تفتح النفس مو مثل ولادتى الاولى وصار عندى الطلق المنتظم كل نص ساعه يزيد على
رحت بجلس زوجى لقيته غراق فى النوم قلت حرام انتظر لين ياذان الفجر وصار الطلق كل ربع ساعه
واروح اجلسه اقول له قم بولد قالى لى خليك للصباح قلت اقولك بولد قال خلاص بكره ههههههههههههههه
وانا الحين فى حاله وهو معصب يقول لى اذا مافيك ولاده يويلك وخليت زوجى ينزل اولادى عند جدتهم مابغيتهم يشوفنى وانا اتالم هههههههههههه
المهم الحين انا ساكنه فى الدور الرابع وعلى مانزلت اذن الفجر وصلت المستشفى الساعه 5ونص الصباح
وكانت الدكتوره توه بداء دوامها وفرحت والله انى فاضيه هههههههه
وكشفت على قالت ان الرحم مفتوح بس 4سم قلت ايش كل هالالم بس 4سم
قلت ان شاء الله على الساعه 8الصباح راح تكونين ولاده وحطونى فى غرفه عاديه ودخلو زوجى جانى قال الله يهديك لو انك صابره لساعه 8 ماكان احسن لك واحسن لى
وكان يمى سرير فاضى قال انا بنام وانتى اذا جاتك الولاده جلسينى الا تدخل الممرضه وتقومه تقول قوم بابا هذا الحين يجى حرمه ثانى ويعصب
وجلس على الكرسي وتلثم وكمل نومه وانا اتالم احس ان ظهرى صار نار
كشفت على الساعه 6قالت نفس الشى 4سم والطلق حامى قالت بسوى لك توسيع بيدى قلت لا اصبر للساعه 7اذا ماتفتح سوى الى تبغينه وعطونى ابره مهديه بس مثل عدمها ههههههه
وجات الساعه 6ونص وقالت لى امشى على الغرفه ومشيت بس اتعب واجلس وجات الممرضه الساعه 7 قالت بتسوى لى تدليك فى ظهرى ولانفع وكشفت على قالت نفس الشى 4سم
لازم اسوى لك توسيع قلت مابغى ان شاء الله الحين يفتح وجلس بو الشباب وقال وانتى للحين ماولدتى قلت وانت نايم ماتحس هههههههههههههه وجات الدكتوره وقالت له لازم توسيع
قال خلاص سوى لى تبغين قلت مابغى قال مو على كيفيك سوى ودخلت فينى شى غريب قطنه وفيها مرهم ودخلتها داخل حيل ههههههه بغيت اموت اموت مابقى سب وشتم ماقلته والحمد لله كشفت على الساعه 9 قالت الرحم مفتوح 7 ولاده الحين انا اشوف الدنيا الوان عندى ودخلونى وجهزونى وكشفت على لقته 10 سم يالله دفعى ودفعت 5 دفعات وجبت احلى بنتوته وسميتها حور
وادرى طولت عليكم بس قلت لكم قصتى بالتفصيل لانى انا احب السالفه بالتفصيل
