عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بســــم الله الرحمن الرحيم
الســـــــ عليكم ورحمة الله وبركاته ــــلام 
بعد مرور 9 شهور بـ تمام توني أكتب قصة ولادتي معليه بكريه وحوسة البيت
والاولاد:D ماكان عندي وقت ..
الحمد الله ولدت وجبت توئم ( ولد وبنت ) من فضل ربي ماشاء الله 😆 hy: الله يخليهم لي >>>> طولت صح
اللحين نجي للقصة..
كان مقرر لي إني أولد بـ 9/2 يعني بـ رمضان وكان هذا كلام دكتورتي ربي يسخر لها طريقها ويوفقها وين ماتروح والله كانت مريحتني كثير وكانت تنصحني وتهتم فيني 
وكان لي موعد بالمستشفى وقاتلي الدكتوره بحكم إني بكرية وحامل بتوئم إني ممكن أولد قبل ماأدخل التاسع يمكن بالثامن وهذا أمر طبيعي 
المهم بتاريخ 8/16 كان يوم جمعة وإتصلت فيني ماما علشان جدتي الله يخليهم لي راح تتغداء عندهم اليوم وقمت وتجهزت وكنت قبلها بالليل جاني ألم بس ماكنت متوقعه إنه ألم طلق لأنه مالي أي خبره بهذه االامور وعلى ماتجهزت الظهر بعد الصلاة رحنا أنا وزوجي لبيت أهلي وجلسنا مع الاهل شوي قبل لانجهز الغداء وكنت ماني حاسه بشئ ..
وعلى الساعة 12 تقريباً حسيت كأنه شئ نزل مني مثل المويه من تحت (( وإنتم بكرامه )) خفت رحت جري على الحمام ( أعزكم الله ) وشفت مثل المويه تنزل خفيف رحت طوالي عند أمي وخبرته وقالت إن شاء الله مافيك إلا العافية روحي وجلسي داخل بالغرفة
علشان ماحد يحس فشلة الكل متجمع بالصالة إخواني وأبوي وزوجي إحراج وبعدين حرام توهم قاعدين ياكلون قلت ماأبي أخرب عليهم الأكل 😆 🙂
وبعدها ماقدرت أصبر صارت المويه تطلع مني كثيروجدتي ياعمري عليها من الخوف كل اشوي تصبرني قالت إذا حسيتي بألم قولي لنا لأنه ماتنبيني اروح للمستشفى وأنا ماأحس بشي وأنا كل اشوي أقول لهم لأ ماأحس بشي بس المويه بللت ملابسي 😆 😉
وعلى الساعة 1 تقريباً ماقدرت أصبر زهقت من الموية اللي تنزل رحت وناديت على زوجي وقلت له إنه مويه تنزل مني أنا قلتله من هنا وهو طااار من هنا مايدري وين يروح وشنو يسوي المسكين يالبى قلبه الله يخليه لي وأنا أقوله مافيني شئ وهو يقولي بالسرعة لايصير شئ .
رحت وبدلت ملابسي ولبست عباتي وهو فوق راسي يسرع فيني وخلصت وركبت السيارة ماشائ الله ماتأخرت بالروحه للمستشفى لأنه زوجي ماخلى إشارة إلا ويقطعها وأنا أهدي فيه أقول شوي يشوي يقولي لألألألألأ لازم نوصل بدري وأنا والله كنت هاااادييه
وصلنا المستشفى الحمد الله هنا بديت بأول بكاء لي قلت والله ماأدخل إلا وأنت معي قال مايصلح أوقف السيارة بالطريق لازم اصفها بالموافق قلت وياك قال بعيد قلت معليه أمشي >>>> آخر روقان البنت ينزل منها مويه وتبي تمشي
المهم بعد طلعت الروح نزلت ورحت قسم الاسعاف وخبرتهم باللي صار وعلى طول كشفو على وكان مفتوح عندي الحمد الله 6 سم ورقوني غرفة الولادة وهنا كانت انواع العذاب بالبداية ماكنت أحس بشي وكل اشوي كانت تسألني الممرضة تحسين بشئ أقول لها لأ همن تتركني ربع ساعة وترجع تسأل وأنا أقول لأ وكل شوي تسأل لين بالأخير أعطتني طلق صناعي وأنا من أسمع وحده تصارخ وتولد وأسمع صوت البيبي أقول متى يجي دوري يارب لين فجأة حسيت بألم قمت أنط من مكاني وأصرخ من الوجع بس الحمد الله كنت أدعي إنه ربي يسهلها علي وتميت على هذه الحاله
وعلى الساعة 7 و 15 دقيقة قالتلي الممرضة نبيك تشدين حيل وتاخذين نفس عميق وتدفعين لأنه مفتوح عندك 10 سم وراس البيبي بدأ يطلع وأنا أسوي مثل ماتقول المهم أبي آشوفهم وآرتاح من الثقل اللي كنت شايلته وكل اشوي تقولي الدكتوره يلا إدفعي بقوة وأنا أدفع والحمد الله على الساعة 7 و 20 دقيقة شرف ولدي وبعده بـ 2 دقيقتين شرفت بنوتي الحلوه ..
وبدا مشوار الخياط والهذرة وجابوهم لي أشوفهم وأبوسهم بس ماعطوني إياهم إلا ثاني يوم مع خروجي من المسشتفى 💡
وهذه قصتي بس جد أحلى إحساس لما تشوفينهم بصحة وعافية حولينك ننسى التعب والاشياء اللي مرينا فيها اللهم ارزق كل محرومة بالذرية الصالحة المعافى يارب ..وسهل على كل حامل حملها وولادتها يارب ..
