عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
الحمد لله الحمد لله لو أرددها ألف مره بااليوم ماأوفي الله حقه من النعمه العظيمه التي انعم بها علينا
وخصنا على كثير من غيرنا وهي نعمة البنون هاذه النعمه العظيمه هاذه النعمه الجميله التي لاتوازيها لذه ولقد ذكر ذلك في كتابه الكريم المال والبنون زينة الحياة الدنيا 
ربي لايحرم كل محرومه ويسهل على كل تاسوعه ويتمم على كل حامل باالشهور الأولى يارب العالمين
رغم إنه ليست الولاده الأولى لي لكن سبحان الله في كل مره كأنها لأول مره أستقبل فيها طفلاً هديةً من الرحمان
أكيد متحمسين للقصه 
انا ساكنه جنب اهلي وكانو عيالي يبون يروحون لأهلي من قامو طبعا صغارين ومعطلين ويبون يقضون الإجازه عند اهلي 
رحت للصاله وجلست على الكنب اتأمل الساعه واقول يارب يسرع الوقت ومااطول في ولادتي وشوي الا دخلت امي وكأنها عارفه ليش ابيها قالت سلامات قلت ولاده قامت تدعي لي وتهلل وتقرأ علي وتمسح على بطني مسكت يدها وحطيت راسي عليها وانا اقولها يمه خايفه ابيك تروحين معي قالت والله يابنتي انا مااقدر مااتحمل خلي اختك تروح معك قلت لا ابيك انتي اصرت امي الا اختي الصغيره تروح معي دقت عليها وفرحت اختي لأنها تترجاني اني اقول لها وقت ولادتي عشان تروح معي لأنها عارفتني خوافه وهي شجاعه ماشاء الله وكنت اقولها لا ماابي احد معي بروح لحالي بسوي نفسي شجاعه وكل عيالي رحت لحالي المهم انها ماأخذت وقت ياحبي لها الا جايه بيتي وتضحك علي اول مادخلت وتقولي احلى احلى بتولد اليوم بتشوفين عيون النونو اليوم افرحي ومن هاالكلام وانا ماش طاقني الهوجاس ومتملكني الخوف وبس اتعبر وابكي خخخخخخخ
كنت مره خايفه وقلقه لأني متأخره عن الحمل وهاذي من مساوئ التأخير ومن محاسنه اني اشتقت مره للحمل وللأطفال ومتحمسه لهم مره
المهم قالت انا بتوكل اروح عن البزران في بيتي واختي جلست معي تقرأ علي وتهديني وزوجي يستعد عشان يوديني للمستشفى كنت ماسكه يد اختي بقوه وماودي افكها احس اذا فكيتها اني بعالم لحالي ههههههههههه فتحت المصحف لي وخلتني اقرأ سورة (يس) وكان الطلق على خفيف وغير منتظم والمويه كانت تنزل مني شوي شوي جلست على هاالحال من 2ونص الى الساعه 4 العصر واختي وزوجي يقولون لي يالله خلينا نروح وانا ماابي مااحب اطول في المستشفى وقت الولاده ودي اروح وانا واصله عشان ماآخذ وقت الا انا والده ان شاء الله لأني عارفه نفسي خوافه وبقلق من اصوات الحريم الي يصارخون واخاف يعذبوني باالكشف كل شوي وانتم عارفين جو المستشفى يخوف وغير مريح عكس البيت فكنت اقولهم خلوني اصبر قالو بالامستشفى احسن لك واريح
كنت مقرره وناويه اني آخذ ابرة الظهر وكنت اقولهم ترى أبآخذها ويضحكون علي ويقولون ان شاء الله ماتحتاجينها وكنت اهاوشهم واقولهم الله لايحللكم ان عييتو عليهم وكانو يضحكون علي ههههههه
المهم مع تشجيعهم قررت اروح للمستشفى رغم اني حاسه انه بدري عليه المهم ركبت السياره وطول ماانا باالسياره وانا ماسكه يد اختي ماتركتها عرقت ياعمري يدها واحس اوجعتها ههههههه وكنت اتأمل الشوارع وبس استغفر وادعي للغوالي والأحباب ربي يتقبل ياررررررب
وكانت الشوارع زحمه وفرحت انها زحمه لأنه ماودي اوصل للمستشفى بدري المهم يوم قربنا للمستشفى اقول لأختي ياليتنا ماقربنا وهي تضحك علي خخخخخ
تعبت تسمحون لي أرتاح ..؟ 
وإن شاء الله ماراح أطول عليكم ..
