قصت ولادتي بالتفصيل الممل

حبيباتي و اخواتي الحوامل

باركولي ولدت و جبت بنوته حلوه و اموره سميتها

ليــــــــــــــــــــــن

إدعوا لها و لوالديها بالخير

جيت ابكتب لكم قصة ولادتي .. و ان شاء الله تنفع كل حامل

دام حملي +38 اسبوع تقريباً …
و جربت كل محرضات الولاده من قبل من ادخل الاسبوع 37 بس ما نفع معاي شيء
إلا الدعـــــاء ثم الدعاء ُم الدعاء
بعون الله و توفيقه ..
مغلي كف مريم بس للاسف ما صار معي اي شيء
شربت منقوع الزعتر ليومين متتاليين ( ما نفع معاي)
جربت منقوع الزعفران ….. ( ما نفع معاي )
شربت زيت الخروع ( ملعقتين ) ———> يلوع (( إسهال الله يعزكم ))

بس بالتحديد تاريخ 13/5/2007 الساعه 9:00 مساء … اخذت 4 ملاعق زيت الخروع + عصير فواكه ( كوكتيل ) … و رحت عى طوووول أمشي في على رمل البحر .. و في كل خطوه و انا ادعوا الله (( يا مسهل سهل )) … و رجعت البيت الساعه 10 و نصف تقريباً و أخذت شاور ساخن ..
و بداء مغص خفيف الساعه 11 مساءً ,,, و المغص بداء يزيد و يزيد : وانااااااااا ماسكه نفسي أونه انتظر بوادر الولاده
بس خلوا بالكم يا بنات
ما شرط ينزل showعلامه السداده المخاطيه اللي تغطي عنق الرحم
وما شرط ينزل ماي الراس

انا انتظرت و الالم ذابحني هالعلامتين بس مغص متواصل لحد الساعه وحده و النص
اخذني زوجي طوالي المستشفى
وفي الطريق استفرغت و طلع العصير اللي شربته مع الخروع بالكامل وفي هذيك اللحظه فتح الرحم على طووووول و نزلت العلامه و ماي الراسه في ثواني ووصلت المستشفى
الا و حطوني على سرير الولاده و قالوا يالا بووووش
وانا اسال الممرضه ما راح تغيرولي ملابسي قالت لا انت راح تولدين على طول رحمك مفتوح عالاخر
و بدينا بوووووووووش و الحمدلله ربع ساعه و وصلت الاموره الحبوبه بالسلامه:
بس ويش صارلي شرخ الله لا يوريكم خياطه على كيف كيفك بس كله يهون

المهم التوكل على الله و الصبر …
لا الخروع فادني و لا غيره من الوصفات … بس الدعـــاء هو اللي نفعني

اتمنى للجميع ولاده سهله ميسره كولادتي
ادعوا لنا بالخير