عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ما عرف من وين ابداء قصتي لانها قصة و حياه غير عن اللي تسمعونة
انا متزوجة و عندي 2 اطفال الاول 5 سنوات و الثاني 5 شهور
زوجي طيب و ابن ناس و يحبني ولله الحمد و ما ضيع ولا فرض من صلاتي
و ما بخل بالصدقة ما يهون علي اشوف حد محتاج وما عطية حتى لو ما بيبقى معي فلس
كل شي فيني زززززززين و حلووووو بس مادري لية اسوي الغلط
بداية ضياعي من قبل لا اتزوج كنت عندي رفيقات سوء كثيرر
و كنا دايما تلفونات و كنت بعد اطلع مع شبان صعب اعدهم
ما كان غرضي من طلعتي معهم شي و قسم بس حسيت انه مرض فيني
او يمكن من اللي كنت عايشة لان عيشتنا كانت ما تنوصف امي تنضرب و ابي الله يرحمة و
يسكنة فسيح جناتة دايما انضررب منة و دايم امي ببيت اهلها لدرجة انها يوم كانت تروح
اقعد بالايام مقدر امشي يعني احبي مثل بيبي عمرة 9 شهور ونا عمري كان فوق العشر
سنوات كنت دايما اخاف من ابي حتى يوم كنت انضرب منة اتبول فوق نفسي الله يكرمكم
مضت السنوات و ابي مرض و مات اخي الكبير عاملني معاملة العبيد من ضرب لكل شي
اشيااء مقدر اكتبها كمان المهم جاني النصيب طبعاً كان هو عينة علي ونا بديت و كلمتة
ع بالي مثله مثل غيرة الا الولد كان شاريني و تعلق فيني بقوة و عمرة ما كلم بنت
لدرجة اني كنت احسة ميعرف يتكلم معي يوم يكلمني حبني و تقدم لي انا انصدمت
المهم ما وافقت و تحججت بدراستي امي طبعاً تبي الفكة من المشاكل اللي بالبيت
بسببي و بسبب اخي و كلهم كانوا ضدي و قالوا مو ع كيفك رضيتي ولا لا بتتزوجي
و الولد الصراحة ما فية درة عييييييييب المهم ملكت و عشت ايام حلوة ايام العقد
بس يوم قرب الزواج سويت مشاكل ما تتخيلونها لدرجة انهم يحسبووني تعبانة نفسيا
و زوجي كان يبكي و يقرا قران كل اهله يشجعونة يفسخ يقولون له مافي نصيب يمكن
و هو صبررررررر تخيلوااا لين اهلة تقريبا كرهووني بسبب اللي صار بابنهم المهم
ربي كاتب لي ان هدا نصيبي سبحانك يارب تزوجت و قعدت شهور ونا ع نفس الشي
مشاكل مسويت له بس اوقات اطلع من البيت من غير ميعرف و يرجع و البيت فوق
تحت و ارجع و البيت مرتب و ما يصارخ علي صبر صبر ايووب والله
و بعدها انشغلت بالجامعه و حملت و هدا اللي هداني الحمل لان حسيت ان غصب عني شي
يربطنا حملت و تخيلوا حتى ونا حامل طلعت مع شااب كنت اعرفة من سنين
و مرة طلعت بعد الولادة المهممممم هونت من كل اللي كنت فية و عقلت و دخلت عالم النت
كنت لاهية فية مرة و تعلم و ازياء و اشيااء كثير شغلتني عن اللي كنت اسوية
و تعلمت لشات و تعرفت ع شباب و كنت دايما اضحك عليهم و سوي بلك و ديليت
طبعاً ما علم حد اني متزوجة و يوم امل من شخص اقوله خلاص انساني بتزوج
و لا اسوي أي شي …
بتقولون شو قصتك الحين اختصررري :$
القصة اني تعلقت بشات و كل اللي بالروم كانوا يبووني ونا وعدت نفسي ما دخل خاص مع
احد يعني حدي اتونس بس ما ربط علاقات الا شخص اعتبرتة كاخ و صار حب
و قابلتة مرتين يعني طلعت معاه فندق بس ما زنيت و الله يشهد علي و هو ع بالة
اني بنت كمان
حبينا بعض و هو ميعرف اني متزوجة بس انا من يوم كلمتة علمتة اني مخطوبة و باي
وقت بملك الولد حبني و مصمم يتقدم لي بس انا اعطية مليون عذر عشان بيتي و عيالي
و مابية يعرف اني متزووجة لين و نفس حالتي شاتات و عرض و قلة حياا و زوجي المظلوم
ما يدري عني بشي مع انه يحبني و لو عصبت انا هو يراضيني وما يرفض لي طلب
اوقات اخواتي يقولون نفسنا برجال نفس زوجك طيبة و حنية مو في احد
حتى الرجال والله من اهلي يمدحوونة و يحسدددددددددووني ع الدلع اللي يدلعني اياة
والله ثم والله ثم والله اني ما حب هدا اللي حبيتة يمكن تعلق تضييع وقت احب الكلام و الدلع
اللي منة و مثل ما يقولون كل ممنوع مرغوب المهم من كم يووم كنت بشات كبيررر
فية روماات كثيرررررر فية وساااخة كثيررر و فية رومات اسلامية قلت يلا بروح روم
اسلامي ما كان في نيتي شي الا اني اطالعهم و فجاءة حسيت بضيق شديد وقت دخلت
لانة كان فية محاضرة صوتية عن القبر و يوم الحشر قمت قلت ابي مساعدتكم قمت حكيت
عن اللي انا فية شووي و اني اسوي و اسووي الا ووحدة الله يبارك فيها و يبشرها بالجنة
جتني خاص و قعدت تهدي فيني و تدكرني بالله المهم قطعت وعد على نفسي اكلم الشاب اللي
معي مسن بانة ينساني و اني بتوب و برجع لله و ينساني المهم طبعا هو ما وافق و لامني
كثيررر ونا كنتت مصمة ما عترفت له باني متزوجة و عندي عيال قلت يمكن
يكون مصورني يوم كان يشوفني ع الكام وو دعتة
حسيت براحة و خاصة اني هالايام اسمع قررران و روح هالشات و اقعد معهم
و نتكلم بكلام الله طبعا الشباب ما يكلمون البنات و العكس يعني نستفيد و كم جي هالروم
شباب يسبون و يلعنون و يخروجون و ربي هداهم و قسم يبكوون ع حالهم تعلمت من اللي
عشتة و قلت يمكن ربي ستر علي لانة يحبني و ما يبي بيتي ينخررب
واللي ابية منك دعوة عن ظهر غيب ان الله يتبثني و يبعدني عن اولاد الحرام
و يخلي لي زوجي و عيالي و يهديني لطريق الصحيح ..
بس السؤال : دايم اقول لنفسي لية اسوي هالشي مع اني ادري انه غلط
يمكن لاني عشت حياة غير طبيعية من صغري لان والله ما غرضي من وراء العلاقات شي
لا مال لا حب و لا بحث عن العاطفة احسة كنة مرض يجري بدمي
سامحوني الموضوع مو مرتب و كلام فوق و كلام تحت لان اي شي ادكرة اكتبة
ادعوا لي ربي يتبثني و ربي يهديني و يبعد عني كل ما هو محرم
اتقبل منكم كل شي لاني احس نفسي مو انسااانة 
