عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا فراشات
عندي موضوع و حابه اسمع آراءكم و ردودكم
السنه الي فاتت تقدملي شاب ملتزم و كل شي فيه تمام .. الموضوع تم بالطريقه التقليديه المتعارف عليها
عن طريق الأهل و معرفتهم بأهلي
المهم أنا استخرت و تم السؤال عن الشاب و كل شي و ردينا عليهم بالموافقه .. طااار عقلهم لما عرفو ردي بالقبول قالو زين نحنا بنحدد وقت زيارة الحريم لكم
مر اسبوعين على الموضوع لا حس و لا خبر و بعدين مر شهر و نفس الحال محد دق علينا و المشكله انهم تكلمو لكل الناس انهم تقدمولي
و مره اتصلت صديقتي و تقولي روووضه متقدم لي شاب و انا محتاره لانه حاطلي شروط و انا ما حبها
قلت لها خير شو الشروط.. و قالتلي و هيه متردده .. قلت لها منو الشاب
و كاااااانت الصدمه .. هو نفس الشاب الي متقدملي يعني بنفس الفتره الي نحنا كنا ننتظر زيارتهم لنا هم راحو و تقدمو لصديقتي
انا سكرت عنها و انا مندهشه و لا قلت لها شي و رحت خبرت اهلي و الكل انصدم و انقلب الفرح لزعل
والله ما توقعنا منهم
المهم مره كانت صديقتي زايرتني و كل وحده اتفظفظ للثانيه فيه شي في داخلها قالي قولي لها عن الموضوع
قمت و قلت لها يا فلانه ترا السالفه جيه جيه و الي متقدملج تقدملي بالاول و انا قلت اني موافقه
استغربت و قالتلي اصلاً اانا امفكره ارفظه و اهلي كلهم مترددين و الحين يوم قلت جيه خلاااص انا ما بيه
البنت الحين تزوجت من شخص ثاني .. و من بعد الزواج تغيرت عليه و لا ترد على مكالماتي
في اعتقادكم أنا غلطت لما قلت لها عن الموضوع؟؟؟
و هيه ندمانه على الي تزوجته و تحس اني انا ظيعت عليها الفرصه السابقه؟؟؟
هالاسئله تدور براسي و لا لقيت لها حل
