قصتي وتجربتي مع الرقيا اتمنى تفيدكم

وتعرفون النعمه الي انا عرفتها والخير الي انا فيه من فضل ربي

المهم بكلمكم عن حياتي انا متزوجه من اربع سنوات
بداية زواجي كنت اكره زوجي
بس كنت اقول اكيد لاني مااعرفه ومن هالكلام

مرة الايام وانا على هالحال تمر اوقات اكرهه بدون سبب

ومن غير مايسوي شي واكره اطالع فيه

المهم مرة السنه الاولى وانا ماحملت ورحت للمستشفى
وطلع عندي هرمونات وغيرها بس كان امرها عجيب

يعني ترتفع لآخر درجه وفجأه تنزل للطبيعي
كان منها هرمون يمنع نزول الدور
ه اذا ارتفع انا كانت تنزل عندي الدوره ومنتظمه جدآ

حتى الدكتوره كانت تقول لي المفروض
الدوره ماتنزل وغيرك الي مرتفع عندها
نعطيها حبوب تنزل الدوره

المهم مرة علي سنتين وانا على هالحا
ل بس ماكنت اروح المستشفى الا بالقوه
كنت اكره الروحه والكل كان يحاول معاي انتظم في المراجعات

كنت اراجع لين اوصل للأخير واتركهم عند اهم شي

كانت فيه محاولات من اهلي معاي
اني اروح لشيخ يقرا علي
وكنت ارفض واقولهم انتم ناس موسوسين ومرضى

زوجي كان هو الشخص الوحيد الي يأيدني مااروح لاي مكان
كان يقول تجي من عند ربي احسن

كنت اذا نمت لازم اصحى من كابوس
او احد يصحيني يخوفني من زوجي
اما يقول هذا مو زوجكهذا واحد مننا
او شوفي وجه زوجك كيف صاير
واطالع في وجهه اشوفه غريب
مو وجه انسان شكله مخيف

او احد يصحيني يقول قومي شوفي الي في جنبك
واشوف في جنبي ناس مااعرفهم اشكالهم مقززه

كنت اشوف احلام مفزعه مرة عليه اوقات
كرهت فيها النوم وكرهت البيت كله

كنت اطالع في زوجي وهو نايم وانا حاقده عليه
اتمنى ربي يبعده عني باي طريقه
وفي نفس الوقت كنت احبه مدري كيف تجي مدري

حتى رمضان فكرة فترااااات كثيره اني افطر
وكنت احاول بكل قوتي اني اصومه لين ينتهي الشهر
الي كانوا الناس يفرحون بقدومه وانا احزن
واكرهه ايه اكرهه ولا كنت ادري ليش
والتراويح كنت اتعب وقتها من بعد صلاة المغرب
وانام الا الساعه عشره

والله كنت اتعب اتمنى اكون زي باقي الناس
واصلي التراويح اتمنى افرح باعظم شهر

هنا بعد مراجعاتي في المستشفيات لمدة اربع سنوات
تعرفت على بنات في النت وصرنا نتراسل بالمسن

مع الوقت اتفقنا نمشي على رقي
ا وقرينا برنامج الرقيا للاخت ورده الاشراف
جعلها الله في موازين حسناتها

في ذاك الوقت اخبرني احد المشائخ من تفسير حلم لي اني

مصابه بحسد وقالي انتي معاك جني عاشق

ووالله اني من فتره طويله كنت فجأه اشم في اي مكان من جسمي ريحة عطر غريبه

كنت وانا نايمه اسمع تنفس احد في جنبي وانا في غرفه مافيها الا انا

المهم مشيت مع البنات على البرنامج وكنا نتابع مع بعض
كل يوم ونشوف كيف كل وحده ماشيه

اول مابدأت كان عندي احساس غريب انه موتي قرب
كان عندي خوف من الموت
كأني انسان مهدد بالموت اما بمرض خطيراو اي شي

بدأت وبدأت معاي الضيقه مع اول يوم للرقيا
لكن كانت الاخت ورده كاتبه في برنامجه
ا انك ستصابين بضيقه

قرأت الرقيا وجيت انام ودهنت جسمي بالزيت
وحطيت راسي بنام لكن كان راسي فيه حكه حرمتني النوم

واستمرت الحكه اكثر من اسبوعين
والحمدلله راحت مع الوقت

كنت مع التسبيح والاستغفار
يجيني غثيان شديييييييييد لدرجه ماتحتمل
كنت اذا شفت وحده من البنات متصله اكرهها
وافكر اطلع من المسن بس اضغط على نفسي
واجلس عشان مصلحتي

وقت مااخذتالرقيا تعبت قبل ابدأ
وكنت اصحى على صوت احد يتألم عندي
وانا نايمه ولا كنت فاهمه ايش السبب

اليوم الي قررت فيه ابدأ رقيا سمعت صوت ف نفسي
يقولي حمل بنخليك تحملين بس لاترقين نفسك

قلت من وين جاء هالصوت
لكن عرفت انهم الجان الي مانعين عني الحمل
رديت قلت ارقي نفسي واحمل ان شاء الله
وفعلآ الحمدلله بديت رقيا
وتعبت في البدايه كنت اكره امسك القرآن
الا بالقوه واقرا منه وانا تعبانه
كنت دايم احس ودي ابكي واحب انعزل عن الناس
اكره اجتمع مع الناس بس سمعت انه العزله ماهي حلوه

وصرت احاول اروح للناس واختلط فيه
م واجلس معاهم حتى لو كنت اتعب منهم
في هذي الفتره كنت اسمع تهديد ووعي
د لو ماتوقفين الرقيا ندمرك
واليوم راح نتعبك وبيتعب بطنك
ومن هالكلام بس الحمدلله الي ربط على قلبي وثبتني
استمريت على الرقيا وانا اتابع مع البنات
وبدأ التعب يخف ولله الحمد
هنا عرفت اني بديت اقوىوان ثقتي بالله هي السبب
بعدها بفتره شفت حلم وشفت فيه واحد شكله بشع
ومحروق جزء من جسمه وتقريبآ كان اعرج من الحروق
كان يسرق مني اغراض وانا حريصه عليها
وكنت اطلب من احد يساعدني ارد الي سرقه
وسألت عنه قالي هذا الجان الي معاك انحرق من الرقيا
بعد قلت له اني ارقي نفسي وانه يسرق منك الحمل
الحمل الي كنت اكرهه وكنت اكره اشوف وحده حامل
لاني كنت اقرف من منظرها
ماكنت اجلس في مكان فيه حامل
احس اني امرض من منظرها
في الفتره هذي الحمدلله بدأت حالتي تتحسن
والهرمونات تنتظم وكل شي يتحسن بين فتره والثانيه
والحمدلله حالتي النفسيه صارت احسن
بديت اتغير على زوجي
وخف كرهي له جدآ وصرت افهمه ويفهمني
الان انا ولله الحمد صرت اقوى من اي وقت
انا الان بدأت اؤمن بالعلاج بالقرآن
صرت اراجع في المستشفى بشكل منتظم
الكوابيس تقريبآ انقطعت عني
علاقتي بزوجي بفضل من ربي
صارت زي علاقة اي زوجين
ولله الحمد مابقي عندي موانع للحمل
الا بعض الامور البسيطه زي ماقالت لي الطبيبه
رأيت احلام كثيره وكانت مبشره لي بالحمل
الحمدلله انا الان اعيش في طمئنينه
وراحه نفسيه من فتره ماحسيت فيهامن قبل
واهم شي زادت ثقتي بالله واحسنت الظن به سبحانه
ولاتنسون ان الرقيا مامنها فايده
اذا ماكنت ترقين وانتي واثقه بربك

وبرحمته وعلاقتك بربي قويه ومحافظه على صلاتك

والكلام الي كتبته لكم ماصار بين يوم وليل
ه يعني يبغى لك وقت وصبر

اتمنى منكم الدعاء لي ان الله يثبتني ويرحمني

وادعو للاخت وردة الاشراف
على برنامجها الاكثر من رائع