قصتي من تخرجي من الثانويه الى الـآن ..

طبعا انا من النوعيه اللي ما احب استفيد من شي الا لازم اعلم العالم كلهم بيه

طبعا بعدها بديت ارتب احلامي .. جامعه ادا ما في معليش بس ابغى وظيفه ادا مافي كمان معليش بس ابغى اعرس


و كل الثلاث كأن احد كان حاطط عليهم اكس احمر بالخط العريض ..


طبعا في خلال الـ 7 سنوات كانت حياتي ملل و طفش و كل شي مو حلو كنت دايم طفشانه انام النهار و اصحى الليل .. امي نادرا اساعدها من زود الملل طول النهار و انا نايمه و الليل سهر و على اليوتيوب و الالعاب و و و و النت يلهي الواحد


كنت في ذيك الفتره قيام الليل مستحيل اسيبه اصلي اللي اقدر عليه و ادعي و اسجد و اصيييييح و اطلب اطلب اطلب بشغف بس سبحان الله ما كان يستجاب لدعائي


مع اني فقدة الامل في الشيئين قلت يكفيني الجامعه ..


جاتني الثلاث احلام ورى بعض سبحان الله و ما شاء الله ..

و الحين و لله الحمد انا مملكة لي شهرين دعواتكم الله يتمم لي على خير و يجعله قرة عين لي و يجعلني قرة عين له ..

المهم يا حلوات اانا ما حطيت الموضوع للتسليه بس ببالي اشياء ودي اني افضفضها لكم ..

اول شي انا من عايله محافظة ع الصلاة بس الخطأ اللي كنت ارتكبه هو الذنوب كنت ادعي دايم بس كنت اطبق القميص و اروح اسمع اغاني او اسوي شي يرد لي الدعوه اللي دعيتها قبل شوي .. الله يغفرلي و يسامحني ..

الشي التاني .. كنت لما ادعي من اول دعوه لاخرها و انا اقول عاجلا غير اجل و دا غلط ليش نستعجل مو كل واحد بياخذ رزقه و نصيبه طيب ليش نطلب العجله في الامور يمكن مالنا خير فيها ..
و اللي بعده اني كنت ابدا الدعوه بطلب اللهم اعطني اللهم ارزقني اللهم وفقني .. ما احمد الله و اثني عليه قبل و دي غلطه كبيره لازم نبدأ بالحمد و الثناء على الله ..

و غيره .. كنت لما ادعي اقول دعيت بس ربي ما استجاب .. كانوا يقولولي تفائلي اقول تفائلت و ما جاني شي ما كان عندي ثقه ان ربي بيعطيني .. الحين الحمدلله لما ادعي خلاص كلي ثقه اني دعيت الكريم الرحيم اللي معاي وين ما كنت .. ادعي و انزل كل ما بخاطري و كلي ثقه ان ربي ما حيردني و انه حيعطيني و من لما اقوم من دعائي معد افكر في الهموم اللي دعيت الله فيها خلاص انا فوضت امري لله ليش افكر توكلت عليك يارب و ادري انك ما راح تخيبني .. دعوتك يارب و كلي ثقه انك انت بتكون معاي و بتدلني كدا كنت ادعي ..

..

انا طرحت هالموضوع لان قلت يمكن في بنات غافلات زي ما كنت انا غافله .. حبيت انبه بالاشياء اللي انتبهت لها .. و ان شاء الله اني اكون افتدكم ..

كل بنوته تتمنى تنجح و تكمل دراستها اقولها زيدي ثقتك بالله و اخلصي نيتك في الدعاء و راح تلاقين مبتغاك ..

كل بنوته تأخر عليها قطار الزواج اقولها زيدي ثقتك بالله و ادعي من قلب و حطي ببالك انو ما اتاخر عليك عبث ورى هالتأخير حكمه ربي يعلمها .. وحده اعرفها كبيره يمكن عمرها باخر الثلاثين ما اجاها النصيب و كان يجيها و ترفض سبحان الله باسباب تافهه و لما كبرت معد احد جاها .. و الكل يهرج هذي فيها و هذي و هذي .. و سبحان الله تأخيرها ما كان لشي مرضت اختها اللي اكبر منها و ما تدري عن اولادها شي مين بيهتم فيهم ادا امهم مو بصحتها اكيد خالتهم .. قدر الله و ماتت الام و قبل لا تموت وصت اختها تتزوج زوجها عشان عيالها لا يتشتتون .. طيب لو هي تزوجت قبل وش كان مصير عيال اختها ؟؟..!!

سبحان الله كل شي يتأخر فيه حكمه من ورى التأخير شيلي كلام الناس من راسك خلي ببالك انو في حكمة ربي وحده يعلمها ..


بنات انا اتكلم كأني اكلم كل وحده فيكم لاني مريت بشي ضيق خاطري و يوم صرت افكر صح لقيت انو ما في شي يستاهل نصيبي بيجيني بيجيني سواء رضي العالم كله او رفض ..

اتمنى ان كلامي يكوون خفيف عليكم و يكون وصل لقلب كل مهمومه و كل بنوته و سامحوني لو كنت اخطيت بكلمة او سهيت ..


و هذا رابط المحاضرة تبع الشيخ للي حابه تسمعها .. و اتمنى ان تعم بالنفع ع الجميع ..


http://www.youtube.com/watch?v=LmC6ZWb7qm0


.. لا تنسوني بدعوة في ظهر الغيب ..
دمتم بود ..