قصتي مع ولادتي ببنتي عصفورتي

السلام عليكم ورحمة الله وبركاته

انا الحمدلله ولدت ولي عشر ايام من ولادتي

باقول لكم قصتي

طبعا تعرفون كل صيفية و العزايم تكثر فيها

المهم انا سكنت بيت جديد

فقلت لزوجي لازم نساوي عزيمة نعزم اهله واخوان زوجي جونا من الرياض والشرقية

مع ان زوجي كان رافض الفكرة لاني كنت بالشهر التاسع بس انا قلت لا عاادي الحركة راح تفيدني

سويت عزيمة لاهل زوجي يوم الجمعة و بهذيك الليلة تحركت كثير ,, تعرفون العزايم و الحركة اللي فيها

بعدها يوم السبت جاني الم فظيع بظهري لدرجة طول اليوم كنت عالسرير و خليت الشغالة تساوي الفطور وما تحركت

جاء يوم الاحد خف علي الالم بس مو كثير ,,, و يوم الاثنين الساعة واحدة بالليل نزلت علي مويات
ما كانت كثيرة بس يا دوووب شوي

انا مرة فرحت لان سبحان الله الواحدة بالشهر التاسع خلاص تطفش من كرشتها اللي تشيلها بكل مكان و بنفس الوقت كنت خايفة لاني بكر وما اعرف اش اللي باقي ينتظرني

رحت وكلمت امي واستفسرت منها قالت انتظري لين يجيك طلق لانه نزلت موياات بدون طلق

انتظرت لين تسحرت وما فيه طلق بس الم خفيف بظهري يروح ويرجع ,,, وبعد الفجر خف علي كثيرر فرحت ونمت

يوم جاء المغرب يوم الثلاثاء افطرت واصرت امي وخالتي اروح المستشفى قالوا ترا بعض الحالات ينفتح الرحم بدون طلق

رحت بعد الفطور مستشفى السعودي الالماني بابها و يوم وصلت عندهم عالساعة 8 قلت لهم عن حالتي انه نزلت علي مويات

استقبلتني طبيبة عامة وقالت لازم اكشف عشان اشوف اذا الرحم مفتوح او لا ,,,, بصراحة كان الكشف مؤلم مرة خاصة ان الرحم عندي كان مرفوع

لما كشفت قالت الرحم مفتوح 2 سم و الحوض عندي صغير ,,, خفت مرررة لان معناته راح اساوي عملية

و كشفت علي ممرضة فلبينية وراحت تكلم الدكتورة وفهمت منها ان فيه حاجة عندي ملفوفة عاليسار بس مااادري وش هي اتوقع عنق الرحم كان عاليسار لانها لما كانت تكشف كانت تلف يدها عاليسار

بعدها الساعة 1 جاتني الدكتورة اللي كنت اراجع عندها كشفت علي وقالت الحوض عندي صغير والرحم مفتوح 2 سم ,,, قالت بنجرب معك الطلق الصناعي اذا ما قدرتي راح نساوي عملية

بصرااحة خفت تجرب فيني واتعذب معها ,,, قلت لا اذا شفتي وضعي ما يسمح الا عملية خلاص ساوي عملية ما ابغى اتعب انا والجنين

قالت خلاص طيب ,, راح زوجي ووقع عالعملية و جلست بقسم الولادة لين الساعة 10 ونص يوم الاربعاء
جات الممرضة قالت يلا تجهزي بتدخلين العمليات,,,بعدها بديت اخاف مرة وارسلت على امي وخالتي اني بادخل العمليات

طبعا صيموني من الساعة 3 الفجر وارتحت من القسطرة ,, غيروا ملابسي ودخلوني القسم,,جلس دكتور التخدير يسالني اذا ابغى نصفي او كلي,,,قلت لا كلي

دخلت وحطوا لي الاكسجين فيه البنج,,,جلست ثواني ونمت ,,, صحيت من البنج و فوقي ثلاث ممرضات يصحوني ,,, وجسمي يرجف و فيني مغذية وجلست ربع ساعة بعدين خفت الرجفة من جسمي

وبعدها نزلوني التنويم و زوجي استقبلني بالغرفة وانا فرحانه و عرض لي صور بنتي و انا مرررة فرحاانه و اطالع ببطني الا خلاص طااح ما فيه شيء فااضي هههههههههههههههههه

والحمدلله انا وبنتي ببتنا الحين,,

الدكتورة تركت البلاستر عالخياطة ,, هل الموضوع عادي او لا ؟؟

و متى اربط بطني ,, انا خفت من العملية اني اربط ,,, متى افضل وقت اربط؟؟

و هل اقدر اولد طبيعي المرات الجاية او لا؟؟