عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
كيفكم اخواتي العزيزات انشاء الله تمام راح ادخل بالموضوع على طول انا الله يسلمكم
حبيت احتفل بيوم زواجي (الثاني ) كأي زوجة خاصة ان يوم زواجي الاول كنت نفاس
وماسويت شي قلت هالمره لازم افاجئ زوجي بهدية حلوة ,,, اشتريت الهديه وخبيتها
وكنت متحمسه لليوم اللي اعطيه فيها الهدية طبعا مامداني اسوي الحركات الحلوه اللي
يسونها بعض الفراشات من تزييين الغرفه وعمل شموع والحركات هذي كلها ,,,,
لاني ساكنه مع اهل زوجي والبيت صغير ماراح اخذ راحتي وكمان اهلي كانوا جايين من
السفر فكنت انا وكل خواتي منتظرينهم وقلت لما ارجع راح اعطيه الهدية وطول المدة
اللي كنت فيها عند اهلي ماكلمت زوجي ولا حتى لمحتله ان اليوم راح نكمل السنتين ابغى
اشوف ردة فعله هل هو ناسي ولا متذكر وجت الساعة 12 بالليل وقمت واستعديت
اتزينت واتكشخت واتجهزت ورجعت للبيت قلت يمكن اشوف ورده من هنا ولا هديه من
هناك بس ماشفت ولا شي حتى مالفت نضره ولا حتى انتبه لشكختي
……. دايم يشوفني حلوه………… 😆 😉 خخخخخخخخخخخخخ
وقعدت بالغرفه انتظر افكر وانتظر يقولي كل سنه وانتي طيبه والله هذي الكلمه تكفيني
مابي منه شي بس للاسف اكتشفت انو ابو الشباب في خبر كان ومو مهتم اصلا عشان
كذا ضاق صدري ويوم شفته جاه النوم قلت خليني اعطيه الهديه ويوم عطيته اياه
يحسبه هدية العيد قلت هذي حق عيد زواجنا قال تصدقين نسيت ف الحمد لله عجبته
الهديه بس والله شي يقهر اذا الحين يوم كملنا السنتين وناسي اجل بعدين وش راح
يسوي قلت يمكن راح يطلعني مكان بكره ولا شي بس طلع مع صديقه شفتوا القهر
اللي انا فيه ………………………
على العموم انا حبيت افضفض اشوي واشوف ردودكم الحلوه اللي اتمنى ماتبخلون فيها لاني حرمت احتفل بعيد زواج ثاني مره
ودمتم سالمين
