قصتي .. مع شاب

أخباركم بناات شو عااملين ان شاء الله بخير

حبيت أطرح لكم قصتي هنآ لأن اشوف الحلول عندكم ما شاء الله كثيره وسليمه وحلوه كانو يتكلمون كثير كثير عن الشباب وقصص بنات مع شباب وقصص حب ولي كانت تحب وتكلم وسئلوني اكثر من مره انتي ما عندك خووي 😎

دايماً ردي كان ” لآ طبعاً ” اما اكلم واحد خير ان شاء الله مب صاحيين انتم .. خلصت من ثالث ثانوي ومآ جبت نسبه كويسه نظراً للمواد الي ما قد درستهآآ أدب ونحوو .. الخ فـ جلست سنه بالبيت خلال هالسنه من الملل والطفش قلت أسجل في نادي اصرف لي فـ صار جدولي من النآآدي للبيت من الساعه 3 لين 8 ونص بالليل ولين رجعت البيت جابلت هالاب توب والمنتديات والمسن .

وبعد مرور الأيام تعلقت في منتدى صرت أدخله يومياً لين ما طحت في يد شاب وضفته فالمسن صرنآ نسولف بالساعات ضحك وسواليف ومآ راح أنكر إني تعلقت فيه حسيت انه فاهمني الحمدالله والشكر من نفسي بس وتحولت من سواليف كتابيه لمآيك والله يا بنات إني كنت أشغل المايك وانا ميته خوووف وارتجف وقول من جدي جالسه اكلم واحد بالمايك بس الشيطان قوي وبالذات لين الإنسان يحس بفراغ وملل .. جآ يوم وقال لي ترى معد بدخل المسن لان مره مشغول تبين ذا رقمي وطلع ولا عطاني وقت اسأل وقول ليه .. ترددت اتصل ولا لا فـ شسويت أرست مسج كتبت ” ليه ما راح تدخل المسن ؟! ” إتصل لي بعدهآ مباشرتاً ما رديت اتصل مره مرتين ثلاث أخر شي رديت قلت بشوف لين وين بيوصل ذا وشوي شووي صرنآ نسولف يومياً بالساعات بعدهآ خلال فترة الإتصالات قال لي ترى أنا يا فلانه ( أحبك ) وتعرفون البنت صدقت نفسهآ يوو يحبني من الدلاخه خقيت معه .. بعدهآ بفتره قال لي تصدقين إنتي أرسلتي لي اغاني مره فالمسن مره نآآيس تقدرين تسوين لي سي دي قلت طيب بس كيف بعطيك اياه قال بمر النآدي وباخذه كان على علم ان انا اروح النآدي يومياً وبعد ما سويت السي دي ورحت النادي وصلت وكل شي دق قال ترى انا عند الباب جيبي السي دي قلت له بالله انا بطلع بعطيك إياه قال ايه أجل من ؟! منهآ اشوفك ومنهآ اخذ السي دي ترددت أكيد بس سويتهآ وطلعت وسلمته السي دي مرت الايام وعلى هالحال كل مره اخونا يبغى سي دي ماشاء الله ومره من المرات قال لي ركبي معي السياره وعطيني السي دي هم بعد ترددنآ بس الشيطان حسبي الله ونعم والوكيل هبل فيني خلال تلك الفتره ركبت السياره وانا قريب وببكي حس ان البنت مره خىيفه سوه نفسه ترى انا الكآئن اللطيف لا تخآفين ولا يجي ويقول لي : خل نروح نجيب كوفي ونرجع !! خفت انا بس قلت اووكي مع اني ما كنت مقتنعه بالمره وش جالسه اسوي انا .. المهم صارت السالفه فيهآ مقابلات كثيره لين مآ جآ اخوي مره وقرآ محادثه لي معه فالمسن وسحبو الاب من عندي + الجوال وصارت ساالفه وقلق وبكي وتندمت كثير لأن هلي كانو واثقين فيني حدهم هذا صار خلال الصيف يعني ما كلمته خلال فترة الصيف كلهآ وعلى بداية السنه سجلت في إحدى الجامعات الخآصه الي هنآ بالرياض نظراً لنسبتي وهو سجل فالعسكريه كان قايل لي من قبل ترى انا بسجل في العسكريه يعني مدة 45 يوم من بداية السنه الثانيه ما كنت اعرف عنه شي لين ما دخل المسن مره بعد مرور الـ 45 يوم وكلمني ومتحمس وقال مشتااق لك ومن هالكلام البايخ .. بعدين قال لي ادق عليه .. لان هلي غيرو رقمي طبعاً ترددت بس بالاخر اتصلت ورجعت على علاقه معه وبزياده كان تماديت أكثر في المقابلات .. لدرجه كان يطلب مني إمور إستغفر الله بس لكن كنت أرفض الحمدالله شغلت مخي في هالنقطه يعني .. إستمرينآ سنه ثانيه من غير لا حد يدري ولا شي .. لين ما جآآ الصيف وقابلته وحسيت إن هذه راح تكون أخر مقابله لنآ مدري إحساس كذا من الله ..

بعدهآ سافرت وما كنت أتصل له لان تعرفون المكالمات تكلف كثير ومو نآقصه ابوي يشوف الفاتوره ويهاوشني لووووول خلال سفتري أمي جتني مره وقالت لي ترى في نآس متقدمين لك وهيك جآني شعور غريب فرحت على إنصدمت على إستغربت شعور غريب فـ شسويت اتصلت عليه وقلت له السالفه قال لي : وافقي ما ابغى اعلقك فيني أكثر انا تنرفزت من رده وقلت طيب بوريك انا

مشكلتي تكمن هنا :: انا خلاص إنخطبت 😛 والله يتمم علي بإذن الله وترى باقي أتحسر على ما فات لأن الحل للمل والوحده الي كنت عايشتهآ ما كان بالتعرف على شاب بالعكس كان المفروض التقرب إلى الله أكثر وأكثر والدعآآء بس قدر الله ما شاء فعل .. المشكله انا تركت الشاب بشكل نهائي وقلت له ترى الي بينآ انتهى وشوف طريقك والله يوفقك ولا تجلس تركض وراي لان انا ما ابغى ارجع لك ولا أفكر أرجع لك قال لي إنتي انانيه .. قلت له الي سويته مو لمصلحتي فقط لمصلحتك انت بعد وراح تشوف لأن نظراً للإختلاف الي بينآ هلي من الاساس لو تقدمت لي ما راح يوافقون وغير هذا والأهم إن العلاقه مبنيه على شي حرام وخطأ ما إقتنع لحد اليوم وباقي يتصل لي يزعجني قسم بالله فهمته ان ليش قاط نفسك علي روح اخطب شوف حياااتك .. وهو والله احبك ومستحيل أنسااك .. الخ

وانا ساحبه عليه لان مابي كلمه تزيغ قلبي وتأثر لا سمح الله ومآ ابغى ارجع للخطأ بعد توبه فـ عطوني حلول إيش اسوي ارد عليه اهاوشه كل يوم مثلاً ولا أحقره وطنشه مرده بيطفش والله متوهقه فيه مابي يسبب لي مشاكل بعدين لين تزوجت ان شاء الله ساعدوني ودعووو الله يفكني منه ..