عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الله يشهد علي ماطرأ على بالي اتكلم لأحد او ابين لاهلي همي ومشاكلي اواسرد قصتي اخاف من زوجي تتفاقم مشاكلي معا هاو يوصل لاهله الكلام وتصير فضيحة وتشهير بقصتي بين الناس بس صبري نفذ تعبانة وخانقتني العبرة وصدري نااار وابي استشيركم واكون شاكرة لكم وابغي اسمع توجيهاتكم النيرة
وقبل ماابدأ اقسم بالله العظيم بأن كل حرف كتبته بصدق وبدون تحريف او كذب مني عشان لاتجي أي وحده ترد على موضوعي تقول انا ابالغ او مو معقولة مافي ايجابيات بزوجك ا و او او والله لا يوري أي وحده زوج مثل زوجي
ابدأ قصتي :
مشكلتي مع زوجي تزوجته من 2004 وانجبت منه بنت عمرها 5 سنوات انا موظفه وهو موظف بس راتبي اكثر منه وقدرت الحمدلله اجمع فلوسي بالاضافه الى ان اخذت قرض من البنك وصاروا عندي 26 الف دينار وهو اخذ قرض بس 8 الاف دينار واشتريت ارض صغيرة بمبلغ 34,500الف دينار فاجأني مايبي يكتب الارض باسمي وانا مارضيت سكتت عن الموضوع قام من ورايي يبي يبيعها لان صوب اهلي وأمه هاوشته تبيه يسكن صوبها ( للعلم هو ضعيف الشخصيه وبتاع ماما مثل مايقولون طوول النهار قاعد وياها ويسمع كلامها ولو كان على حساب نجاح علاقتنا الزوجيه) هذا لتوضيح نوعية شخصية زوجي فقط ماابي اطول عليكم
المهم بعد المشاكل والقهرر خفت من الطلاق بعنا الارض وحصلنا فيها 38 الف دينار حطيت فيها انا من فلوسي الفين صاروا 40 الف دينار بالاضافه الى 40 الف دينار من الاسكان اشترينا بالمبلغ بيت قيمته االاجماليه 80 الف دينار سنة 2008م
زوجي ماعجبه البيت لان شغل مقاول قام باعه بسعر 130 الف دينار بس ماكانت موجوده بيوت بهالسعر نشتري مرة ثانية بيت جديد في هالوقت وماسمع نصيحتي ان يخلي الفلوس في البنك الى ان نحصل بيت قام الشاطر قال بيستثمرهم اشترى ارض بأسمه وتناسى او بالاحرى تناذل عباله الفلوس مالته (راس المال معظمه من فلوسي)
واودع مبلغ 10 الاف دينار الى المستثمرين بعدين صارت الازمة الاقتصاديه العالمية وفجأة نزلت اسعار الاراضي ونصحته بسرعه تصرف قبل لا نخسر فلوسنا مااهتم بكلامي وقال مابنخسر شي ولا في أزمة اقتصادية عالمية وبعدها بسبب غباء وتكبر منه خسرنا الفلوس صارت عندنا في جيبنا بس 40 الف دينار من أصل 130 ألف وسكتت مقهووورة وصدري ناااار تشتعل منه وماتكلمت له وحزنت الا يقول لي بس اللي صار صار الحين ولما كلمت أمه اقول لها كل هذا من ولدج ماسمع نصيحتي ولا خلى الفلوس بالبنك الا تقول لي كل هذا من عيون الناس مو منه هو .
سنة 2010م اخذ هو من البنك 5 الاف بالاضافه الى فلوسي جمعنا مبلغ 55 الف واشترى ارض وكتبها بأسمه هو فقط وأنا ماادري ولما نزل قرض البناء من الاسكان واستلمناه بس لازم الارض تتتحول باسمنا اثنيننا عشان يسلموننا قرض البناء فأخذني للمحكمه وماكنت ادري بالسبب تفاجأت هناك كتب القاضي نص الارض هبه لي
( أرضي من فلوسي ياناس تصير هبه لي ؟ )
1- ]
2- شخصيته ضعيفه امام امه ويلبي كل متطلباتها وان كانت على حساب نجاح علاقتنا الزوجيه
3- دايم يسمع لامه كثير وخصوصا تشويشه علي مثال:مرة سمعته تقول له لو الحرمه طلقتها تجي الف بدالها بس انه امك ماتعوض وبعدها مباشرة طردني من البيت وكنت مظلومة ( كله عشان يطلع البطل المغوار جدام أمه) وبعد مارجعت البيت بنفسي عشان ابنتي جاءت امه البيت لي تعترف بذنبهم وانهم ظلموني .. لكن بعد ماذا ؟هنا اود ان اوضح بان علاقتي الان مع أم زوجي جيدة جدا ولا خلاف معها الان وانااتقرب لها بكل الطرق من هدايا وزيارات لها متكررة والسؤال عنها
5- غير مبالي بالمسئوليه وغير مكترث لما يحتاجه البيت من حاجات ضروريه
6- إدارة البيت علي فقط وهو مرتاح وادارة احتياجات ابنته علي الزوجه
7- اناني ويحب يتملك الشي له ومغرور وغبي
8- جلبت مرة خدامة من راتبي قال مايحب الخدم خلاني ارجعها غصب
9- يترك البيت طول النهار وياتي ليلا بدون عشاء لي ولابنته لدرجة انه يقول مرة نسيت ومرة ماعندي فلوس واذا عاند يهدد فيني يقول بخليكم بدون فطورولاغداء ولاعشاء ويسوي فعلاً اللي يقول به
10- مايعطيني مصروف ولايشتري لي ولو حاجة بسيطة وبالرغم من ذلك لم اطلبه يوماً ابدا مهما كان
11- واصرف على نفسي وبيتي منه لدرجة مجبورة اشتري الغذا والعشاء من جيبي او بجوع انه وبنتي وهو ياكل عالجاهز بكل وقاحه وان عطيته يوما مبلغ يشتري حاجه لا ترجع لي ماتبقى من المال وخوفا من المشاكل ابلعها واسكت
12- لم أحس يوماً بانه سند وظهر لي أستند عليه وقت الشدة
13- وعمري ماحسيت معاه بالامان والطمأنينة يسوي ماتقتضي مصلحته هو فقط وان كان على حساب غدره لي .
14- عنيد لدرجة مايتنازل لايام طويلة وعناده بغباء وكل مرة انا من يتنازل واراضيه عشان استر على نفسي وعلى بنتي .
16- ابدا مايعطيني مصروف لابنته او مصاريف مدرستها ودفاترها وملابس العيد والفواتير عندي
17- لايوفر لي ولابنته مأكل ومشرب حتى حليب لابنته يرفض توفيره (اقل شي)
18- اكتشفته يوفر لنفسه الخبز والروتي والحليب والاجبان ويخشهم بسطل العيش ولما اكتشفته صار يخشهم بسيارته ( مريض نفسي مو صاحي والله احس كلام سخيف اللي اكتبه ومستحيه اني اكتبه )
19-اكتشفته موخرا يخون ( شفته بالليل يقلب تلفونه ويطالع صور سالته عن البنت اعترف لي انه ينام معاها
20- كثير من المرات يقفل علي ابواب البيت الايجار القديم واصبر اما الان ومن انتقلنا البيت الجديد ذهبت ملجة بنت خالي ورجعت الساعه 9 مساء وقد اقفل علي ابواب البيت ( بيتي ياناس نصه بأسمي) وقفت خارجا حتى اتصلت بأمه واخبرتها واتصلت به ولم يرد عليها حتى وجدت نافذة غرفة النوم مفتوحه بالصدفة ودخلت وتوعدته بتقديم بلاغ ضده ولم يبالي بي وقال روحي اشتكي ولولا أمه اخبرتني بأنها ستكلمه وتفهمه لانها طبعا خافت على ابنها من المحاكم عندها سكتت ولم اشتكي المحكمة
.
فماذا يحصل لو طلبت الطلاق وكيف بستلم حقي منه ومن البيت ؟؟
ومصروف ابنته ملزوم يدفعهم لي اذا مابيصرف هو عليها
هذي قصتي ومااتمنى احد يلاقي ربع اللي لاقيته مع زوجي المصون
اتمنى ردودكم تكون تطيب خاطري مو تجرحون فيني كفاية اللي فيني
اعرف بتقولون غبيه لا مو غبيه الحمدلله لكني طيبة وعلى نياتي ماتصورت ان زوجي بينكر معروفي هذا ومتى ؟ بعد متملكنا البيت يبي يلعب او يتزوج من وحده غيري
الشكوى لله
