قصتي مع جارتي العزيزه

صباح / مساء الخير للجميع

من غير لف ودوران بحكيلكم قصتي مع جارتي لاني ما اعرف للمقدمات
وحركاته

هذا الله يسلمكم لي جاره زي العسل الحمد لله علاقتي فيها مرررره قويه وانا وهي زي الاخوات

الي لي لها والي لها لي ولا بينا كلفه ولا شي واشاركها افراحها واحزانها وهي مثل واذا حسيت

بضيقه رحت لها اشكي لها واسراري كلها عندها 💡 يعني خوات واكثر بعد

من تعرفت عليها وانا وهي كل يوم مع بعض ولما تجي عندي احس اغلى الناس جاي لي 😛

وكنت اخليها كل يوم هي الي تجي عندي وما اروح لبيتها كثير لاني كنت ارحمها لان ما عندها شغاله

وعيالها لما يجتمعون مع عيالي يقلبون البيت خرابه 😆 🙂

وما احب اتعبها وخليها تسوي القهوه والشاهي وترتيب البيت وتعرفون كيف لما يجيك احد

كنت اخليها تجي ببيتي وتجلس عندي الى ساعات متاخره بالليل والله ما كنت ازعل منها ولا اتضايق

كنت بالعكس افرح انها مبسوطه معاي ومرتاحه

واي مناسبه اسويها لازم هي اول المعزومين واذا كانت عندها عزيمه او مناسبه لازم اساعدها

واقدم لها الي اقدر عليه زي ما قلت اختي واكثر بعد

المهم في يوم من الايام اتصلت عليها وما ردت قلت يمكن مشغوله او شي كالعاده وما حبيت ازعجها

باتصال ثاني اكيد لما تشوف المكالمه بترجع تتصل …..

مر يوم واثنين ما اتصلت رجعت ودقيت عليها مره ثانيه قلت يمكن غلطت بالرقم او شي واتصلت مره

ثانيه ونفس الشي ما ردت انتظرت يومين ولا دقت علي وارجع ادق عليها ولا شفت اجابه استغربت

مره فكرت اني زعلتها بحاجه او شي من غير قصد بس ما اذكر انه سار مني شي يزعل

وسرت كل يوم اتصل عليها تخيلو كل يوم وانا مررره قلقانه عليها انها ما ردت خفت يكون سار فيها شي

لاقد الله مر الاسبوع الاول ومر الاسبوع الثاني وانا كل يوم يمر حالتي النفسيه تسؤ اكثر

ارسل اولادي لبيتها وما فيه احد .. اذكر اخر مره كلمتها قالت لي انها بتروح للرياض .. سار الشيطان يلعب

يلعب بعقلي واقول ممكن سار لهم شي بالطريق كل شي جايز تعوذت من ابليس ورحت

للتليفون دقيت عليها مره ومرتين وثلاث ولا شي يجي منها ومر الاسبوع الثالث وانا اتصالاتي مستمره

ولا حياة لمن تنادي والله مرضت نفسياً لاني ما لقيت منها جواب واكلم وحده من اخواتي

واقولها السالفه قالت لي ما تعرفين اي رقم لخواتها او امها قلت لها لا بس قلت لها اني اعرف رقم زوجها

لانها هي كم مره قالت لي ان رقمها رديف رقم زوجها قالت لي اختي اتصلي على زوجها واسئلي عنها

قلت انت مجنونه كيف اكلم زوجها ما يصلح

قالت عادي تطمنين عليها ممكن يكون سار فيها شي وانت ما تعرفين

دخلت فكرتها راسي وقعدت اقلبها يمين ويسار وفعلا دقيت على زوجها ورد علي ومن الحياء 😳

والرجه الزايده ما عرفت اتكلم المهم عرفت منه انها بخير

وبعد ساعه اتفاجى بجوالي يدق والمتصل هي < جارتي العزيزه >

رديت عليها بكل عصبيه وينك فيه؟ ليه ما تردين علي؟ خوفتيني عليك…..الخ

وهي بكل برود تقول كنت مشغوله ومو فاضيه للجوال

بس الي قهرني مو هذا الي قهرني انها تقول لي وش سار في الدنيا علشان تدقين على زوجي

وش الشي الخطير الي يخليك تدقين عليه وزوجي معصب علي يقول ليه تعطينها رقمي وش هالميانه

الي تخليك تدقين عليه

مرررررررره زعلت منها وزعلت على نفسي

يعني هذا جزاتي يوم اخاف عليك وطول 3 اسابيع وانا قلقانه ولا عرفت النوم واشغلت العالم والناس فيك

حتى زوجي اقوله روح اسئل على زوجها بالدوام

مرررررررررره انصدمت منها ومن ردت فعلها