قصتي مع الصدقه

ماراح تصدقون ياحبيباتي اللي صار لي مع الصدقه : )

فعلا شي عجيب والحمدلله .. كل يوم الصبح اول ما اقعد من النوم اطلع ريال من شنطتي واحطه في صندوق حاطته جنب مخدتي عشان ما اتكاسل ورحت للجمعيه واعطيتها لأول محتاج لقيته لكن والله يابنات من اول ريال حطيته في الصندوق فتحت لي ابواب الرزق والله انه خلال اسبوع او اكثر بشوي اللي صرفته تقريبا 3000 ريال 🙁 😈 اول مره اصرف مثل هالمبلغ لكن الحمدالله ماصرفته في شي غير مفيد اشتريت مصاحف مكتوبه بالخط الكبير لخالاتي عشان يقدرون يقرون واشتريت جهاز تحفيظ قرآن لجدتي عشان تقدر تحفظ لإنها نفسها تحفظ قرآن وطبعا في مناسبه قريبه لنا فاشتريت لي قطعه وفصلت فستان حلو ورخيص والاهم ساتر كل جسمي واشتريت لي عبايه جديده الحمدالله واسعه ومافيها اي شي زي الجلباب لكن انا البس معها خمار يوصل لحد الركبه ..

احنا حاطين جمعيه وخالاتي وبنات عمامي تصدقون طلعت الجمعيه من نصيبي هالشهر 😆 🙄 الحمدالله وامور كثيره لأهلي مشت والحمدالله

وان شاء الله راح استمر عالصدقه : )