عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا فراشه قديمه بالمنتدى….
حبيت اشارككم معاي بقصتي عشان افيدكم نفس ما انا استفدت منكم…
انا عمري 22
و زوجي 23
متزوجه صارلي 3 سنين…
فيني:ارتفاع هرمون حليب + ضعف مبايض
زوجي ما فيه شي…لكن من اسبوعين الدكتور قالنا:فيه التهاب بالحيوانات المنويه…مؤقتا..وعطاه دواء..
المهم…
جربت الكلوميد…ما نفع
جربت التلقيح الصناعي:مره وحده …ما نفع
توني سويت اطفال انابيب:تلقيح مجهري….والله يستر….
والله اني خايفه…
المهم…اقولكم شنو سويت عشان تستفيدون:
بس الاول اشكر اختي….مجنونة قطر…لانها استحملت فضولي 🙂
2/9 أول يوم دوره
من 4/9 الى 11/9 أبر تنشيط لازم بنفس الوقت كل يوم:6 ونص
و بيوم 11/9 أخذت ابرة تنشيط س 6ونص …و الساعه 10 اخذت ابره تفجيريه بنفس اليوم
13/9 الساعه 8 ص موعد عملية سحب البويضات+أخذ عينة من زوجي
16/9 الساعه 8ص موعد عملية الترجيع
و بعد اسبوعين ان شاء الله موعد عمل تحليل للحمل…
الله يرزقني انا وياكم…
بيوم السحب كنت خااااااااايفه حيل….لكن اول ما حطوا لي الاكسجين ما حسيت ياي شي…الحمد لله…
و عطاني 3 علب حبوب…علبه منهم احتياطي….قالي اذا حسيتي بعوار تأخذينها…
والباقي حبه يوميا مع تحاميل للتثبيت ان شاءالله
اما بيوم الترجيع…المفروض ما في بنج…بس انا قلت له ابي بنج…و دفعت فلوس زياده 🙂
المشكله يا بنات مو بيوم السحب او الترجيع…
لا…
المشكله بالاسبوعين اللي وراء عملية الترجيع…
لان الدكتور قالي: ريحي نفسج+لا تشيلين شي ثقيل+نامي على ظهرج باول يوم+لا تروحين عروس وترقصين+تجنبي الحركات المفاجئه
عاد انا ما شاء الله كل حركاتي مفاجئه ههههههههههههههههههه
عاد غير تقلبات النوم 🙂 انا من النوع اللي ما انام الا لما اتقلب على كل الجهات ههههههههه
ودي اغمض عيني وافتحها القى الاسبوعين مروا…
تدرون؟ انا كل يوم اعد الايام اللي باقيه لي 🙂
ابي دعواتكم + نصايحكم 🙂
على فكرة…..ابي اسألكم…
لازم طول الاسبوعين انام على ظهري؟
انا بس اول يوم او يومين….و بعدين عادي…
يعني امشي بالبيت واشيل عيال بنت خالتي الصغار 🙂 بس وزنهم مو ثقيل هههههههه
و متى اقدر اسوي تحليل الدم او البول؟عادي بالعاشر؟
الله يستر 🙂
ملاحظه/
المستشفى اللي سويت فيها اطفال الانابيب هي مستشفى خاصه
اسمها: مستشفى الدكتور منصور العرف
و هو نفسه د/منصور اللي يعالجني وسواها لي…
و ترى انا رحت له بعد ما سمعت نجاح كثير من العمليات والحمل عنده يعني شاااااااااااطر…
عن youssef 29
شاهد أيضاً
اقوى علاج للعقم
بسم الله الرحمن الرحيم السلام عليكم ورحمة الله وبركاته إلى كل من شهد الليل دموعها …