عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اذيكم يافراشات عاملين ايه يارب تكونوا كلكم بخير انا جديدة بس متابعة من فترة ,انا متجوزةليا سنةو5شهور وعندي 25سنة وعندي بنت عمرها 8شهور ونص حكايتي بدات من سنتين تقريبا لما بدات اتقرب من ربنا وداومت علي صلاة قيام الليل وكنت بقرأ سورة البقرة مرة في الاسبوع وداومت علي التسبيح يوميا وخاصة صلاة الفجر اللي كلنا عارفين هي قد ايه ليها اثر عجيب وبتسبب راحة للانسان (سبحان الله) 💡 وقبل مااكمل شهر اتقدمولي اتنين وبعد الاستخارة وافقت علي التاني
(جوزي حاليا) وبدات ابعد من ربنا ورجعت اسمع الاغاني وهو كان بيبعتلي اغاني علي الموبايل وبعد جوازنا بكام يوم اكتشفت انه واحد تاني غير اللي عرفته في فترة الخطوبة وعرفت انه عصبي جدا ومش حنين وضعيف الشخصية قدام اخواته الكبار ووالدته وان اهم شئ رضاهم حتي لو كان علي حسابي انا وبنتي وقبل مااكمل شهر اهلي خدوني وقرروا اني اتطلق بس للاسف اكتشفت اني حامل وعرفت ان دة عقاب ربنا ليا بسبب بعدي عنه ورجعت وحصلت مشاكل كتييييييييييييييييييرة 😥 وسيبت البيت خمس مرات ودي المرة السادسة بس انا مش ناوية ارجع لاني استحملت كتير عشان بنتي بس اللي مقدرش استحمله الاهانة والضرب لانه ضربني المرة دى ودة اتسببلي في كدمات في ايدي ورحت عملت اشاعة وعملنا بلاغ ضده بس لسة البلاغ موصلوش وقولنالهم يكتبوا عدم تعرض ليا ولاهلي لانه دايما بيحاول يتعرضلي في الشارع لما بكون عندهم اصله غيور جدا وبيتجنن لما بيلاقيني بخرج مع ان كل خروجاتي مع والدتي ياريت تستفيدوا من قصتي وخصوصا اللي عايزين يتجوزوا ياريت لما ربنا يكرمكم ان شاءالله ماتنسهوش وتفضلوا قريبين منه دايما .
اسفة للاطالة وياريت تشاركوني بأرائكم
