عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة:
اخواتي المطلقات اسمعوا قصتي يمكن تهون بلوتكم بعد ماتعرفون قصتي000
انا تاخرت بالزواج يعني كملت 29سنه ومحد دق بابنا فقررت الجأ لوسيط لعل
الله يرزقني بالزوج والاستقرار وبعد فترة تقدملي شخص عن طريق الوسيط
وكان ملتزم وعنده زوجتين بالرغم من صغر سنه وافقت عليه وقلت نصيبي
ولازم ارضى فيه لانه اول شخص يخطو خطوه رسميه ويتقدم لخطبتي بعد
الخطبه ارسلي رقمه عن طريق الوسيط وقال لازم نتعرف على بعض ونتفاهم على امور الزواج
كلمني وقالي انا شخص فاقد للسعادة مع زوجاتي وطلب مني اساعده بأجر الشقه اللي راح نسكن فيها نظرا لضعف احواله الماديه ووافقت
طبعا <<<قمة السذاجه المهم بعد زواجنا اكتشفت بخله وسؤ تصرفاته وصبرت عليه
وانا كنت اجلس بالشقه اخر الاسبوع فقط واجلس عند اهلي بالاسبوع والاسبوعين
بسبب ظروف وظيفتي بديت اكتشف اشياء غريبه تصير في شقتي كل ماأجي
وقبلها كنت اسمع من الناس ان زوجي يجي بغيابي ومعه حرمه ويطلعون لشقتي وانا عند اهلي
بالبدايه ماصدقت بس كانت فيه اشياء غريبه تصير يعني مره جيت ولقيت دولابي متغير ترتيب اغراضي وملابسي
بس كذبت نفسي وقلت يمكن انا حايسته ونسيته ومره فقدت علبة بودرة
للجسم كنت اخليه دايما على التسريحه واختفت بعدها اختفت اشياء خاصه
كنت مخليه مسك الطهاره الخاص فيني برف الحمام الله يكرمكم وبعد ماجيت
لشقتي لقيته مختفي ومره لقيت كريم واقي من الشمس على تسريحة غرفتي
والكريم مو حقي سئلته عنه قالي يمكن انا جايبه هنا بالغلط وبعدها اختفى
وفقدت اشياء كثيره من مطبخي ولما شفت الوضع كذا اتصلت على صديقتي
هي بنفس المدينه اللي فيها طليقي وكان بيتها قريب من شقتي وطلبت منها
تخلي زوجها يغير قفل الشقه وتحتفظ بالمفاتيح(للمعلوميه زوجها كان صاحب الشقه اللي كنا مستأجرينها)
ولما اكتشف موضوع القفل انجن واتصل على وهو زعلان وطلب مني المفاتيح
ورفضت بعدها باسبوعين اتصل على وصار بينا جدال ورمى على يمين الطلاق
وانا كنت حامل بالشهر الثالث بعدها رحت اخذت المفاتيح ودخلت شقتي عشان اخذ كل اغراضي
تدرون شلقيت بشقتي؟؟؟؟؟؟؟
وعلى غرفة نومي؟؟؟؟؟؟؟
لقيت قميص نوم نسائي حسبي الله ونعم الوكيل اخذت اغراضي وطلعت وبعد
ماولدت سمعت كلام على لسان زوجته الثانيه تقول للحريم مستحيل يرجعها
اصلا زواجه منها كان مجرد رغبه بأستغلال راتبها تقول كنا نبي نحسن وضعنا المادي
على حسابها ونعتتني بالعجوز وقالت انها كانت تروح معه لشقتي وانا عند اهلي
ويجلسون فيها وينبسطون يعني كانت شقه مفروشه بالنسبه لهم يغيرون
جو فيها
حسبي الله عليهم ونعم الوكيل احس الدنيا ضايقه فيني والحين معي ولد وكل شوي
ناطلنا يبي يشوفه وحتى مصروف زي الناس مايرسل الا بالقطاره وزوجته كل
شوي تقول للحريم انها تطلب منه يصوره حتى تشوفه لانه بالنهايه ولدهم
وانا مجرد حاضنه له لحد مايكبر وياخذونه
ادعولي ياأخواتي ترى احس نفسي راح اموت من القهر وربي اللي صارلي ماصار لاحد
حسبي الله ونعم الوكيل0
