قصتي انا وحواجبي مع الاستغفار

((معليش ياحلوات تحملو اخطائي الاملائيه وكمان اسلوبي لاني بالعربي مااعرف اكتب قصص اسلوبي ركيك بس اعذروني حاولت انسق النص واعيشكم معناتي وان شاءالله ان قصتي تكون واضحه وتفهمونها— اعرف اسلوبي يدوخ 😳 بس الله يعينكم– ))

بدخل بالموضوع على طول

حبيت افتح قلبي واقولكم سالفتي الي صارت من سنتين تقريبا

انا قبل كنت احف حواجبي بالموس والملقط يعني انمصهم لانها كثيرررره وسوداا وشعرتها قاسيه بالعربي غليظظظظه 😛
جربت اشقرها برضوا شكلها مقرف واصفر وطاير المهم رجعت اشيلهم

مع اني عارفه انها حرام وداخله في حكم اللعن وطرد من الرحمه بس كنت ادور الزين

ومومتخيله شكلي بالحواجب ابدا

(معليش بنات تحملوني مااعرف اكتب مواضيع ❗ )

المهم يابنات كنت دايم افكر اتركها لوجه الله

او اشقرها واتحمل شكلها لكن ماقدرت ارادتي ضعيفه

كل مره اعزم اتركها وماادري بنفسي الاانا عند المرايه انتفهم شعره ورا شعره

دائما على هالحال

المهم في يوم من الايام سمعت من وحده من الاخوات وماادري هالشي صحيح او لا

المهم الاخت تقول ان النامصه مايرفع لها ولايقبل منها اي عمل

من صلاة وصيام ودعاء واي عباده لانها ملعونه ومطروده من رحمة الله

هنا انا انهبلت 😆 idea: ((قررت اني اترك حواجبي او اترك الصلاة ))

وقلت يارب رحمتك ارحمني واهديني وجلست ادعي ربي يحسن حواجبي لان ودي اتركها

لكنها شينها ومن هالكلام بيني وبين نفسي

بس ماقدرت وكل ماجت مناسبه ضعفت ورحت ونظفت حواجبي ورتبتها لان اغلب البنات الي راح اشوفهم مرتبين حواجبهم وبعضهم مسوين فيها موديل وحركات وبصراحه كان صعب علي اخليها

بس كان قلبي يعورني واتذكر اني مالي اي حسنات ولااجر ولاشي وانهبل 😐

واسئل نفسي بكل وقت لو مت هالحظه وش موقفي مع الله

لو توفيت وش حالي وانا بالقبر من غير رحمت ربي

لو جتني سكته لو انصدمت لو طاحت فيني الطياره وانا شايله حواجبي علشان اصير حلوه ونعومه

واعجب الناس وش ينفعوني حواجبي والناس

😥 واتخيل شكلي بالقبر والعالم تدعي لي بالرحمه وانا مطروده منها

المهم يابنات والله وسوست 😆 🙂 من كثر ما اكلم نفسي اتركها او بعدين اخليها لين اكبر واعجز

بس ماقدرت اترك هالشعيرات لانها تضايقني ثقيله و اشوف شكلها مقزز وقبيح كانها دبابيس وماقدرت اتحمل شكلها

كيف عاد الناس يتحملون شكلها

وزوجي كيف بيطالع فيني اذا تركتها اكيد بينهبل

لانه من تزوجني ماشافها دايم منمصه ومرتبه عند احسن مشغل

المهم يابنات انواع الصراعات كانت بداخلي ودي اخليها لوجه الله

ومااقدر لانها شينه وكل الي يعرفوني بينهبلون

جلست على هالحال ست شهور تقريبا وانا اخليها كم يوم تطلع وبس انعزم ويصير عندي مناسبه ارجع اشيلها تعبت نفسيا

المهم وقتهاا قررت استغفر بنية اني اترك حواجبي لوجه الله

ودايم استغفر ربي وكل ماشيل شعره استغفر ربي وادعي انه يهديني

واخذت على هالحال اسبوعين او اكثر

وهالفتره صرت كل مااشيل شعره من حواجبي احس بالم

غير اول و احس بعض الشعر قوي يعني اسحبها ماتطلع الا بصعووووبه واذا طلعت طلع شوي دم

وكم مره صارلي هالشي لين خلاص قررت اني اتركها وهالمره الحمدلله تركتهاااااااااا

وانا مقتنعه (مع ان المجتمع الي انا فيه مايساعد كلهم نامصين الله يهديهم )

والحمدلله كان قراري بلارجعه تركتها

وحاولت هالفتره اجلس بالبيت ولااروح عزايم

وصرت اشقرها بصراحه بالبدايه مومتقبله شكلي بس مع الوقت الحمدلله

ودورت على اشياء وحلول علشان اخفي الشعر الاشقر

ويصير شكله مو باين ويثبت الشعر الي واقف والحمدلله لقيت حل

ولي سنتين مرتاحه نفسيا وانام مرتاحه 😥

صحيح التشقير متعبني يطلع من ثالث يوم 😥 بس الله يعين اشقر اذا فيه مناسبه او كل اسبوعين – ثلاثه

وبالنهايه اتمنى ان الله يرحمنا ويغفر لنا ويتوب علينا اجمعين ويهدي بنات وشباب المسلمين

وهذا الحديث دايم اسمعه باغلب المجالس وكنت انهبل ويعورني قلبي 😛 الله يهدينا ويرحمنا

الحديث:\

قوله صلى الله عليه وسلم : ( لعن الله الواشمات والمستوشمات والنامصات والمتنمصات والمتفلجات للحسن المتغيرات خلق الله).