قصتـي .. من خطبـتي .. إلي زواجــي .. إلي …. !؟

جا ذاك اليوم اللي اهوا بعد الحفله بيومين جت مرت عمي وعماتي مسرين علينا
نزلت لهم لابسه بنطلون جينز وبدي ومسويه شعري ومتمكيجه يعمي وضعي عادي
وجايبين حلو مال الحفله تقول هذي لرمش مخصوص ابيها تذوقه .. وخذيت منه عشانها
وقلت لها حلو يهبل ..
وقاعدين يسولفون عن الحلفه والمعازيم وانا حسيت وجودي غلط والا بالاصح عيب 😆
رحت صعدت غرفتي

>> بنات بقولكم شغله .. مرت عمي وعماني كانوا قاطعين عنا سنوات نسلم عليهم بالاعايد بس
..
بس يوم انهم صار عندهم موضوع خطبه قبلها بكم شهر صاروا يعدلون العلاقات .. صحيح مانشوف منهم شر .. بس كذا قاطعين .. وقبل بينهم وبين امي زعل تعرفون سوالف الحموات وحريم الحموان .. <<
==== حبيت ابين لكم هالشغله ====

المهم رحت لغرفتي وسويت نفسي نايمه وغطيت راسي بالفراش لان ادري في احد بيصعد لي
وفعلا طق الباب وانفتح والا عمتي تناديني رمش ؟ رمش ؟ مارديت وسكرت ونزلت ..

وفعلاا نمت وانا افكر 💡

وعدت الايام وصار شهر 4
وشهر 5
وشهر 6
بدون شي يذكر .. غير اهتمامي بجسسمي وشكلي ..
وبنص شهر 6 اتصلت مرت عمي وقالت لامي
ترا باكر ان شاءالله بنجيب مهر رمش 😀
جتني امي وقالت لي رمش ترا باجر المهر بيجيبونه .. سكت ..

كنت بذيك الفتره لاهيه بدراستي ورفيقاتي .. بس اللي كنت احسه اني بنت حالي حال البنات ملكه
يعني لاتكلموا اكون نفسهم >> تفكير غبي 😆 hy:
وكنت مضيعه وقتي بعد بالنت والمنتديات .. سجلت بمنتديات نسائيه استفيد منهم ومن خبراتهم ..
وسجلت بمنتديات مختلطه .. عشان اضحك واستانس .. وما افكر باللي انا فيه ..

وذاك اليوم حسيت ان الاكسجين خلص عندي مدري شسوي من الهم والضيقه .. ماكنت احب اقول لاحد كلش لا من اهلي ولا من رفيقاتي .. حتى بعدين قالولي يوه يارمش كل ذا بقلبك وكنتي ساكته شلون كتمتي وماقلتي !!
المهم
تضايقت ورحت نزلت موضوع بمنتدى نسائي وماقصروا البنات ردوا علي ان اللي فيك شي طبيعي وكل بنت متملكه وقرب عرسها يصير فيهم نفسك … بس الغريب واني توني انتبه لهالشغله لما راجعت لموضوعي .. ان شفت رد وااااااحد كان مختلف عن الباقي .. وهو من عضوه اسمها ( ام فلان ) وهي نفس ام فلان زوجي .. نفس اسمه .. قالت لي بردها .. يمكن ضيقتك خيره صلي استخاره مره ثانيه
واذا حسيتي بنفس الشي يمكن انها خيره من ربك انك تتركينه 💡 << ماعرف هالعضوه ابد بس اقولكم شوفوا الصدف

بس اه ويني عن رايها ؟! ليتني خليت ردهم واخذت بردها بس .. قدر الله وما شاء فعل ..

وبديت اجهز

صرت اقول لامي يلا بجهز يلا بروح السوق << كنت مستعجله ابي اجهز نفس رفيقاتي ابي احس اني عروس وان عندي شي جديد بحياتي .. وانا اصلا غرامي السوق
وامي كل يوم تقول خليها باكر
وانا كنت اعصب وانقهر واسكت
والا اذا رحنا السوق توديني محل والا محلين وتقول خلاص اليوم كافي كذا ..
اقولها ممداني كانت تصارخ علي بالسياره تقول انا ما اعرف اشتت عمري لكذا شغله
كل يوم نخلص شي ونمر كم محل .. كان الوضع بالسياره متوتر .. والنفسيه صفررررررر
يعني مو وجه وحده عروس رايحه تجهز 🙁

وكل يوم ع هالحال .. امي تتوتر اعصابها لاطلعنا السوق << هي ماتحبه .. وفوقها مدري شفيها
لاطلعنا تقلب علي .. تفكر بالف شغله وشغله .. وكل ماشافت شي تقول اي اي اي حلو اخذيه يلا خل نخلص ➡
يعني كنت احس امي بالها مشغول مو فاضيه للتجهيز 🙁

&&&&&&&&&&&&&&

بقطع لكم شووووووووط كبيرررررررررررر ( عشان البنات مايعاتبوني اكثر ) ( مع اني داشه اعبر مو داشه اسلي احد )
المهم

صرت اجهز وكل يوم او يومين بسوق صلنا لشهر 8 وانا مهري خلص تخيلوووا
وطلعنا يمكن العصر

ودشيت لقيت خالتي بالبيت امي داقه عليها عشان بيجون الضيوف بيباركون ويجيبون الهدايا
ورحت نمت وقعدت بالليل

لقيت خالاتي 2 وبنت خالتي (كبري)== وعرسها بعدي باسبوعين==

وقعدت اسولف معاهم
وسألت امي : يمه طلعت بدلتك ( مفصلتها بسعر غالي غالي ) قالت اي بس ماطلعت حلوه علي

انا حسيت اني اختنقت .. كنت ادور اي سبب عشان ابكي .. وقعدت ابكي قدامهم ..
قالت لي امي : رمش مسويه احتياط والله عادي انا اي شي البسه
صعدت غرفتي ابكي وابكي وابكي لين انبط راسي ودشت خالتي علي تكلمني وتهديني
تقولي مو مهم امك الاهم انت فكري بنفسك وبس .. ماتدري ان نفسي مااتت من ملكت

وطلعت وخلتني وقعدت ابكي لين نمت

&&&&&&&&&&

قبل يوم العرس

قعدت العصر غسلت ولبست والا خالاتي جاين عشان يروح مع امي يودون تجهيزي ..
رحت غرفت اختي وغطيت وجهي بفراشي ( لان سريري مودينه غرفت اختي عشان ارتب تجهيزي امس ) وقعدت ابكي وابكي وابكي احس روحي بتطلع
باكر عرسي وخالاتي وامي قاعدين يسون اغراضي بيودونها شعووووور خايس
شعور يألم .. طلع وغلست والا خالتي بوجهي .. تقولي كل ذا عشان العرس بكره
يلا بلا دلع ياعروس
ضحكت لها ورحنا لغرفتي نسوي اغراضي
وانا كل شوي اتذكر شي ناقصني .. واحس اتوتر اكثر وانا ارتب اغراضي داخل الجنطه
اتصلت بخالتي اكبر مني بشوي قلت لها تعالي جيبي لي اغراض ناقصتني . وجت وجابت لي ..
صففت ملابس حطيت قمصاني وبدلاتي داخل كياس الملابس
وملابس الداخليه بصناديق
المهم سويت شغلي بشكل حلو ومرتب وراقي .. وسكروت جناطي ونزلوا وانا اشوف جناطي ينزلونها
احس بيصييييييييييح بوقفهم هاتوها مابيه خلاص ..
بس ماينفع بهالوقت

راحوا وبقيت انا وبنت خالتي نسولف ونضحك عن او وليله اقولها ماراح يجيني ويحلم قالت ليش
قلت علي الدوره انصدمت
وقعدت اضحك
كان لي رابع يوم
يعني كانت علي نفسيه فوق الضيقه .. الله لايوريكم ..

ردوا خالاتي وامي
مبهوووووووورين
يقولون تبارك الله شقتك خياااااااااااااال رهييييييييييييييبه .. عمتك ذوووق .. وانا كنت عارفه ان الكل بيتكلم عن شقتي لان اعرف عممتي وذوقها ..
وامي عادي احسها مو مستانسه .. وعادي عندها الشقه ماهمها ..

قعدنا نسولف قالت لي امي جبت دراعتك من المشغل البسيها بشوفها عليك
قلت لها مالي خلق يمه . وعصبت علي وقعدت تصارخ .. علي .. وعصبت ورحت صعدت واسمعها تقول يعني لاخر لحظه تخربينها ها .. واكمل لغرفتي وانا مخنووووووووووووووووووووووووووووووووووووووووقه
جتني خالتي قالت عشاني البسيها لاتضايقين امك .. قلت مابي البيسها خلووووني شفيكم علي اقولكم مااااااااااااااااااابي ..
وطلعت وخلتني
ورحت ادز لوحده من صديقاتي مو حيل معاها قلت لها انا متضايقه == مادري شمعنى هالبنت == خليت رفيقتي القريبه ودزيت لذي .. وكلمتني بالمسجات ونمت هذا ع الساعه 11 بالليل ..

وقمت من باكر يوم العرس الساعه 11 الظهر يمكن او 12 ..

بنات ورا الفطور اكمل لكم ..
لان يوم العرس يوم طوووووووويل فيه تفاااااااصيل كثيره ومواقف اكثر ,.. ماينفع اكتب مع الاحداث اللي قبلها ..
اتمنى تعذروني لاني هاليوم ابي اكتبه بكل لحظاته الحزينه ..

&&&&&&

يوم العرس
قمت الساعه 11 تقريبا .. قعدتني امي تقولي يلا قومي بتمرك خالتك توديك الصالون انا بروح اجيب اطقم خواتك من المحل ماطلعتها ..
قلت لها ان شاءالله < كان قلبي معورني ع امي شلون عصبت عليها امس واهي اليوم تصحيني من النوم .. أنبني ضميري عليها 🙁
قمت غسلت ودخلت غرفتي والا خالتي وراي سلمت عليها وقعدت انا وياها نفطر . اقولها اكلي انتي انا مو مشتهيه النعمه
تقولي ما الومك ياقليبي بس عشان ماتدوخين .. والله يابنات اكل النعمه واحسه بيطلع واحس بلوعه .. ماكثرت كم لقمه ..
ورحت ازهب جنطتي مالت الصالون .. وقبل لا انام كنت مزهبه ثوبي الابيض ومعطرته ومبخرته .. وقبل لا اطلع قلت لاختي
اذا بتجوني الصالون جيبو معاكم ثوبي .. تو الناس عليه اخذه الحين ..
وطلعت مع خالتي ..
== نسيت اقولكم شغله .. انا ضعيفه ومن ملكت واحاول اسمن عشان اغير من شكلي .. بس النفسيه ماتسمح .. بس زدت يمكن 3 كيلو .. وقبل العرس باسبوع
صارت فيني حراره .. ونزلت هالكيلوات اللي زدتهم < احباط )
المهم
طول الطريق انا ساكته وصلنا الصالون .. كان الساعه يمكن 12 الظهر ..
كنت متفقه بالحجز اني الساعه 4 اكون خالصه وقالت اوكي .. بس اللي صار عكس هالشي تماماااااااااااااا ..
كانت قبلي عروس .. وع وش انتهاء مكياجها .. وجا دوري ع طول ما انتظرت ابد ..
بدت تحط لوجهي كريم .. اقولها ترا انا ماحب كريم واجد .. احبه ناعم وطبيعي .. قالت ماتخافي الكريم حلو وبعدين انتي عروس لازم نزيد لك شوي
عشان مايبهت ولا يروح لان وراك مشوار .. قالت شوفي نفس العروس اللي قبل طبيعي بعد الميك اب . ققلت يلا اوكي ..
وبدت تحطي .. وتلفوني يدق ويدق وانا ما ارد ==> كانت رفيقتي اللي قلت لكم عنها .. ماكنت ابي اكلمها ولا ابي اشوفها .. ماكان لي خلق شي ..
خالتي تقولي شنو هذا رفيقتك فاضيه تدق عليك هالدق كله .. سكت
كان يوم دوامات .. والظاهر انها مادوامت ..
وشوي جت بنت خالتي ( اللي عرسها بعدي باسبوعين )وراحت خالتي لانها تعبانه وحامل . وجت بدالها خالتي الثاني .. كنت طالعه للرسبشن
وخالتي واقفه تسألها .. لو سمحتي ممكن تنادين لي رمش .. وانا واقفه جنبها . اقولها خاله .؟ تطالعني وتلف عني > ماعرفتني من كريم 🙁
قالت انا رمششششششش
قالت يؤؤ ماعرفتك شنو هذا كريمك قوي . قلت انا اقول كذا بس هم يقولون عادي بيصير بعد الميك اب ..
المهم ماطول عليكم
رحت كليت لي صمون وعصير من الكافتريا ..
ورحت احط المكياج
..كنت موريه اللي تحط لي صوره ابي نفسها .. كانت ناعمه .. ولما جيتها قلت لها انا وريتك قبل الصوره تذكريها .. قالت اي اي عرفتك ..
وبدت تحط لي .. وهي تحط لي جت رفيقتي ( صدمه ) لاني ماكنت ابيها تجيني .. وسلمت علي .. والبنت وضعها مو طبيعي ( بعدين اقولكم قصتي معاها )
المهم البنت كانت حزينه مو فرحانه لي بس تحاول تونسني ..
خلصت مكياجي طالعت نفسي .. بغيييييييييييت اصيييييييييييييييييييييييييييييح لااااااااااااااااااااااااا مو كذا وش ذا ..
كانت الواني رمادي بفضي هادي بأسود بس.. الاوان هاديه وذربه بس مسويته لي عاااااادي جدا ومو حلوه ع عيني .. لان عيني كبيره وواسعه وصايره
عيوني موحلوه ..
المهم سكت وانا كأني ابلع موس بحلقي قمت ورحت ع الكرسي الثاني عشان تحط لي الروج وتضبط الباقي .. والا ع دخلت امي
والعرس اللي بعدي قعدت بكرسي المكياج
قالت امي شنو هذا > عصبت .. قالت هذا مكياج عروس .. قالت بنتك تبي ناعم .. قالت اوكي بس مو كذا عاد . لو سمحتي ردي ضبطي لها ..
وقومت العروس اللي بعدي وهي توها راسمه الرسمه الاولى ماكملت .. وبددت تضبط علي وكل مالها وهي تخربط وانا اقول لها لا مو كذا كذا .. صارلي قاعده سااااااااااااااعه ونص تضبط لي
اهل العروس اللي بعدي عصبوا ( ماينلامون بس شوفو شسووا ) قامت تصارخ ع اللي تحط لي .. قومتو عروسونا وسكتنا والحين ساعه ونص عليها
ليه ع راسها ريشه ؟ هي دافعه مثل مادفعنا شمعنى احنا بنص ساعه تخلصونا واهي بساعتين .. واللي تحط لي توترت ولا عرفت شتسوي ..
بنات تخيلوا معاي نفسيتي والحين مكياجي مو ضابط وصراخ فوقي .. هذا غير المصوره يارمش تأخرنا بناخذ لك لقطات قبل التسريحه والحين الساعه 6 ونص
والعروس اللي بعدي صارت تبكي عشان تأخرت .. والصالون كله تجمع عندنا ( آه ياقلبي كان وضع مآساوي )
وقالت اختها لاتبكين عشان ناس حقيره ( قويه ) كان تلف علينا وتقول تراها يتميه وانتوا بكيتوها الله لايوفقك الله لايوفقك ..
انا =====> بسسسسسسسسسسسسسس بنفججججججججر كااااااااااااااافي اللي فيني والحين تقول كذا حرام عليك ..
وامي واهل العروس يتهاوشون وامي حاقرتها وواقفه عندي مع رفيقتي وبنت خالتي .. قامت تسب امي ,. كان ارفع ظهري من الكرسي برد عليها احس بفرغ اللي فيني
خلاص قالت لها سكري حلقك ولا كلمه وماخلوني اكمل بنت خالتي ورفيقتي قالو رمش هدي ويضحكون .. احقريها انتي عروس واي ع راسك ريشه ويضحكون وقامو ينكتون
وقعدت اضحك من قلب .. غيروا مزاجي بلحظه
المهم ضبط لي شوي وقالت روحي حطي الحمره وسوي التضبيطات وبس اخلص العروس ارد لك ..
ورحت حطيت الحمرا وضبطتني ورحت مع المصوره اصور كم لقطه قبل التسريحه ..
كان ماااااااالي نفس للتصوير بعد اللي صار .. دموعي بعيني حاولو فيني اضحك ابتسم ماااااكو .. بنت خالتي تضحكني فديتها واضحك عليها .. ورفيقتي بس تطالعني وساكته
قلت حق المصوره لحظه شوي .. ماعرف اصور وفلانه موجوده ! انصدمت البنت .. قالت المصوره .. لو سمحتي يافلانه اطلعي كافي خليها تصور براحتها ..
طلعت البنت وهي بنص ابتسامه من ورا قلبها .. بنت خالتي تقولي يارمش فشششششله البنت جايه عشانك .. قلت لها شوفيها شلون تطالعني حزنانه علي بروحي اللي فيني كافيني ..!
وطول الوقت البنت قاعده بالانتظار برا ..
المهم سويت تسريحتي .. وطلعت رحت ادور خواتي وحده خلصت وشكلها اوكي .. والثانيه لااااااااااا اكس .. رحت اترجا اللي حطت لها قلت لها : الله يخليك كافي
مكياجي مو عاجبني تكفين ضبطي لها عيديه .. كسرت خاطرها قالت ولا يهمك بعيده عشانك .. هدي انتي ..
وراحت ضبطت لها .. ورحت اصور صارت الساعه 8 ونص وابوي يتصل يلا تاخرتوا .. والمصوره تزن فوق راسي
انا ماصورتك بثوبك والحين بس نروح ماراح نلحق يعني البومك فاضي .. أوووووووووووووووووف ضغط من كل صوووووووووب
ماتهنيت بلحظه حلوه
ترد اختي ع ابوي تقوله يلا بس 5 دقايق وهو يصارخ عليها تاخرنا ورانا طريق .. ومتى ومتى ؟ واسمعها تقول ان شاءالله ..
وصورت وقلت للمصوره بس خلاص كافي ..
وطلعت ولقيت ابوي ينطرني مع اخواني برا .. نزلني .. وركبت السياره قلت لابوي يبا .: ابي فلانه ( بنت خالتي ) نادها .. نادها ابوي وقالت تعالي اركبي معانا
رمش تبيك وركبت .. تذكرت رفيقتي قلت يبا < ياهالحنه : فلانه داخل نادها حرام بروحها .. قعد يناديها من برا ماترد .. خذيت تلفونه واتصلت عليها
قالت لا اخوي جايني بالطريق لاتحاتين .. ورحنا ..
وصلنا البيت وكان عندنا معازيم ( فبيتنا مسوين حفله عاديه للي مايبي يحضر العرس ) وقبل لا ادش صالتنا قلت لخواتي عقدي مالبسته قالت عادي دشي ..
ودشيت وصاروا يلولشون بدون دخله وزفه (قلت لكم مافيه احد غريب غير خالاتي ورفيقات امي ) وقعدت وجابت لي امي الطقم ولبستني الناس عبالهم حركه هههه
مايدرون نسيته ما اخذته معاي الصالون ..
المهم
ع الساعه 10 طلعت من بيتنا وخالاتي وبعض الموجودين طلعو معاي عشان الزفه وعشان نروح للصاله ..
ركتبت السياره مع اخوي وخالتي وامي ..
===> كان شعووري .. ان مافيني احساس .. عااااااااادي .. اطالع الناس واسمعهم بدون ما احس بشي .. اقول بخاطري من صدقهم فرحانين ؟
من صدقهم مشتطين ؟ ع شنو ؟ وليش ؟ اذا انا عادي عندي ؟ لا وين عادي ؟ الا انا ميته من داخلي .. مافي اقسى من هالشعور .. لما تتمنين من كنتي صغيره
تصيرين عروس وبيوم عرسك ماتحسين بهالشعور .. تحسين انك وحده بلا قلب وبلا روح .. والله كنت احس قلبي يتقطع .. كنت اقول بخاطري
تمنيت البس هالثوب ولبسته ؟ وبعدي؟ شصار ؟ كنت غبيه لما نطرت هاللحظه ! لو كان هالشخص هذا غير ولد عمي .. كنت بفرح !؟
وصلنا الصاله
وصارت زفتي .. مسويته مرت عمي باسمي .. كااااااااااااانت كلماتها خياااااااااااال .. كانت هي كتبتها فيني .. كانت تحبني وماصدقت ملكت ع ولدها ..
حتى زفتي اختارتها بنفسها ..
كنت امشي وانا ما اطالع اي احد قدامي عيني ع الارض .. واسمع ضحك وكلام وتصفق وناس تلولش .. وانا …………..
قعدت ورقصوا وشوي .. دش المعرررررررررررررررررررررررررررررررررررررررررررررر ررررررررس
دموعي تجمعت بعيوني قاومت وقاومت وقدرت اغلبها .. راحت دموعي .. بس تعبير وجهي جاااااااامد ..
قعد يمي اسمع صوته يرد عليهم ويضحك ويسولف ..وصارت وقت الزفه .. قام .. وانا بمكاني … اسمعه يقولي رمش . قومي ..
وانا ما ارد ..
جت اخته قومتني .. مسك ذراعي ..اسمع اخته تقوله امسك يدها ومسك ايدي ( آه لو اوصف لكم هالشعور ) لحظه بقولكم احساسي ..
حسيت اني انربطت فيه .. حسيت صار زوجي حقييييييييييييييييقه .. حسيت ان ادنيا صارت مو لي .. وانا موفيها اصلا ..
دشت براسي فكرة اني تزوجت فلااان ..
طلعنا ورحنا للشقه واحنا بالاصينصير اول كلمه قالها لي ( الله يوفقك يارمش ) مادري حسيت هالكلمه لي معنى ثاني انا ابيه
ودخلنا الشقه.. والمصوره معانا .. وقعنا نصور .. انصدمت من جرأته بالتصوير .. كنت اخز المصوره ويضحكون .. ويقولون سوي كذا
اهز براسي لا .. وعصبت بس ماتكلمت .. قال حق المصورات ستوب لاتصورون لين رمش تبتسم .. ( عيوني طارات ) مارديت عليه ..
كان قريب مني لامن بايد كنت احس بنبضات قلبي .. خففففففففففففففففففففففت .. قلت يايويلي رحت فيها .. كان كلامه جف ونبض واضح وكل شوي يبلع ريقه .. < شعور تحس فيها المتزوجات بازواجهم اذ حسوا بيصير ان
وقال ماراح نصوراذا ما ابتسمت خلاص (قلت بقلبي احسن ابيها من الله ) والمصورات كانوا يصورن اللقطات اللي بينا وهو يكلمني ..
شوي دشت مرت عمي وصور معنا وطلعت ..

المهم
قالت له المصوره ممكن عن اذنك ياعريس 5 دقايق نصور عروس بروحها قال اوكي .. دش غرفة النوم .. بس راح .. قلت لها انتي شفيك .. اخزك ماتفهمين
تضحك علي هي ورفيقتها .. وكل دقيقه ينط .. يقول ها يامصوره خلصتي ( وانا اضحك بقلبي ع كلمته ها يامصوره ) وكل شوي كذا يامصوره خلصتي ؟
وم يضحكون
وانا تأكددت شككوكي 🙁
طلعوا ودش علي بالصاله قعد قبالي .. قالي ها بين تغيرين لبسك ؟ قلت اي .. قال قومي ومسكني ودخلني غرفة النوم
=== خلوني اقولكم شلون كنت الشقه .. كانت الشقه مثل الفنادق 5 نجوم .. ولو عندي شقتي كانت احلامن 5 نجوم كااانت خيااااال .. مثل ماكنت احلم واحسن واحلى وافخم ..
غرفتي النوم كااااانت اكبر من الشقه كلها .. وووواسعه واضاءته صفرا وغرفة التبديل وقبال الحمام بقسم خاص .. كانت حلوه بجد ..===
لما دشيت اكان بالي مع الغرفه .. كنت احس اني شايفه هالغرف من قبل ما انبهرت بوقتها كان عاد عندي .. طلع وخلاني وسكر الباب ..
وقفت قدام النظره وطالعت نفسي .. ماشفت نفس من لبست ثوبي وسويت تسريحتي .. طالع نفسي .. انبهرت والله كااااااان شكلي راااقي
الشدو الرمادي بالفضي والاسود والحمره حمره جووووريه .. وثوبي ه جنب وورده مع حزززام عريض ع الخرص اوف وايت ..
والله ما امدح لكم شكلي انا لما شف نفسي انعجبت فيني ههههه
==
المهم
حاولت افك الحزام من ورا ماقدرت ادريت الا الباب انفتح طلعت بنت عمي اخته وامي جايين يتحون ثوبي مع انه مو كبير كان ع قدي ههه
فتحوا وراحت بنت عمي وقالت امي هاك هذا تلفونك .. استااااااااااااااانت لما فت تلفوني حسيت ان ف